IND W vs AUS W : ભારતે ઓસ્ટ્રેલિયાને 5 વિકેટથી હરાવી ફાઈનલમાં કરી એન્ટ્રી, જેમિમા રોડ્રિગ્સની સદી

ભારતે ઓસ્ટ્રેલિયાને 5 વિકેટથી હરાવીને વર્લ્ડ કપ ફાઇનલમાં પ્રવેશ કર્યો. ભારતીય ટીમ હવે 2 નવેમ્બરના રોજ ફાઇનલમાં દક્ષિણ આફ્રિકા સામે ટકરાશે.

ટીમ ઈન્ડિયાની શાનદાર જીત

Source : @BCCIWomen

ભારતે ઓસ્ટ્રેલિયાને 5 વિકેટથી હરાવીને વર્લ્ડ કપ ફાઇનલમાં પ્રવેશ કર્યો. ભારતીય ટીમ હવે 2 નવેમ્બરના રોજ ફાઇનલમાં દક્ષિણ આફ્રિકા સામે ટકરાશે. મહિલા વર્લ્ડ કપના ઇતિહાસમાં આ સૌથી મોટો રન ચેઝ છે. સેમિફાઇનલમાં પ્રથમ બેટિંગ કરતા ઓસ્ટ્રેલિયાએ 338 રનનો વિશાળ સ્કોર બનાવ્યો હતો. જેમિમા  રોડ્રિગ્સના અણનમ 127 અને હરમનપ્રીત કૌરના 89 રનની મદદથી ભારતે 9 બોલ બાકી રહેતા લક્ષ્ય હાંસલ કરી લીધું.

#Final, 𝗛𝗘𝗥𝗘 𝗪𝗘 𝗖𝗢𝗠𝗘! 🇮🇳#TeamIndia book their spot in the #CWC25 final on a historic Navi Mumbai night! 🥳👏

Scorecard ▶ https://t.co/ou9H5gN60l#WomenInBlue | #INDvAUS pic.twitter.com/RCo6FlbXSX

— BCCI Women (@BCCIWomen) October 30, 2025

જેમિમા રોડ્રિગ્સ અને હરમનપ્રીત કૌરની શાનદાર ભાગીદારીના દમ પર ભારત ICC મહિલા ODI વર્લ્ડ કપની ફાઇનલમાં પહોંચ્યું છે. સેમિફાઇનલમાં ભારતે ઓસ્ટ્રેલિયાને 5 વિકેટથી હરાવ્યું અને ટાઇટલ મેચમાં પ્રવેશ કરવામાં સફળ રહ્યું. ભારતે વિજયી બાઉન્ડ્રી ફટકારતાની સાથે જ મેચમાં શાનદાર પ્રદર્શન કરનાર જેમિમા રોડ્રિગ્સ ભાવુક થઈ ગઈ. ઓસ્ટ્રેલિયાની ટીમ આ ટુર્નામેન્ટમાં અજેય રહી પરંતુ ભારતીય ટીમે એલિસ હીલીની ટીમના વિજય અભિયાનને રોકી દીધું. હવે રવિવારે ફાઇનલમાં ભારતનો સામનો દક્ષિણ આફ્રિકા સામે થશે જેણે બીજી સેમિફાઇનલમાં ઇંગ્લેન્ડને હરાવ્યું હતું.

મહિલા વર્લ્ડ કપના ઇતિહાસમાં આ બીજી વખત છે જ્યારે ભારતે ઓસ્ટ્રેલિયાને સેમિફાઇનલમાં હરાવ્યું છે. આ પહેલા, 2017 વર્લ્ડ કપમાં ભારતીય ટીમે ઓસ્ટ્રેલિયાને 36 રનથી હરાવ્યું હતું. ડિફેન્ડિંગ ચેમ્પિયન ઓસ્ટ્રેલિયાનું આઠમી વખત વિશ્વ ચેમ્પિયન બનવાનું સ્વપ્ન અધૂરું રહ્યું.

ભારતે વિશ્વ રેકોર્ડ બનાવ્યો

મહિલા વર્લ્ડ કપના ઇતિહાસમાં કોઈપણ ટીમ દ્વારા પીછો કરાયેલ આ સૌથી વધુ સ્કોર છે. આ પહેલા સૌથી વધુ સફળ રન ચેઝનો રેકોર્ડ ઓસ્ટ્રેલિયાના નામે હતો જેણે તે જ વર્લ્ડ કપમાં ભારત સામે 331 રનના લક્ષ્યનો પીછો કર્યો હતો.

જેમીમા રોડ્રિગ્સ આ સિદ્ધિ મેળવનારી બીજી બેટ્સમેન બની 

જેમીમા રોડ્રિગ્સ મહિલા ODI વર્લ્ડ કપની સેમિફાઇનલમાં સદી ફટકારનારી બીજી ભારતીય બની છે. હરમનપ્રીત કૌરે અગાઉ ભારત માટે આ સિદ્ધિ હાંસલ કરી હતી. તેણે 2017 ની સેમિફાઇનલમાં ઓસ્ટ્રેલિયા સામે અણનમ 171 રન બનાવ્યા હતા. આ સાથે તે મહિલા ODI વર્લ્ડ કપ નોકઆઉટમાં ત્રીજા નંબર પર બેટિંગ કરતી વખતે સદી ફટકારનારી બીજી બેટ્સમેન બની છે.