IND vs AUS, WC Final Score: વર્લ્ડકપ ફાઈનલમાં ઓસ્ટ્રેલિયાની શાનદાર જીત, છઠ્ઠી વખત જીત્યો વર્લ્ડકપ
India vs Australia LIVE Score: આજે ભારત અને ઓસ્ટ્રેલિયા વચ્ચે આઇસીસી વનડે વર્લ્ડકપ 2023ની ફાઇનલ મેચ રમાઇ રહી છે, આ મેચ અમદાવાદના નરેન્દ્ર મોદી સ્ટેડિયમમાં રમાઇ રહી છે,
LIVE
Background
India vs Australia LIVE Score: આજે ભારત અને ઓસ્ટ્રેલિયા વચ્ચે આઇસીસી વનડે વર્લ્ડકપ 2023ની ફાઇનલ મેચ રમાઇ હતી. મેચ અમદાવાદના નરેન્દ્ર મોદી સ્ટેડિયમમાં રમાઇ હતી. ઓસ્ટ્રેલિયાએ ફાઈનલ મહામુકાબલામાં ભારતને 6 વિકેટથી હાર આપી વર્લ્ડકપ જીતી લીધો છે.
IND vs AUS લાઇવ સ્કોર: માર્નસ લાબુશેને અડધી સદી ફટકારી
માર્નસ લાબુશેને 99 બોલમાં ત્રણ ચોગ્ગાની મદદથી અડધી સદી ફટકારી છે. 40 ઓવર પછી ઓસ્ટ્રેલિયાનો સ્કોર ત્રણ વિકેટે 225 રન છે. જ્યારે ટ્રેવિસ હેડ 114 બોલમાં 128 રન બનાવીને રમી રહ્યો છે.
IND vs AUS ફાઇનલ: હેડે સદી ફટકારી
ઓસ્ટ્રેલિયાના ઓપનિંગ બેટ્સમેન ટ્રેવિસ હેડે પોતાની સદી પૂરી કરી લીધી છે. તેણે 34મી ઓવરમાં કુલદીપ યાદવના પાંચમા બોલ પર એક રન લઈને પોતાની સદી પૂરી કરી. ઓસ્ટ્રેલિયાએ 34 ઓવરમાં ત્રણ વિકેટે 185 રન બનાવ્યા છે. હેડ 100 અને માર્નસ લાબુશેન 41 રન બનાવીને અણનમ છે.
IND vs AUS લાઇવ સ્કોર: ઓસ્ટ્રેલિયાનો સ્કોર 167/3
30 ઓવર પછી ઓસ્ટ્રેલિયાનો સ્કોર ત્રણ વિકેટે 167 રન છે. ટ્રેવિસ હેડ 82 બોલમાં 86 રન બનાવીને રમી રહ્યો છે. અત્યાર સુધીમાં તેણે 12 ચોગ્ગા અને એક છગ્ગો ફટકાર્યો છે. તેની સાથે માર્નસ લાબુશેન 71 બોલમાં બે ચોગ્ગાની મદદથી 37 રન બનાવીને રમતમાં છે. બંને વચ્ચે 120 રનની ભાગીદારી થઈ છે.
IND vs AUS લાઇવ સ્કોર: હેડ અને લાબુશેન વચ્ચે સદીની ભાગીદારી, સ્કોર 148/3
ટ્રેવિસ હેડ અને માર્નસ લાબુશેન વચ્ચે 121 બોલમાં 101 રનની ભાગીદારી છે. 27 ઓવર પછી ઓસ્ટ્રેલિયાનો સ્કોર ત્રણ વિકેટે 148 રન છે.
IND Vs AUS લાઇવ સ્કોર: ટ્રેવિસ હેડની અડધી સદી
ટ્રેવિસ હેડે 58 બોલમાં 6 ચોગ્ગા અને એક છગ્ગાની મદદથી અડધી સદી ફટકારી હતી. લાબુશેન પણ 45 બોલમાં એક ચોગ્ગા સાથે 22 રન પર પહોંચી ગયો છે. ઓસ્ટ્રેલિયાની ટીમ ઝડપથી લક્ષ્ય તરફ આગળ વધી રહી છે.
ટ્રેન્ડિંગ સમાચાર
ટોપ સ્ટોરી
