![ABP Premium](https://cdn.abplive.com/imagebank/Premium-ad-Icon.png)
IND vs AUS: IPL વચ્ચે ભારતના ઓસ્ટ્રેલિયા પ્રવાસની થઈ જાહેરાત, 5 મેચની સીરિઝમાં એક ડે-નાઇટ ટેસ્ટ પણ સામેલ
32 વર્ષ બાદ ભારત અને ઓસ્ટ્રેલિયા વચ્ચે પાંચ મેચની ટેસ્ટ શ્રેણી રમાશે. બંને દેશો વચ્ચે છેલ્લી વખત 1991-92માં પાંચ મેચની ટેસ્ટ શ્રેણીનું આયોજન કરવામાં આવ્યું હતું.
![IND vs AUS: IPL વચ્ચે ભારતના ઓસ્ટ્રેલિયા પ્રવાસની થઈ જાહેરાત, 5 મેચની સીરિઝમાં એક ડે-નાઇટ ટેસ્ટ પણ સામેલ India vs Australia: Team India schedule for the 5 Test Border Gavaskar Trophy tour to Australia in late 2024 announced IND vs AUS: IPL વચ્ચે ભારતના ઓસ્ટ્રેલિયા પ્રવાસની થઈ જાહેરાત, 5 મેચની સીરિઝમાં એક ડે-નાઇટ ટેસ્ટ પણ સામેલ](https://feeds.abplive.com/onecms/images/uploaded-images/2024/03/26/5353a6316b74ef5b88a562dd472c572f171145029166176_original.jpg?impolicy=abp_cdn&imwidth=1200&height=675)
Australia vs India Test Series Schedule: ક્રિકેટ ચાહકો હાલમાં ઈન્ડિયન પ્રીમિયર લીગને લઈને દિવાના છે. દરેક વ્યક્તિ IPL 2024નો આનંદ માણી રહ્યો છે. દરમિયાન, ભારતના ઓસ્ટ્રેલિયા પ્રવાસ પર રમાનારી પાંચ મેચની ટેસ્ટ શ્રેણીનું શેડ્યૂલ જાહેર કરવામાં આવ્યું છે. ખાસ વાત એ છે કે આ વખતે ટીમ ઈન્ડિયા ઓસ્ટ્રેલિયા પ્રવાસ પર પાંચ મેચની ટેસ્ટ સિરીઝ રમી છે. આ શ્રેણીમાં ડે-નાઈટ ટેસ્ટ પણ રમાશે.
32 વર્ષ બાદ ભારત અને ઓસ્ટ્રેલિયા વચ્ચે પાંચ મેચની ટેસ્ટ શ્રેણી રમાશે
ટીમ ઈન્ડિયા 22 નવેમ્બરથી ઓસ્ટ્રેલિયામાં પાંચ મેચની ટેસ્ટ સીરિઝ રમશે. 32 વર્ષ બાદ ભારત અને ઓસ્ટ્રેલિયા વચ્ચે પાંચ મેચની ટેસ્ટ શ્રેણી રમાશે. બંને દેશો વચ્ચે છેલ્લી વખત 1991-92માં પાંચ મેચની ટેસ્ટ શ્રેણીનું આયોજન કરવામાં આવ્યું હતું. ત્યારથી ટીમ ઈન્ડિયા ઓસ્ટ્રેલિયા પ્રવાસ પર માત્ર 4 મેચની ટેસ્ટ શ્રેણી રમી રહી છે. જ્યારે કાંગારુઓ પણ ભારતમાં માત્ર 4 ટેસ્ટ રમ્યા છે.
6-10 ડિસેમ્બર ડે-નાઇટ ટેસ્ટ
ભારતીય ટીમ ઓસ્ટ્રેલિયામાં એડિલેડ ઓવલ ખાતે 6 થી 10 ડિસેમ્બર દરમિયાન ડે-નાઈટ ટેસ્ટ રમશે. ડે-નાઈટ ટેસ્ટને પિંક બોલ ટેસ્ટ કહેવામાં આવે છે. ડે-નાઈટ ટેસ્ટ સિવાય આ સિરીઝની ખાસ વાત એ છે કે આ વખતે પ્રથમ ટેસ્ટ મેચ પર્થમાં રમાશે. આ સ્ટેડિયમમાં ઓસ્ટ્રેલિયાનો રેકોર્ડ મજબૂત છે. પર્થના નવા સ્ટેડિયમમાં કાંગારૂઓએ ચારમાંથી ચાર ટેસ્ટ જીતી છે.
ભારત-ઓસ્ટ્રેલિયા ટેસ્ટ શ્રેણીનું શેડ્યૂલ
- 22 થી 26 નવેમ્બર – પ્રથમ ટેસ્ટ – પર્થ (ડે ટેસ્ટ)
- 6 થી 10 ડિસેમ્બર - બીજી ટેસ્ટ - એડિલેડ ઓવલ (ડે-નાઈટ ટેસ્ટ)
- 14 થી 18 ડિસેમ્બર - ગાબ્બા, બ્રિસ્બેન (ડે ટેસ્ટ)
- 26 થી 30 ડિસેમ્બર - MCG, મેલબોર્ન (ડે ટેસ્ટ)
- 3 થી 7 જાન્યુઆરી - 5મી SCG, સિડની (ડે ટેસ્ટ)
છેલ્લા ઓસ્ટ્રેલિયા પ્રવાસમાં કેવું રહ્યું હતું ભારતીય ટીમનું પ્રદર્શન
ભારતીય ટીમ છેલ્લે 2020-2021માં ઓસ્ટ્રેલિયાના પ્રવાસે ગઈ હતી. તે સમયે બંને ટીમો વચ્ચે 4 ટેસ્ટ મેચ રમાઈ હતી. ઓસ્ટ્રેલિયાએ પ્રથમ ટેસ્ટ મેચમાં 8 વિકેટે જીત મેળવી હતી. બીજી મેચમાં ભારતીય ટીમનો 8 વિકેટે વિજય થયો હતો. આ પછી ત્રીજી ટેસ્ટ મેચ ડ્રો રહી હતી. ચોથી ટેસ્ટ મેચ સિરીઝ ડ્રો કરી શકી હોત, પરંતુ ઋષભ પંતની ઐતિહાસિક ઇનિંગને કારણે ભારતે 3 વિકેટે મેચ જીતી લીધી હતી. આ રીતે ટીમ ઈન્ડિયાએ શ્રેણી 2-1થી જીતી લીધી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)