IND vs ENG, Test Day 2: બીજા દિવસની રમત પૂર્ણ, ભારતના ચાર વિકેટે 125 રન

IND vs ENG 1st Test: ભારત અને ઈંગ્લેન્ડ વચ્ચે પાંચ મેચની ટેસ્ટ શ્રેણીની પ્રથમ મેચનો આજે બીજો દિવસ છ. પ્રથમ દિવસે ઈંગ્લેન્ડ ટોસ જીતીને બેટિંગ લીધી હતો. અંગ્રેજ ટીમ 183 રનમાં જ ખખડી ગઈ હતી.

Background

IND vs ENG 1^st Test: ભારત અને ઈંગ્લેન્ડ વચ્ચે પાંચ મેચની ટેસ્ટ શ્રેણીની પ્રથમ મેચના પ્રથમ દિવસે ઈંગ્લેન્ડ ટોસ જીતીને બેટિંગ કરવાનો ફેંસલો લીધો હતો. ભારતના પેસ એટેક સામે અંગ્રેજ ટીમ 183 રનમાં જ ખખડી ગઈ હતી. જો રૂટને બાદ કરતાં કોઈપણ બેટ્સમેન લાંબો સમય પીચ પર ટકી શક્યા નહોતા.બુમરાહે 46 રનમાં ચાર અને શમીએ 28 રનમાં ત્રણ વિકેટ ઝડપતાં ભારત સામેની પ્રથમ ટેસ્ટમાં ઈંગ્લેન્ડની ટીમ 65.4 ઓવરમાં 183 રનમાં જ સમેટાઈ ગઈ હતી. ઈંગ્લેન્ડ તરફથી સૌથી વધુ 64 રન ઈંગ્લેન્ડના કેપ્ટન જો રુટે નોંધાવ્યા હતા. ઈંગ્લેન્ડે આખરી સાત વિકેટ માત્ર 45 રનમાં ગુમાવી હતી. પુંછડિયા બેટ્સમેનો ખાસ ટકી શક્યા નહતા. સેમ કરને અણનમ 27 રન નોંધાવ્યા હતા. 

22:37 PM (IST)  •  05 Aug 2021

ભારત હજી 58 રન પાછળ

બીજા દિવસના અંતે ટીમ ઇન્ડિયાએ પ્રથમ ઇનિંગમાં ચાર વિકેટ ગુમાવી 125 રન બનાવી લીધા હતા. ભારત પ્રથમ ઇનિંગમાં હજુ 58 રન પાછળ છે. વિરાટ કોહલી 0, પૂજારા 4, રહાણે 5 અને રોહિત શર્મા 35 રન પર આઉટ થયા હતા. ઇગ્લેન્ડ તરફથી જેમ્સ એન્ડરસને બે, રોબિન્સને એક વિકેટ ઝડપી હતી. 

19:41 PM (IST)  •  05 Aug 2021

વરસાદના કારણે મેચ રોકવામાં આવી

ઇગ્લેન્ડ સામેની પ્રથમ ટેસ્ટના બીજા દિવસે વરસાદના કારણે ઇન્ડિયાની પ્રથમ ઇનિંગ રોકવામાં આવી હતી. અગાઉ ખરાબ પ્રકાશના કારણે મેચ રોકવામાં આવી હતી. બાદમાં ફ્લડ લાઇટ્સ શરૂ કરવામાં આવી પરંતુ વરસાદના કારણે ફરી મેચ રોકવી પડી હતી. ટીમ ઇન્ડિયા તરફથી હાલમાં લોકેશ રાહુલ 57 અને પંત સાત રન પર રમતમાં છે. ઇગ્લેન્ડ તરફથી જેમ્સ એન્ડરસને બે અને ઓલી રોબિન્સને એક વિકેટ ઝડપી હતી