Ind vs Pak: હૈદરને આઉટ કરીને હાર્દિક પંડ્યાએ માત્ર સ્માઈલ આપી અને મહેફિલ લૂંટી લીધી, જુઓ Video
T20 વર્લ્ડ કપ 2022માં ભારત અને પાકિસ્તાનની મેચ આજે મેલબોર્ન ક્રિકેટ ગ્રાઉન્ડ પર રમાઈ રહી છે. આ મેચમાં પાકિસ્તાનની ટીમે પ્રથમ બેટિંગ કરતા 159 રન બનાવ્યા હતા.
Hardik Video Viral: T20 વર્લ્ડ કપ 2022માં ભારત અને પાકિસ્તાનની મેચ આજે મેલબોર્ન ક્રિકેટ ગ્રાઉન્ડ પર રમાઈ રહી છે. આ મેચમાં પાકિસ્તાનની ટીમે પ્રથમ બેટિંગ કરતા 159 રન બનાવ્યા હતા, જેના જવાબમાં સ્કોરનો પીછો કરતા ભારતીય ટીમે પોતાના બંને ઓપનરની વિકેટ સાવ સસ્તામાં ગુમાવી દીધી હતી. આ પહેલાં ટીમ ઈન્ડિયાના બલરોએ પાકિસ્તાન સામે શાનદાર પ્રદર્શન કર્યું હતું. હાર્દિક પંડ્યાએ 30 રન આપીને 3 વિકેટ ઝડપી હતી.
હાર્દિક પંડ્યાએ માત્ર સ્માઈલ આપી....
પાકિસ્તાન સામે બોલિંગ કરતાં હાર્દિક પંડ્યાએ 14મી ઓવરમાં 2 વિકેટ ઝડપી હતી. 13.2 ઓવર પર શાદાબ ખાન આઉટ થયો હતો. ત્યાર બાદ તરત જ ઓવરના અંતિમ બોલ પર હૈદર અલી પણ દિનેશ કાર્તિકના હાથે કેચ આઉટ થયો હતો. આ વિકેટ ઝડપીને હાર્દિક પંડ્યાએ હૈદર અલી સામે માત્ર એક સ્માઈલ આપી હતી અને ઉભો રહી ગયો હતો. હાર્દિક પંડ્યાના આ મજાકીયા અંદાજનો વીડિયો હાલ સોશિયલ મીડિયા પર ઝડપથી વાયરલ થઈ રહ્યો છે. મહત્વનું છે કે, હૈદર અલી માત્ર 2 રન બનાવીને જ પવેલિયન પરત ફર્યો હતો. હૈદર અલી આઉટ થયો ત્યારે પાકિસ્તાનનો સ્કોર 98 રન પર 5 વિકેટ હતી.
This is kinda embarrassing for Haider Ali pic.twitter.com/nbSQDMsuJa
— 🤏🧠 (@okkbyy_) October 23, 2022
પાકિસ્તાનની થઈ હતી નબળી શરૂઆત
પાકિસ્તાનની શરૂઆત નબળી થઈ હતી. કેપ્ટન બાબર આઝમ ખાતું પણ ખોલાવી શક્યો નહોતો. રિઝવાન 4 રન બનાવી આઉટ થયો હતો. જે બાદ ઈફ્તિખાર અહેમદ અને મસૂદે ત્રીજી વિકેટ માટે 76 રનની પાર્ટનરશિપ કરી હતી. 14મી ઓવરમાં હાર્દિક પંડ્યાએ એક જ ઓવરમાં બે વિકેટ લઈને પાકિસ્તાનને બેકફૂટ પર ધકેલી દીધું હતું.
પાકિસ્તાને 20 ઓવરમાં 8 વિકેટના નુકસાન પર 159 રન બનાવ્યા હતા. શાન મસૂદે સર્વાધિક 52 રન બનાવ્યા હતા. ઈફ્તિખાર અહેમદે 34 બોલમાં 51 રનની ઈનિંગ રમી હતી. શાહિન આફ્રિદીએ 7 બોલમાં 16 રન બનાવ્યા હતા. ભારત તરફથી અર્શદીપે 32 રનમાં 3, હાર્દિક પંડ્યાએ 30 રનમાં 3 અને મોહમ્મદ શમીએ 25 રનમાં 1, ભુવનેશ્વર કુમારે વિકેટ લીધી હતી.
ટોપ સ્ટોરી
ટ્રેન્ડિંગ સમાચાર
