IND vs SA 3rd ODI : સાઉથ આફ્રિકાએ રોમાંચક મેચમાં ભારતને 4 રને હરાવ્યું
રોમાંચક મુકાબલમાં સાઉથ આફ્રીકાની ટીમે ભારતીય ટીમને 4 રનથી હાર આપી છે.ટીમ ઈન્ડિયા 49.2 ઓવરમાં 283 રન બનાવી શકી.
રોમાંચક મુકાબલમાં સાઉથ આફ્રીકાની ટીમે ભારતીય ટીમને 4 રનથી હાર આપી છે.ટીમ ઈન્ડિયા 49.2 ઓવરમાં 283 રન બનાવી શકી. ભારત તરફથી વિરાટ કોહલીએ અડધી સદી ફટકારતા 65 રન બન્યા હતા. આ સિવાય ધવને 61 રન અને ચહરે શાનદાર ઈનિંગ રમી 54 રન ફટકારી ટીમને જીતની નજીક પહોંચાડી હતી. પરંતુ અન્ય બેટ્સમેન મેચ જીતાડવામાં સફળ ન રહ્યા. સાઉથ આફ્રીકાએ પ્રથમ બેટિંગ કરતા 287 રન બનાવ્યા હતા.
Cape Town ના Newlands માં રમાઈ રહેલી ત્રીજી વનડેમાં દક્ષિણ આફ્રીકાએ ભારતને જીત માટે 288 રનનો લક્ષ્યાંક આપ્યો હતો. દક્ષિણ આફ્રિકા તરફથી ઓપનર ક્વિન્ટન ડી કોકે સૌથી વધુ 124 રન બનાવ્યા હતા. આ દરમિયાન તેના બેટમાંથી 12 ચોગ્ગા અને બે છગ્ગા આવ્યા હતા. આ સાથે જ ભારત માટે પ્રખ્યાત કૃષ્ણાએ ત્રણ વિકેટ ઝડપી હતી. આ સિવાય દીપક ચહર અને જસપ્રિત બુમરાહે બે-બે વિકેટ લીધી હતી.
આ પહેલા ટોસ હાર્યા બાદ પ્રથમ બેટિંગ કરવા ઉતરેલી દક્ષિણ આફ્રિકાની ટીમની શરૂઆત સારી રહી ન હતી. બીજી વનડેમાં 91 રનની મેચ વિનિંગ ઇનિંગ રમનાર જાનેમન મલાન છ બોલમાં માત્ર એક રન બનાવી શક્યો હતો. આ પછી કેપ્ટન ટેમ્બા બાવુમા પણ 34ના કુલ સ્કોર પર વોક કરતો ગયો. તેણે 12 બોલમાં આઠ રન બનાવ્યા હતા.
ચોથા નંબર પર બેટિંગ કરવા આવેલો એડન માર્કરામ આજે ટચમાં જોવા મળી રહ્યો હતો. પરંતુ 14 બોલમાં ત્રણ ચોગ્ગાની મદદથી 15 રન બનાવ્યા બાદ તે રનઆઉટ થયો હતો. આ સમયે દક્ષિણ આફ્રિકાએ માત્ર 70 રનમાં પોતાની ત્રણ વિકેટ ગુમાવી દીધી હતી.
જો કે, આ પછી ક્વિન્ટન ડી કોક અને રાસી વેન ડ્યુસેને 144 રનની ભાગીદારી કરીને પાસા ફેરવી દીધા હતા. ડી કોકે 130 બોલમાં 124 રન બનાવ્યા હતા. ODI ક્રિકેટમાં આ તેની 17મી સદી છે. આ સાથે જ ડી કોકની ભારત સામે આ છઠ્ઠી સદી છે. આ પછી રાસી વાન ડેર ડુસેન પણ પેવેલિયન પરત ફર્યો હતો. તેણે 59 બોલમાં ચાર ચોગ્ગા અને એક છગ્ગાની મદદથી 52 રન બનાવ્યા હતા. તે જ સમયે, એન્ડીલે ફેહલુકવાયો 11 બોલમાં ચાર રન બનાવીને આગળ વધ્યો હતો.
ભારત : કેએલ રાહુલ (કેપ્ટન), શિખર ધવન, વિરાટ કોહલી, ઋષભ પંત, સૂર્યકુમાર યાદવ, શ્રેયસ ઐયર, જયંત યાદવ, પ્રસિદ્ધ કૃષ્ણ, દીપક ચાહર, જસપ્રિત બુમરાહ અને યુઝવેન્દ્ર ચહલ
દક્ષિણ આફ્રિકા : યાનમન મલાન, ક્વિન્ટન ડિકોક, ટેમ્બા બાવુમા (કેપ્ટન), એડન માર્કરમ, રાસી વાન ડર ડ્યૂસેન, ડેવિડ મિલર, એન્ડિલ ફેહલુકવાયો, કેશવ મહારાજ, ડ્વેન પ્રિટોરિયસ, લુંગી એનગિડી, સિસાંડા મગાલા.
ટોપ સ્ટોરી
ટ્રેન્ડિંગ સમાચાર
