ભારતીય ક્રિકેટર મોહમ્મદ શમીને જાનથી મારી નાખવાની ધમકી, ક્રાઈમ બ્રાંચની ટીમ તપાસમાં લાગી
ભારતીય ક્રિકેટર મોહમ્મદ શમીને મળી જાનથી મારી નાખવાની ધમકી મળી છે. ક્રાઈમ બ્રાન્ચની ટીમે તપાસ શરૂ કરી છે.
Mohammed Shami Death Threats: ભારતીય ક્રિકેટર મોહમ્મદ શમીને જાનથી મારી નાખવાની ધમકી આપવામાં આવી છે. શમીને 1 કરોડ રૂપિયા ન ચૂકવવા બદલ આ ધમકી મળી છે. ભારતીય ક્રિકેટરને ઈ-મેલ દ્વારા જાનથી મારી નાખવાની ધમકી આપવામાં આવી છે. આ વાત સામે આવતા જ અમરોહા ક્રાઈમ બ્રાન્ચની ટીમે તપાસ શરૂ કરી દીધી છે.
મોહમ્મદ શમીને મળી જાનથી મારી નાખવાની ધમકી
ધમકી મળ્યા બાદ ભારતીય ક્રિકેટ ટીમના ફાસ્ટ બોલર મોહમ્મદ શમીએ અમરોહા પોલીસને આ બાબતની જાણ કરી. શમીએ કહ્યું કે તેને પહેલી વાર ગઈકાલે 4 મેના રોજ સાંજે એક ઈમેલ મળ્યો. આ પછી, આજે સોમવાર 5 મેના રોજ સવારે બીજો ઈમેલ આવ્યો. શમીના ભાઈ મોહમ્મદ હસીબે પોલીસને આ અંગે લેખિત માહિતી આપી છે.
ક્રાઈમ બ્રાન્ચ તપાસ કરી રહી છે
મોહમ્મદ શમીએ અમરોહા પોલીસમાં ફરિયાદ નોંધાવતાની સાથે જ અમરોહા ક્રાઈમ બ્રાન્ચની ટીમે તપાસ શરૂ કરી દીધી છે. પોલીસને મળેલી ફરિયાદ મુજબ, કર્ણાટકના પ્રભાકર નામના વ્યક્તિએ મોહમ્મદ શમીને એક મેઇલ મોકલ્યો છે, જેમાં ધમકી આપવામાં આવી છે કે જો તે 1 કરોડ રૂપિયા નહીં આપે તો તેને મારી નાખવામાં આવશે. પોલીસે આ મામલે તપાસ શરૂ કરી છે.
મોહમ્મદ શમી આઈપીએલમાં રમી રહ્યો છે
મોહમ્મદ શમી હાલમાં IPL 2025 ટુર્નામેન્ટમાં વ્યસ્ત છે. શમી સનરાઇઝર્સ હૈદરાબાદ ટીમનો ભાગ છે. આ IPLમાં હૈદરાબાદ ટીમનું પ્રદર્શન કંઈ ખાસ રહ્યું નથી. SRH એ અત્યાર સુધીમાં 10 મેચ રમી છે, જેમાંથી ટીમ 7 મેચ હારી ગઈ છે. જ્યારે મોહમ્મદ શમીની ટીમ પેટ કમિન્સની કેપ્ટનશીપમાં માત્ર 3 મેચ જીતી શકી છે. શમી ભારતીય ક્રિકેટ ટીમનો એક મહત્વપૂર્ણ ખેલાડી છે. અન્ય દેશોના ખેલાડીઓ તેની ઝડપી બોલિંગથી ડરે છે.
મોહમ્મદ શમીના નામે અનિચ્છનીય રેકોર્ડ
IPL 2025માં સનરાઈઝર્સ હૈદરાબાદના સ્ટાર ફાસ્ટ બોલર મોહમ્મદ શમીના નામે એક ખૂબ જ અનિચ્છનીય રેકોર્ડ નોંધાઈ ગયો છે. પંજાબ કિંગ્સ સામેની મેચમાં શમીએ 4 ઓવરમાં કોઈ વિકેટ લીધા વિના 75 રન આપ્યા હતા, જે IPLના ઈતિહાસમાં કોઈપણ ભારતીય બોલર દ્વારા આપવામાં આવેલા સૌથી વધુ રન છે. આ વર્ષે શમીની ટીમ હૈદરાબાદનું પ્રદર્શન આઈપીએલમાં કંઈ ખાસ નથી રહ્યું.
ટોપ સ્ટોરી
ટ્રેન્ડિંગ સમાચાર
