ટીમ ઈન્ડિયાના ફાસ્ટ બોલરે અચાનક નિવૃતીની જાહેરાત કરી તમામને ચોંકાવ્યા 

ભારતીય ક્રિકેટમાં છેલ્લા ઘણા સમયથી ખેલાડીઓ સતત નિવૃત્તિની જાહેરાત કરી રહ્યા છે, જેમાં હવે આ યાદીમાં ફાસ્ટ બોલર વરુણ એરોનનું નામ પણ જોડાઈ ગયું છે.

ફાસ્ટ બોલરે અચાનક નિવૃતીની જાહેરાત કરી

Source : varunaaron77

Varun Aaron Announce His Retirement: ભારતીય ક્રિકેટમાં છેલ્લા ઘણા સમયથી ખેલાડીઓ સતત નિવૃત્તિની જાહેરાત કરી રહ્યા છે, જેમાં હવે આ યાદીમાં ફાસ્ટ બોલર વરુણ એરોનનું નામ પણ જોડાઈ ગયું છે. પોતાના બોલની સ્પીડથી બેટ્સમેનોમાં ડર પેદા કરનાર વરુણે 10 જાન્યુઆરીએ સોશિયલ મીડિયા પર પોસ્ટ કરીને ફેન્સને ક્રિકેટના તમામ ફોર્મેટમાંથી નિવૃત્તિ લેવાની જાણકારી આપી હતી. વરુણનું આંતરરાષ્ટ્રીય કરિયર લાંબું ચાલ્યું ન હતું જેમાં તેને ટીમ ઈન્ડિયા માટે માત્ર 9 ટેસ્ટ અને 9 વનડે મેચ રમવાની તક મળી હતી, જેમાં તેણે વર્ષ 2015માં તેની છેલ્લી આંતરરાષ્ટ્રીય મેચ રમી હતી.

વરુણ એરોનને તેની કારકિર્દીમાં ઈજાઓ સાથે ઘણો સંઘર્ષ કરવો પડ્યો 

વરુણ એરોનની વાત કરીએ તો, તેને વર્ષ 2010-11માં આયોજિત વિજય હજારે ટ્રોફીમાં તેના બોલની ઝડપને કારણે ઓળખ મળી હતી, જેમાં તેણે આ ટુર્નામેન્ટમાં 150 કિલોમીટર પ્રતિ કલાકથી વધુની ઝડપે બોલિંગ કરી હતી. આ પછી વર્ષ 2011માં વરુણને પણ ઈન્ટરનેશનલ ક્રિકેટમાં ડેબ્યૂ કરવાની તક મળી પરંતુ સતત ઈજાના કારણે તે લાંબા સમય સુધી ટીમમાં પોતાનું સ્થાન નિશ્ચિત કરવામાં સફળ ન થઈ શક્યો. જ્યારે વરુણે 9 ટેસ્ટ મેચમાં 52.61ની એવરેજથી 18 વિકેટ લીધી હતી, ત્યારે તે 9 ODI મેચમાં 38.09ની એવરેજથી 11 વિકેટ લેવામાં સફળ રહ્યો હતો. આ સિવાય વરુણ IPLમાં પણ પ્રભાવશાળી રહ્યો છે, જેમાં તેણે કુલ 52 મેચ રમી છે અને 33.66ની એવરેજથી કુલ 44 વિકેટ લીધી છે.

 

 

 

 

 

View this post on Instagram

 

 

 

 

 

 

 

 

 

 

 

A post shared by Varun Aaron (@varunaaron77)

મારી કારકિર્દી દરમિયાન મારે ઘણી ગંભીર ઇજાઓમાંથી વાપસી કરવી પડી 

નિવૃત્તિની સત્તાવાર જાહેરાત કરવાની સાથે જ વરુણ એરોને સોશિયલ મીડિયા પર પોતાની પોસ્ટમાં લખ્યું કે ફાસ્ટ બોલિંગનો રોમાંચ છેલ્લા 20 વર્ષ સુધી સારી રીતે લીધો.  હું મારા ચાહકોનો આભાર માનું છું અને ક્રિકેટના તમામ ફોર્મેટમાંથી મારી નિવૃત્તિની સત્તાવાર જાહેરાત પણ કરું છું. અહીંની મારી સફર મારા પરિવાર, મિત્રો, સપોર્ટ સ્ટાફ અને તમારા બધા વિના પૂર્ણ ન હોત. મારી કારકિર્દી દરમિયાન મારે ઘણી ખતરનાક ઇજાઓનો સામનો કરવો પડ્યો હતો, પરંતુ નેશનલ ક્રિકેટ એકેડમીના ફિઝિયો, ટ્રેનર્સ અને કોચ વગર મારા માટે પુનરાગમન કરવું શક્ય ન હતું, તેથી હું તેમનો પણ આભાર માનું છું.