IPL 2021: IPLમાં હેટ્રિક લેનારો હર્ષલ પટેલ અમદાવાદ પાસેના ક્યા ગામનો છે ? પરિવાર અમેરિકા જતો રહ્યો ત્યારે કોણે તેની સાથે રહેલું ?
IPL Hat Tricks: હર્ષલ પટેલે દમદાર બોલિંગ કરી હતી. હર્ષલ પટેલે ઈનિંગની 17મી ઓવરમાં હેટ્રિક ઝડપી હતી
IPL Updates: રવિવારે રાત્રે રમાયેલા આઈપીએલ 2021ના 39માં મુકાબલામાં રોયલ ચેલેન્જર્સ બેંગ્લુરુએ મુંબઈ ઈન્ડિયન્સને 54 રને હરાવ્યું હતું. આ મેચમાં શાનદાર પ્રદર્શન કરતા હર્ષલ પટેલે હેટ્રિક ઝડપી હતી. ટોસ હાર્યા પછી RCBએ 20 ઓવરમાં 6 વિકેટના નુકસાને 165 રન કર્યા હતા. જેના જવાબમાં મુંબઈ ઈન્ડિયન્સની ટીમ 18.1 ઓવરમાં 111 રન બનાવી ઓલઆઉટ થઈ ગઈ હતી.
હર્ષલે ટી-20ના આ દિગ્ગજોને આઉટ કરી લીધી હેટ્રિક
હર્ષલ પટેલે દમદાર બોલિંગ કરી હતી. હર્ષલ પટેલે ઈનિંગની 17મી ઓવરમાં હેટ્રિક ઝડપી હતી. હર્ષલ પટેલે પહેલા હાર્દિક પંડ્યા (3)ને કેચઆઉટ કરાવ્યો હતો. ત્યારબાદ પોલાર્ડ (7 રન) ને બોલ્ડ કર્યો હતો અને ત્યારબાદ હર્ષલે રાહુલ ચાહર (0)ને LBW આઉટ કરી પોતાની હેટ્રિક પૂરી કરી હતી. હર્ષલ પટેલે એડન મિલ્ને (0)ને બોલ્ડ કરી પોતાની ચોથી વિકેટ ઝડપી હતી. હર્ષલ પટેલે આ સીઝનની પ્રથમ હેટ્રિક લીધી હતી.
ક્યાંનો વતની છે હર્ષલ પટેલ
આઈપીએલ 2021માં હેટ્રિક લેનારો હર્ષલ પટેલ અમદાવાદ નજીક આવેલા સાણંદનો વતની છે. 2009-10 અંડર-19 વિનું માંકડ ટ્રોફીમાં તેણે શાનદાર એવરેજથી 23 વિકેટ લીધી હતી. જે બાદ તેણે 2009-10માં ગુજરાતની ટીમ તરફથી વન ડે ડેબ્યૂ કર્યુ હતું. આ દરમિયાન તેના પરિવારે અમેરિકા સ્થાયી થવાનો ફેંસલો કર્યો હતો પરંતુ તેના ભાઈ તપન પટેલે તેની સાથે રહેવાનો નિર્ણય કર્યો હતો.
2010માં અંડર-19 વર્લ્ડકપમાં પણ તેની પસંદગી થઈ હતી. તે મુંબઈ ઈન્ડિયન્સ તરફથી આઈપીએલ કોન્ટ્રાક્ટ મેળવનારા ત્રણ ખેલાડી પૈકીનો એક હતો. શાનદાર પ્રદર્શન છતાં ગુજરાતની ટીમના પસંદગીકર્તા દ્વારા અવગણના કરવામાં આવતાં તેણે હરિયાણા તરફથી રમવાનો ફેંસલો કર્યો હતો. 2011-12ની રણજી ટ્રોફી સીઝનમાં તેણે શાનદાર પ્રદર્શન કર્યું હતું. ક્વાર્ટર ફાઈનલ અને સેમિ ફાઇનલમાં તેણે જબરદસ્ત દેખાવ કર્યો હતો. 2012માં આઈપીએલ ફ્રેન્ચાઇઝી રોયલ ચેલેન્જર્સ બેંગ્લોરે કરાર કર્યો હતો.
આઈપીએલમાં અત્યાર સુધી કેટલી નોંધાઈ છે હેટ્રિક
આઈપીએલમાં અત્યાર સુધી કુલ 20 હેટ્રિક નોંધાઈ છે. લક્ષ્મીપતિ બાલાજીએ 2008માં ચેન્નઈ સુપર કિંગ્સ તરફથી રમતાં પ્રથમ હેટ્રિક લીધી હતી. હાલ દિલ્હી કેપિટલ્સ તરફથી રમતો અક્ષર પટેલ આઈપીએલમાં હેટ્રિક લેનારો પ્રથમ ગુજરાતી બોલર છે. તેણે 2016માં કિંગ્સ ઈલેવન પંજાબ તરથી પતમાં ગુજરાત લાયન્સ સામે હેટ્રિક લીધી હતી. 2017માં જયદેવ ઉનડકટે રાઇઝિંગ પુણે સુપર જાયંટ તરફથી રમતાં સનરાઇઝર્સ હૈદરાબાદ સામે હેટ્રિક લીધી હતી.
ટ્રેન્ડિંગ સમાચાર
ટોપ સ્ટોરી
