રોહિતે જાડેજાને કહ્યું, યાર તુ તો ફરી ગયો, તેં તો મને કહેલું કે..........બંને ખડખડાટ હસી પડ્યા, જુઓ વીડિયો

આ સીઝનમાં આ મુંબઈની સતત 7મી હાર હતી. રોમાંચક મેચમાં ચેન્નાઈએ મુંબઈને 3 વિકેટે હરાવ્યું હતું.

રોહિત શર્મા - રવિન્દ્ર જાડેજા

મુંબઈ ઈન્ડિયન્સ અને ચેન્નાઈ સુપર કિંગ્સ ગઈકાલે નવી મુંબઈના DY પાટિલ સ્ટેડિયમમાં ટકરાયા હતા. મેચની શરૂઆત પહેલા બંને ટીમના કેપ્ટન વચ્ચે અદભૂત બોન્ડ જોવા મળ્યું હતું. મુંબઈ ઈન્ડિયન્સના કેપ્ટન રોહિત શર્મા અને ચેન્નાઈ સુપર કિંગ્સના કેપ્ટન રવિન્દ્ર જાડેજા ટોસ માટે આવ્યા હતા. પિચ પ્રથમ બોલિંગ કરવા માટે અનુકૂળ હોવાથી રવિન્દ્ર જાડેજાએ ટોસ જીતીને બોલિંગ કરવાનો નિર્ણય લીધો હતો. આ દરમિયાન એક રસપ્રદ ઘટના સામે આવી.

રવિન્દ્ર જાડેજાએ ટોસ જીતીને પ્રથમ બોલિંગ કરવાનો નિર્ણય લીધો હતો. ત્યારબાદ તેણે કોમેન્ટેટર નિક નાઈટ સાથે વાત કરવાનું શરૂ કર્યું. રવીન્દ્ર જાડેજા જ્યારે વાત કરીને પરત ફરવા લાગ્યો ત્યારે રોહિત શર્માએ તેને પૂછ્યું 'બેટિંગ કહ્યું હતું ને તે.... ' રવિન્દ્ર જાડેજાએ હસીને કહ્યું, ના, મેં કહ્યું બોલિંગ, અને પછી બંને વચ્ચે ખડખડાટ હસવા લાગ્યા. આ જોઈને પ્રેઝન્ટર અન દર્શકો પણ હસવા લાગ્યા હતા.

નોંધનીય છે કે, આ મેચમાં મુંબઈ ઈન્ડિયન્સને ફરી એકવાર હારનો સામનો કરવો પડ્યો હતો. આ સીઝનમાં આ મુંબઈની સતત 7મી હાર હતી. રોમાંચક મેચમાં ચેન્નાઈએ મુંબઈને 3 વિકેટે હરાવ્યું હતું. ચેન્નાઈએ 156 રનનો ટાર્ગેટ 7 વિકેટ ગુમાવીને મેળવી લીધો હતો. આ પહેલા મુંબઈએ 7 વિકેટ ગુમાવીને 155 રન બનાવ્યા હતા.

156ના સ્કોરનો પીછો કરવા ઉતરેલી ચેન્નાઈની શરૂઆત ખૂબ જ ખરાબ રહી હતી. ઓપનર રુતુરાજ ગાયકવાડ ખાતુ ખોલાવ્યા વગર જ પરત ફર્યો હતો. તેને સેમસે આઉટ કર્યો હતો. તેના આઉટ થયા બાદ સેન્ટનરે ઝડપી સ્કોર કરવાનો પ્રયાસ કર્યો હતો પરંતુ તે પણ 9 બોલમાં 11 રન બનાવીને આઉટ થયો હતો.

Just Rohit-Jaddu thing pic.twitter.com/hK0SyaEuGv

— ChaiBiscuit (@Biscuit8Chai) April 21, 2022

શરુઆતમાં જ 2 વિકેટ પડી ગયા બાદ ઉથપ્પા અને રાયડુએ ટીમની કમાન સંભાળી હતી. આ દરમિયાન બંનેએ 50 રનની ભાગીદારી કરી હતી. આ ભાગીદારી ટીમને પરીણામ તરફ લઈ જાય તે પહેલાં જયદેવ ઉનડકટે તોડી નાખી હતી. ઉનડકટે ઉથપ્પાને 25 રન પર આઉટ કર્યો હતો. તેના આઉટ થયા બાદ દુબે પણ ખાસ કરી શક્યો ન હતો અને 13 રન બનાવીને આઉટ થયો હતો. રાયડુ પણ આજે વધારે રન નહોતો બનાવી શક્યો અને 40 રન બનાવીને આઉટ થયો હતો.

તેના આઉટ થયા બાદ તમામ જવાબદારી ધોની અને જાડેજા પર આવી ગઈ હતી. જો કે, જાડેજા પણ આ દબાણમાં વધુ રન ના કરી શક્યો અને માત્ર 3 રન બનાવીને આઉટ થયો હતો. તેના આઉટ થયા બાદ ડ્વેન પ્રિટોરિયસ અને ધોનીએ ચેન્નાઈનો સ્કોર આગળ વધાર્યો હતો. પ્રિટોરિયસ 22 રન બનાવીને આઉટ થયો હતો. તેના આઉટ થયા બાદ ધોનીએ બાજી સંભાળી અને ટીમને રોમાંચક જીત અપાવી. ધોનીએ 13 બોલમાં 28 રન બનાવ્યા હતા. તેણે છેલ્લા બોલ પર ચોગ્ગો ફટકારીને ચેન્નાઈને આ સિઝનની બીજી જીત અપાવી હતી.