IPL 2022, Gujarat Titans: હરાજીમાં કોઇએ ખરીદ્યો નહોતો, હવે ગુજરાત ટાઇટન્સમાં સામેલ થયો અફઘાનિસ્તાનનો આ વિસ્ફોટક બેટ્સમેન

અફઘાનિસ્તાનના 20 વર્ષીય બેટ્સમેનને ઈંગ્લેન્ડના ઓપનર જેસન રોયના સ્થાને ટીમમાં સામેલ કરવામાં આવ્યો છે.

Gujarat Titans Logo, Pic Courtesy: Gujarat Titans

અમદાવાદઃ અફઘાનિસ્તાનના વિસ્ફોટક ઓપનર રહેમાનુલ્લાહ ગુરબાઝને IPL 2022 માટે ગુજરાત ટાઇટન્સની ટીમમાં સામેલ કરવામાં આવ્યો છે. આઇપીએલની નવી ફ્રેન્ચાઇઝી ગુજરાતે ગુરબાઝને ટીમમાં સામેલ કરવાની જાણકારી આપી હતી. અફઘાનિસ્તાનના 20 વર્ષીય બેટ્સમેનને ઈંગ્લેન્ડના ઓપનર જેસન રોયના સ્થાને ટીમમાં સામેલ કરવામાં આવ્યો છે. રોયે પર્સનલ કારણોસર અને બાયો બબલની સમસ્યાના કારણે આઇપીએલ 2022માંથી પોતાનું નામ પાછુ ખેંચી લીધું હતું.

Welcome home, Gurbaz bhai! 🤗

Aapda debut ma pan 💯 joiye che.#GujaratTitans pic.twitter.com/nHa1a7IrAh

— Gujarat Titans (@gujarat_titans) March 9, 2022

ગુરબાઝ હવે અફઘાનિસ્તાનનો ત્રીજો ક્રિકેટર બન્યો છે જે ગુજરાત ટાઇટન્સમાં સામેલ થયો છે. આ અગાઉ ગુજરાત ટાઇટન્સે રાશિદ ખાન અને નૂર અહેમદને પોતાની ટીમમાં સામેલ કર્યા છે.નોંધનીય છે કે અફઘાનિસ્તાનના ઓપનર ગુરબાઝે આઇપીએલની હરાજીમાં પોતાનું નામ નોંધાવ્યું હતું અને પોતાની બેઝ પ્રાઇઝ 50 લાખ રૂપિયા રાખી હતી પરંતુ કોઇએ તેને ખરીદ્યો નહોતો.

🚨 NEWS 🚨: Rahmanullah Gurbaz joins Gujarat Titans as a replacement for Jason Roy. #TATAIPL

Details 🔽

— IndianPremierLeague (@IPL) March 9, 2022

ગુરબાઝે અફઘાનિસ્તાન તરફથી અત્યાર સુધીમાં 9 વનડેમાં 53ની એવરેજથી 428 રન બનાવ્યા છે, જેમાં 3 સદી સામેલ છે. આ સિવાય તેણે 20 ટી-20 મેચમાં 3 અડધી સદી અને 137ના સ્ટ્રાઈક રેટ સાથે 534 રન બનાવ્યા છે.