IPL 2023: IPLમાં યશસ્વી જયસ્વાલે મેળવી અનોખી સિદ્ધી, જાણો ક્યો રેકોર્ડ પોતાના નામે કર્યો
Indian Premier League 2023: રાજસ્થાન રોયલ્સ (RR) ના યુવા ઓપનર બેટ્સમેન યશસ્વી જયસ્વાલ માટે IPLની 16મી સીઝન અત્યાર સુધી શાનદાર રહી છે.
Indian Premier League 2023: રાજસ્થાન રોયલ્સ (RR) ના યુવા ઓપનર બેટ્સમેન યશસ્વી જયસ્વાલ માટે IPLની 16મી સીઝન અત્યાર સુધી શાનદાર રહી છે. સનરાઇઝર્સ હૈદરાબાદ (SRH) સામેની મેચમાં યશસ્વીએ તેની IPL કારકિર્દીના 1000 રન પણ પૂરા કર્યા. આ સીમાચિહ્ન સુધી પહોંચનાર તે બીજો સૌથી યુવા ભારતીય ખેલાડી બની ગયો છે.
સનરાઇઝર્સ હૈદરાબાદ સામેની મેચમાં ફરી એકવાર યશસ્વી જયસ્વાલનું આક્રમક ફોર્મ જોવા મળ્યું હતું. જયસ્વાલે પણ 18 બોલમાં 35 રનની ઝડપી ઇનિંગ રમીને IPLમાં પોતાના 1000 રન પૂરા કર્યા હતા. યશસ્વી જયસ્વાલે 21 વર્ષ 130 દિવસની ઉંમરમાં IPLમાં 1000 રન પૂરા કર્યા. આ મામલામાં તે હવે પૃથ્વી શૉને પાછળ છોડીને બીજો સૌથી યુવા ભારતીય ખેલાડી બની ગયો છે. આ યાદીમાં વિકેટ કીપર બેટ્સમેન ઋષભ પંતનું નામ નંબર વન છે. પંતે 20 વર્ષ 218 દિવસની ઉંમરમાં 35 ઇનિંગ્સમાં IPLમાં પોતાના 1000 રન પૂરા કર્યા હતા.
યશસ્વીએ માત્ર 34 ઇનિંગ્સમાં આ માઇલસ્ટોન હાંસલ કર્યો
યશસ્વી જયસ્વાલ IPLમાં 1000 રન પૂરા કરનાર ઈનિંગ્સના સંદર્ભમાં સંયુક્ત રીતે બીજો સૌથી ઝડપી ભારતીય બેટ્સમેન બની ગયા છે. ચેન્નાઈ સુપર કિંગ્સ ટીમના પૂર્વ ખેલાડી સુરેશ રૈનાએ પણ આઈપીએલમાં 34 ઈનિંગ્સમાં પોતાના 1000 રન પૂરા કર્યા. આ મામલામાં સચિન તેંડુલકર અને રૂતુરાજ ગાયકવાડનું નામ સંયુક્ત રીતે પ્રથમ સ્થાને છે. બંને ખેલાડીઓએ IPLમાં 31 ઇનિંગ્સમાં 1000 રન પૂરા કર્યા હતા. IPLની આ સિઝનમાં યશસ્વી જયસ્વાલના બેટથી શાનદાર અડધી સદીની ઇનિંગ પણ જોવા મળી છે. આ સિઝનમાં અત્યાર સુધી તેણે 11 ઇનિંગ્સમાં 43.36ની એવરેજથી 477 રન બનાવ્યા છે. જયસ્વાલ હાલમાં ઓરેન્જ કેપની રેસમાં ફાફ ડુ પ્લેસિસ પછી બીજા સ્થાને છે.
હૈદરાબાદે રાજસ્થાનને 4 વિકેટથી આપી હાર
સનરાઇઝર્સ હૈદરાબાદે રાજસ્થાન રોયલ્સને ચાર વિકેટે હરાવ્યું હતું. પ્રથમ બેટિંગ કરતા રાજસ્થાને બે વિકેટે 214 રનનો વિશાળ સ્કોર બનાવ્યો હતો. જવાબમાં હૈદરાબાદે છ વિકેટ ગુમાવીને 217 રન બનાવ્યા હતા અને મેચ ચાર વિકેટે જીતી લીધી હતી. અબ્દુલ સમદે છેલ્લા બોલે સિક્સર ફટકારીને પોતાની ટીમને જીત અપાવી હતી. આ પહેલા સંદીપ શર્માએ તેને આઉટ કર્યો હતો, પરંતુ તે નો-બોલ હતો અને સમદે ફ્રી હિટમાં સિક્સર ફટકારીને પોતાની ટીમને જીત અપાવી હતી.
રાજસ્થાન રોયલ્સની ટીમે પ્રથમ બેટિંગ કરતા 20 ઓવરમાં 2 વિકેટ ગુમાવી 214 રન બનાવ્યા હતા. હૈદરાબાદને જીતવા માટે 215 રનનો ટાર્ગેટ આપ્યો છે. સંજૂ સેમસને અણનમ 66 રનની શાનદાર ઈનિંગ રમી હતી. બટલરે 95 રનની શાનદાર ઈનિંગ રમી હતી.
ટ્રેન્ડિંગ સમાચાર
ટોપ સ્ટોરી
