IND vs IRE : ભારતની આયર્લેન્ડ સામે શરમજનક હાર, ટીમ ઈન્ડિયાને 34 રને હરાવી કર્યો ઉલટફેર

આયર્લેન્ડે ભારતને 34 રનથી હરાવ્યું. T20 ક્રિકેટ ઇતિહાસમાં આ પહેલી વાર છે જ્યારે આયર્લેન્ડે ટીમ ઈન્ડિયાને હરાવ્યું છે.

ભારતની આયર્લેન્ડ સામે હાર

Source : તસવીર સોશિયલ મીડિયા

IND vs IRE Highlights: આયર્લેન્ડે ભારતને 34 રનથી હરાવ્યું. T20 ક્રિકેટ ઇતિહાસમાં આ પહેલી વાર છે જ્યારે આયર્લેન્ડે ટીમ ઈન્ડિયાને હરાવ્યું છે. શ્રેયસ ઐયરની કેપ્ટન તરીકે શરૂઆત ખૂબ જ ખરાબ રહી હતી, કારણ કે તે પહેલી વાર T20I માં ભારતીય ટીમનું નેતૃત્વ કરી રહ્યો હતો. આયર્લેન્ડ દ્વારા આપવામાં આવેલા 183 રનના લક્ષ્યનો પીછો કરતા ભારતીય ટીમ 148 રનમાં ઓલઆઉટ થઈ ગઈ. 17 વર્ષમાં આયર્લેન્ડે ભારતને T20I માં હરાવ્યું હોય તેવું આ પ્રથમ વખત છે.

આયર્લેન્ડે પ્રથમ બેટિંગ કરતા 182  રન બનાવ્યા હતા

શુક્રવારે બેલફાસ્ટમાં રમાયેલી પહેલી મેચમાં આયર્લેન્ડે પ્રથમ બેટિંગ કરતા 182  રન બનાવ્યા હતા. જવાબમાં ટીમ ઈન્ડિયા 18.5 ઓવરમાં માત્ર 148 રન જ બનાવી શકી હતી અને ઓલઆઉટ થઈ ગઈ હતી. આ જીત સાથે આયર્લેન્ડે બે મેચની ટી20 શ્રેણીમાં 1-0ની લીડ મેળવી લીધી છે.

Ireland win the first T20I in Belfast by 34 runs.#TeamIndia will now aim to level the series on Sunday.

Scorecard ▶️ https://t.co/gdoXw2dAKR#IREvIND pic.twitter.com/kxnHM9ApeV

— BCCI (@BCCI) June 26, 2026

ભારતીય ટીમ માટે આ હાર શરમજનક છે કારણ કે તેઓ સંપૂર્ણ 20  ઓવર સુધી બેટિંગ કરવામાં નિષ્ફળ રહ્યા હતા. ભારતીય ટીમ સાત બોલ વહેલા ઓલઆઉટ થઈ ગઈ હતી. ટીમ ઈન્ડિયા માટે ફક્ત અભિષેક શર્મા જ મહત્વપૂર્ણ ઇનિંગ રમી શક્યો હતો, તેણે 20  બોલમાં ધમાકેદાર 50  રન બનાવ્યા હતા. અભિષેકે આ ઇનિંગમાં સાત ચોગ્ગા અને બે છગ્ગા ફટકાર્યા હતા.

રન ચેઝમાં ભારતની શરૂઆત મિશ્ર રહી. સંજુ સેમસન (5 રન), ઇશાન કિશન (1 રન) અને નવા T20 કેપ્ટન શ્રેયસ ઐયર (3 રન) કંઈ ખાસ અસર કરવામાં નિષ્ફળ રહ્યા, પરંતુ પાવરપ્લેમાં અભિષેક શર્માએ ઘણા રન બનાવ્યા.  ભારતે પાવરપ્લેમાં 68 રન બનાવ્યા, જેમાંથી 47 અભિષેક શર્માના હતા.

17 વર્ષમાં પહેલી જીત

ટી20 ક્રિકેટ ઇતિહાસમાં ભારત અને આયર્લેન્ડ વચ્ચે પહેલી મેચ 2009 માં રમાઈ હતી. ત્યારથી, છેલ્લા 17  વર્ષમાં બંને ટીમો આઠ વખત ટકરાઈ છે, પરંતુ ટીમ ઈન્ડિયાએ દરેક વખતે એકતરફી રીતે જીત મેળવી છે. પરંતુ આયર્લેન્ડ ટીમ હંમેશા 26 જૂન 2025 ની તારીખ યાદ રાખશે, કારણ કે આ દિવસે ભારત સામે T20 માં તેમણે શાનદાર જીત મેળવી. પહેલી મેચમાં આયર્લેન્ડે પ્રથમ બેટિંગ કરીને 182  રન બનાવ્યા હતા. જેના જવાબમાં ટીમ ઈન્ડિયા 18.5  ઓવરમાં માત્ર 148  રન જ બનાવી શકી અને ઓલઆઉટ થઈ ગઈ.