![ABP Premium](https://cdn.abplive.com/imagebank/Premium-ad-Icon.png)
IND vs ENG: જો રૂટે રચ્યો ઈતિહાસ, ભારત સામે સૌથી વધુ સદી ફટકારનાર ખેલાડી બન્યો
IND vs ENG: ઈંગ્લેન્ડના બેટ્સમેન જો રૂટે રાંચી ટેસ્ટમાં ચોથા દિવસે શાનદાર સદી ફટકારીને ઈતિહાસ રચી દીધો છે. યજમાન ભારત સામેની 5 મેચોની ટેસ્ટ શ્રેણીની છેલ્લી 3 ટેસ્ટ મેચમાં જો રૂટ રન બનાવવા માટે ઘણો સંઘર્ષ કરી રહ્યો હતો.
![IND vs ENG: જો રૂટે રચ્યો ઈતિહાસ, ભારત સામે સૌથી વધુ સદી ફટકારનાર ખેલાડી બન્યો Joe Root scripts history by becoming first player to record 10 Test centuries against India IND vs ENG: જો રૂટે રચ્યો ઈતિહાસ, ભારત સામે સૌથી વધુ સદી ફટકારનાર ખેલાડી બન્યો](https://feeds.abplive.com/onecms/images/uploaded-images/2024/02/23/dbf496aa7bfd442f1134701cde56a98e1708687401911397_original.jpg?impolicy=abp_cdn&imwidth=1200&height=675)
IND vs ENG: ઈંગ્લેન્ડના બેટ્સમેન જો રૂટે રાંચી ટેસ્ટમાં ચોથા દિવસે શાનદાર સદી ફટકારીને ઈતિહાસ રચી દીધો છે. યજમાન ભારત સામેની 5 મેચોની ટેસ્ટ શ્રેણીની છેલ્લી 3 ટેસ્ટ મેચમાં જો રૂટ રન બનાવવા માટે ઘણો સંઘર્ષ કરી રહ્યો હતો. પરંતુ ચોથી ટેસ્ટમાં રૂટે સાવધાનીપૂર્વક રમીને ભારત સામે વિસ્ફોટક સદી ફટકારી હતી. રૂટની ટેસ્ટ કારકિર્દીની આ 31મી સદી છે. આ રીતે રૂટે ફેબ-4માં વિરાટ કોહલીને ઘણો પાછળ છોડી દીધો છે. ફેબ-4માં સૌથી વધુ સદી કેન વિલિયમસનના નામે છે. સ્ટીવ સ્મિથ બીજા અને જો રૂટ ત્રીજા સ્થાને છે. જ્યારે ચોથા નંબર પર વિરાટ કોહલી છે.
Joe Root is the first player in Test history to smash 10 Hundreds against India. 🤯🔥 pic.twitter.com/Pg4kvcxhKG
— Johns. (@CricCrazyJohns) February 23, 2024
જો રૂટે 14 ઇનિંગ્સના લાંબા અંતર બાદ ટેસ્ટમાં પોતાની પ્રથમ સદી ફટકારી છે. બેટ સાથે તેની છેલ્લી સદી ગયા વર્ષે જૂનમાં બર્મિંગહામમાં ઓસ્ટ્રેલિયા સામે બની હતી. રૂટે ભારતીય ધરતી પર 3 વર્ષ બાદ ટેસ્ટમાં સદી ફટકારી છે. આ પહેલા તેણે ફેબ્રુઆરી 2021માં ચેન્નાઈમાં ભારત સામે બેવડી સદી ફટકારી હતી. જો રૂટે પોતાની 31મી ટેસ્ટ સદી સાથે ભારત સામે નવો ઈતિહાસ પણ રચ્યો છે. રૂટ ભારત સામે સૌથી વધુ 10 ટેસ્ટ સદી ફટકારનાર વિશ્વનો પ્રથમ બેટ્સમેન બની ગયો છે. રૂટે 219 બોલમાં 9 ચોગ્ગાની મદદથી પોતાની સદી પૂરી કરી હતી, જે તેનો સર્વોચ્ચ સ્કોર હતો.
ફેબ 4 માં સૌથી વધુ ટેસ્ટ સદી (મેચો)
કેન વિલિયમસન – 32* (98)
સ્ટીવ સ્મિથ – 32 (107)
જો રૂટ – 31 (139)
વિરાટ કોહલી – 29 (113)
ભારત સામે સૌથી વધુ ટેસ્ટ સદી
જો રૂટ-10
સ્ટીવ સ્મિથ - 9
રિકી પોન્ટિંગ- 8
વિવિયન રિચાર્ડ્સ- 8
ગેરી સોબર્સ - 8
શિવનારાયણ ચંદ્રપોલ- 7
પહેલા દિવસની રમત સમાપ્ત
ચોથી ટેસ્ટના પહેલા દિવસની રમત પૂરી થઈ ગઈ છે. ઈંગ્લેન્ડનો સ્કોર 7 વિકેટના નુકસાન પર 302 રન છે. જોકે ઈંગ્લેન્ડે સારી રિકવરી કરી લીધી છે. લંચ સુધી ઈંગ્લેન્ડે 5 વિકેટ ગુમાવીને 112 રન બનાવ્યા હતા. પરંતુ રૂટે સદી ફટકારીને ઈંગ્લેન્ડને મજબૂત સ્થિતિમાં લાવી દીધું. ફોક્સે પણ 47 રન બનાવીને સારું યોગદાન આપ્યું હતું. દિવસની રમતના અંત સુધી રૂટ 106 રન બનાવીને અણનમ રહ્યો હતો. ભારત તરફથી ડેબ્યૂ કરી રહેલા આકાશદીપે 3 વિકેટ ઝડપી હતી. સિરાજને બે જ્યારે અશ્વિન અને જાડેજાને 1-1 વિકેટ મળી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)