IND vs ENG: જો રુટે અડધી સદી ફટકારતા જ બનાવ્યો આ મોટો રેકોર્ડ, આ ખેલાડીઓને છોડ્યા પાછળ
રૂટે વન-ડેમાં પોતાની 40મી અડધી સદી ફટકારીને શાનદાર સિદ્ધિ મેળવી હતી. આ સાથે જ શક્તિશાળી બેટ્સમેને ODI ક્રિકેટમાં ઈંગ્લેન્ડ માટે મોટો ચમત્કાર કરી બતાવ્યો.
IND vs ENG: કટકમાં ભારત અને ઈંગ્લેન્ડ સામસામે છે. બંને ટીમો વચ્ચે 3 મેચની ODI સીરીઝની બીજી ODI મેચ રમાઈ રહી છે. આ મેચમાં ઈંગ્લેન્ડના કેપ્ટન જોસ બટલરે ટોસ જીતીને પ્રથમ બેટિંગ કરવાનો નિર્ણય કર્યો હતો. ઈંગ્લેન્ડ માટે ઓપનર ફિલિપ સોલ્ટ અને બેન ડકેટે શાનદાર શરૂઆત કરી હતી. બંનેએ 10 ઓવરમાં 75 રન બનાવ્યા હતા. આગલી ઓવરમાં બેન ડકેટ શાનદાર અડધી સદી ફટકારવામાં સફળ રહ્યો હતો, પરંતુ એ જ ઓવરના 5મા બોલ પર નવોદિત સ્પિનર વરુણ ચક્રવર્તીએ ફિલિપ સોલ્ટને આઉટ કરીને પેવેલિયનનો રસ્તો બતાવતાં ઈંગ્લેન્ડને પહેલો મોટો ફટકો લાગ્યો હતો. બેન ડકેટ પણ 16મી ઓવરમાં આઉટ થયો હતો. આ પછી જો રુટે હેરી બ્રુક સાથે મળીને બાજી સંભાળી અને 27 ઓવરમાં ઈંગ્લેન્ડનો સ્કોર 150 રન સુધી પહોંચાડ્યો.
રૂટે શાનદાર અડધી સદી ફટકારી હતી
ઈંગ્લેન્ડને ત્રીજો મોટો ઝટકો હર્ષિત રાણાએ 30મી ઓવરમાં હેરી બ્રુકના રૂપમાં આપ્યો હતો. બ્રુક માત્ર 31 રન બનાવી શક્યો હતો. બ્રુકના આઉટ થયા બાદ રૂટ અને કેપ્ટન જોસ બટલર ક્રિઝ પર રહ્યા અને 35 ઓવરમાં ઈંગ્લેન્ડના સ્કોરને 200 રનથી આગળ લઈ ગયા. આના થોડા સમય બાદ જો રૂટ પોતાની અડધી સદી પૂરી કરવામાં સફળ રહ્યો હતો. રૂટે વન-ડેમાં પોતાની 40મી અડધી સદી ફટકારીને શાનદાર સિદ્ધિ મેળવી હતી. આ સાથે જ શક્તિશાળી બેટ્સમેને ODI ક્રિકેટમાં ઈંગ્લેન્ડ માટે મોટો ચમત્કાર કરી બતાવ્યો.
બધાને પાછળ છોડી દીધા
જો રૂટે ભારત સામેની બીજી વનડેમાં અડધી સદી ફટકારીને ઈંગ્લેન્ડ માટે સૌથી વધુ 50+ રન બનાવવાનો રેકોર્ડ બનાવ્યો હતો. રૂટે ઈયાન મોર્ગનનો મોટો રેકોર્ડ તોડ્યો હતો. મોર્ગને ઈંગ્લેન્ડ માટે ODIમાં 55 વખત 50 થી વધુ વખત સ્કોર કર્યો હતો, જ્યારે રૂટ હવે તેના નામે 56 વખત 50+ સ્કોર થઈ ગયો છે. રૂટે 40 અડધી સદી ફટકારવા ઉપરાંત વનડેમાં 16 સદી પણ ફટકારી છે.
એવા બેટ્સમેન કે જેમણે ODIમાં ઈંગ્લેન્ડ માટે સૌથી વધુ 50+ સ્કોર બનાવ્યા છે
56 - જૉ રૂટ
55 - ઇઓન મોર્ગન
39 - ઇયાન બેલ
38 - જોસ બટલર
34 - કેવિન પીટરસન
જો રૂટે ઈંગ્લેન્ડ માટે 173 ODI મેચ રમી છે જેમાં તેણે 47.55ની એવરેજથી 6610 રન બનાવ્યા છે. રૂટ હવે ODIમાં સૌથી વધુ 50+ રન બનાવવાના મામલે શિખર ધવન અને વિવિયન રિચર્ડ્સની બરાબરી કરી લીધી છે. રૂટ 69 રન બનાવીને રવિન્દ્ર જાડેજાનો શિકાર બન્યો હતો.
ટોપ સ્ટોરી
ટ્રેન્ડિંગ સમાચાર
