એશિયા કપ પહેલા ભારતીય ટીમ માટે રાહતના સમાચાર, આ સ્ટાર ખેલાડી ટૂંક સમયમાં ટીમમાં કરી શકે છે વાપસી

Team India: કેએલ રાહુલ હાલમાં નેશનલ ક્રિકેટ એકેડમીમાં પોતાની ફિટનેસ પર સખત મહેનત કરી રહ્યો છે. તે ટૂંક સમયમાં બેટિંગ પ્રેક્ટિસ પણ શરૂ કરશે, જે તમામ ચાહકો માટે મોટી રાહત છે.

ફાઈલ તસવીર ( Image Source :Social Media )

KL Rahul Fitness Update: શ્રેયસ અય્યર, જસપ્રિત બુમરાહ અને KL રાહુલ, ભારતીય ટીમના ત્રણ મહત્વના ખેલાડીઓ, હાલમાં બેંગલુરુમાં નેશનલ ક્રિકેટ એકેડમી (NCA) માં પોતાને સંપૂર્ણ રીતે ફિટ બનાવવા માટે સખત મહેનત કરી રહ્યા છે. ઈન્ડિયન પ્રીમિયર લીગ (આઈપીએલ)ની 16મી સિઝન દરમિયાન ફિલ્ડિંગ કરતી વખતે જાંઘમાં ખેંચાણના કારણે બહાર થયા બાદ પુનરાગમન ન કરી શક્યો કેએલ રાહુલ હવે તેની ફિટનેસને લઈને ચર્ચામાં આવ્યો છે.

કેએલ રાહુલે જાંઘમાં તાણની સમસ્યા હોવાથી સર્જરી કરાવવાનો નિર્ણય લીધો હતો. આ સમયે રાહુલ રિહેબની પ્રક્રિયામાંથી પસાર થઈ રહ્યો છે અને NCA જીમમાં તેની કસરત કરતી કેટલીક તસવીરો પણ સામે આવી છે. કેએલ રાહુલ આ અઠવાડિયાથી જ નેટ્સ પર બેટિંગ પ્રેક્ટિસ શરૂ કરી શકે છે.

આવી સ્થિતિમાં, જો તે આયર્લેન્ડ સામેની શ્રેણી માટે સંપૂર્ણ રીતે ફિટ જાહેર ન થાય તો પણ તે એશિયા કપની ટીમમાં જોવા મળી શકે છે. ODIની દુનિયા પર નજર કરીએ તો ટીમ ઈન્ડિયા માટે રાહુલને ફિટ કરીને જલ્દી પરત ફરવું ખૂબ જ મહત્વપૂર્ણ માનવામાં આવે છે. વિકેટ કીપર બેટ્સમેન તરીકે રાહુલ નીચલા ક્રમમાં રિષભ પંતની ગેરહાજરીમાં મહત્વની ભૂમિકા ભજવી શકે છે.

KL Rahul will resume batting from this week.

- He's ready to roar for India! pic.twitter.com/L6MrbIeiOm

— Mufaddal Vohra (@mufaddal_vohra) July 17, 2023

જસપ્રિત બુમરાહે બોલિંગ પ્રેક્ટિસ શરૂ કરી

ટીમ ઈન્ડિયા માટે અત્યાર સુધીના સૌથી મોટા રાહતના સમાચાર એ છે કે ફાસ્ટ બોલર જસપ્રિત બુમરાહ ફરી બોલિંગ કરે છે. NCA તરફથી સામે આવેલા એક વીડિયોમાં બુમરાહ ફરીથી તે જ રીતે બોલિંગ કરતો જોવા મળી રહ્યો છે. આવી સ્થિતિમાં જસપ્રીત બુમરાહની ટીમ ઈન્ડિયામાં વાપસી આયર્લેન્ડ સામેની આગામી 3 મેચની T20 શ્રેણીમાં જોવા મળી શકે છે.

નોંધનીય છે કે, ભારતીય ટીમ મેનેજમેન્ટ અને સિલેક્ટર્સ બુમરાહને એશિયામાં ટીમ ઈન્ડિયાનો ભાગ બનાવવા માંગે છે. આ જ કારણ છે કે તે આવતા મહિને આયર્લેન્ડ સામેની સીરીઝ માટે રવાના થઈ શકે છે. રિપોર્ટમાં કહેવામાં આવ્યું છે કે બુમરાહ આયર્લેન્ડ પ્રવાસ પર જશે કે નહીં તે અંગે આગામી દિવસોમાં નિર્ણય લેવામાં આવશે. વળી, બુમરાહ નેટમાં બૉલિંગ કરતી વખતે કોઈ સમસ્યાનો સામનો કરી રહ્યો નથી. તે દરરોજ પ્રેક્ટિસ કરી રહ્યો છે અને એવું કહેવામાં આવી રહ્યું છે કે તે NCAમાં કેટલીક પ્રેક્ટિસ મેચ પણ રમી શકે છે.