IND vs NZ Final: ટૉસ જીતીને પહેલા બેટિંગ કરવી કે બૉલિંગ ? બેટ્સમેનો માટે માથાનો દુઃખાવો છે દુબઇની પીચ, જાણો લેટેસ્ટ રિપોર્ટ

ICC Champions Trophy Final IND vs NZ Dubai Pitch Report: હંમેશની જેમ, ભારત-ન્યૂઝીલેન્ડ ફાઇનલ મેચમાં નવા બોલ સાથે ઝડપી બોલરો અસરકારક સાબિત થઈ શકે છે

(તસવીર- એબીપી લાઇવ)

Source : એબીપી અસ્મિતા

ICC Champions Trophy Final IND vs NZ Dubai Pitch Report: આજે ચેમ્પિયન્સ ટ્રૉફી 2025 ની ફાઇનલ મેચ રમાશે. ભારતવાસીઓ માત્ર આજની તારીખ 9 માર્ચની રાહ જોઇ રહ્યાં હતા, અને તે આવી ગઇ છે, ભારત અને ન્યૂઝીલેન્ડની ટીમો દુબઈમાં આમને-સામને ટકરાશે. આ પહેલીવાર નથી જ્યારે ભારત અને ન્યૂઝીલેન્ડ ચેમ્પિયન્સ ટ્રૉફી (ચેમ્પિયન્સ ટ્રૉફી 2025 ફાઇનલ) ના ફાઇનલ મેચમાં ટકરાશે. આ પહેલા 2000 માં રમાયેલી ટૂર્નામેન્ટમાં ન્યૂઝીલેન્ડે ભારતને હરાવીને ટ્રૉફી જીતી હતી. સારું, 2025 ચેમ્પિયન્સ ટ્રૉફી ફાઇનલ માટે દુબઈની પિચ કેવી હરકત- વર્તણૂક કરી શકે છે અને તે કોને વધુ અનુકૂળ રહેશે, બોલિંગ કે બેટિંગ? જાણો અહીં પિચ વિશે...

દુબઇની પિચ રિપોર્ટ, કોણ મારશે બાજી ? 
ચેમ્પિયન્સ ટ્રૉફી 2025 ની શરૂઆતથી, દુબઈની પિચ બેટ્સમેનોને પરેશાન કરી રહી છે. ભારત અત્યાર સુધી સમગ્ર ટૂર્નામેન્ટમાં સૌથી વધુ સ્કૉર કરનારી ટીમ છે, જેણે સેમિફાઇનલમાં ઓસ્ટ્રેલિયા સામે 265 રનનો લક્ષ્યાંક હાંસલ કર્યો હતો. હંમેશની જેમ, ભારત-ન્યૂઝીલેન્ડ ફાઇનલ મેચમાં નવા બોલ સાથે ઝડપી બોલરો અસરકારક સાબિત થઈ શકે છે. અત્યાર સુધી એવું જોવા મળ્યું છે કે સ્પિનરો દુબઈમાં બોલ 10-15 ઓવર જૂનો થયા પછી જ પોતાનું જાળું વણવાનું શરૂ કરે છે. પિચની સ્થિતિ જોતાં, શક્ય છે કે ટોસ જીતનાર ટીમ પહેલા બેટિંગ કરવાનો નિર્ણય લે.

બેટ્સમેનો પર કહેર બનીને તૂટશે સ્પિનર્સ ? 
અત્યાર સુધીમાં ચેમ્પિયન્સ ટ્રૉફી 2025 ની ચાર મેચ દુબઈમાં રમાઈ ચૂકી છે. આ ચાર મેચોમાં સ્પિન બોલરોએ કુલ 30 વિકેટ લીધી છે. ખાસ કરીને વરુણ ચક્રવર્તી ટીમ ઈન્ડિયા માટે ટ્રમ્પ કાર્ડ બનીને ઉભરી આવ્યો છે. દુબઈની પિચે મોહમ્મદ શમીને પણ મદદ કરી છે, જે હાલમાં ટૂર્નામેન્ટના સૌથી વધુ વિકેટ લેનાર બોલર (8) છે. એકંદરે, અંતિમ મેચ પણ ઓછા સ્કોરવાળી હોઈ શકે છે, જ્યાં બોલરોનો હાથ ઉપર હોઈ શકે છે.

બન્ને ટીમોની ફૂલ સ્ક્વૉડ -

ભારતીય ટીમ - 
રોહિત શર્મા (કેપ્ટન), શુભમન ગીલ, વિરાટ કોહલી, શ્રેયસ ઐયર, ઋષભ પંત (વિકેટકીપર), કેએલ રાહુલ, રવિન્દ્ર જાડેજા, હાર્દિક પંડ્યા, અક્ષર પટેલ, વોશિંગ્ટન સુંદર, અર્શદીપ સિંહ, હર્ષિત રાણા, કુલદીપ યાદવ, મોહમ્મદ શમી, વરુણ ચક્રવર્તી.

ન્યૂઝીલેન્ડ ટીમ - 
મિશેલ સેન્ટનર (કેપ્ટન), માઈકલ બ્રેસવેલ, માર્ક ચેપમેન, ડેવોન કોનવે, લોકી ફર્ગ્યુસન, મેટ હેનરી, ટોમ લેથમ, ડેરિલ મિશેલ, વિલ ઓ'રોર્ક, ગ્લેન ફિલિપ્સ, રચિન રવિન્દ્ર, બેન સીઅર્સ, નાથન સ્મિથ, કેન વિલિયમસન, વિલ યંગ, જેકબ ડફી.

આ પણ વાંચો