Look back 2024: ભારતીય ક્રિકેટ માટે આ વર્ષ રહ્યું ખૂબ ખાસ, જાણો કેટલા ભારતીય ખેલાડીઓએ કર્યું ડેબ્યૂ

Look back 2024: વર્ષ 2024 ભારતીય ક્રિકેટ ટીમના ચાહકો માટે શાનદાર વર્ષ રહ્યું છે. ગયા વર્ષના અંતમાં વન-ડે વર્લ્ડ કપ હારી ગયેલી ટીમ ઈન્ડિયાએ આ વર્ષે ટી-20 વર્લ્ડ કપ જીત્યો હતો

ફોટોઃ BCCI

Source : ફોટોઃ BCCI

Look back 2024: વર્ષ 2024 ભારતીય ક્રિકેટ ટીમના ચાહકો માટે શાનદાર વર્ષ રહ્યું છે. ગયા વર્ષના અંતમાં વન-ડે વર્લ્ડ કપ હારી ગયેલી ટીમ ઈન્ડિયાએ આ વર્ષે ટી-20 વર્લ્ડ કપ જીત્યો હતો. જોકે, વર્લ્ડ કપ જીત્યા બાદ રોહિત શર્મા અને વિરાટ કોહલીએ T20 ઈન્ટરનેશનલને અલવિદા કહીને ચાહકોના દિલ તોડી નાખ્યા હતા.

આ વર્ષે જ્યારે ઘણા ભારતીય ક્રિકેટરોએ તેમની નિવૃત્તિની જાહેરાત કરી હતી ત્યારે ઘણા યુવા ચહેરાઓને પણ ડેબ્યૂ કરવાની તક મળી હતી. આવી સ્થિતિમાં ચાલો જાણીએ કે આ વર્ષે વન-ડે, ટેસ્ટ અને ટી-20 ઇન્ટરનેશનલમાં ડેબ્યૂ કરનાર ભારતીય કોણ છે.

ઈંગ્લેન્ડની ટીમ વર્ષની શરૂઆતમાં ભારત આવી હતી

વર્ષ 2024માં 8 ભારતીયોને T20 ઇન્ટરનેશનલ, 1ને વન-ડે અને 7ને ટેસ્ટમાં ડેબ્યૂ કરવાની તક મળી હતી. વર્ષની શરૂઆતમાં ઈંગ્લેન્ડે 5 ટેસ્ટ મેચની શ્રેણી માટે ભારતનો પ્રવાસ કર્યો હતો. આ શ્રેણીમાં ઘણા નવા ચહેરાઓને તક મળી છે. શ્રેણીની બીજી ટેસ્ટ 2 ફેબ્રુઆરીથી વિશાખાપટ્ટનમમાં રમાઈ હતી. આ મેચમાં રજત પાટીદારને ડેબ્યૂ કરવાનો મોકો મળ્યો હતો.

સરફરાઝ ખાનને ડેબ્યૂ કેપ મળી હતી

સીરિઝની ત્રીજી ટેસ્ટ રાજકોટમાં રમાઈ હતી. આ મેચમાં ધ્રુવ જુરેલ અને સરફરાઝ ખાનને ડેબ્યૂ કરવાની તક મળી હતી. આ પછી ફાસ્ટ બોલર આકાશદીપે રાંચી ટેસ્ટમાં ટેસ્ટ કરિયરની શરૂઆત કરી અને દેવદત્ત પડ્ડિકલે ધર્મશાલામાં ટેસ્ટ કરિયરની શરૂઆત કરી હતી. બોર્ડર ગાવસ્કર ટ્રોફી માટે ભારતીય ટીમ વર્ષના અંતમાં ઓસ્ટ્રેલિયા ગઈ છે. શ્રેણીની પ્રથમ ટેસ્ટ પર્થમાં રમાઈ હતી. આ મેચમાં હર્ષિત રાણા અને નીતિશ રેડ્ડીએ ટેસ્ટ ડેબ્યૂ કર્યું હતું.

જે ભારતીયોએ આ વર્ષે ટેસ્ટ ડેબ્યુ કર્યું હતું

રજત પાટીદાર

ધ્રુવ જુરેલ

સરફરાઝ ખાન

આકાશી દીપ

દેવદત્ત પડ્ડિકલ

હર્ષિત રાણા

નીતિશ કુમાર રેડ્ડી

T20 ઇન્ટરનેશનલમાં ડેબ્યૂ કર્યું

ભારતીય ટીમે આ વર્ષે ઝિમ્બાબ્વેનો પ્રવાસ કર્યો હતો. શુભમન ગીલની કેપ્ટનશીપ હેઠળ આ પ્રવાસ માટે યુવા ટીમની પસંદગી કરવામાં આવી હતી. અભિષેક શર્મા, ધ્રુવ જુરેલ, રિયાન પરાગ, બી સાઈ સુદર્શન અને તુષાર દેશપાંડેએ ઝિમ્બાબ્વે પ્રવાસ દરમિયાન ટી20 ઈન્ટરનેશનલ ડેબ્યૂ કર્યું હતું. આ પછી જ્યારે બાંગ્લાદેશની ટીમ ભારત આવી ત્યારે નીતિશ કુમાર રેડ્ડી, મયંક યાદવ અને દક્ષિણ આફ્રિકા સામે સેન્ચુરિયનમાં રમનદીપ સિંહને ડેબ્યૂ કેપ મળી હતી.

આ વર્ષે T20 ઈન્ટરનેશનલમાં ડેબ્યૂ કરનાર ભારતીય

અભિષેક શર્મા

ધ્રુવ જુરેલ

રિયાન પરાગ

બી સાઈ સુદર્શન

તુષાર દેશપાંડે

નીતિશ કુમાર રેડ્ડી

મયંક યાદવ

રમનદીપ સિંહ

રિયાન પરાગ એકમાત્ર ખેલાડી છે જેને આ વર્ષે વન-ડેમાં ડેબ્યૂ કરવાની તક મળી હતી.