મુંબઈ ઈન્ડિયન્સે ચોંકાવનારી રીટેન્શન યાદી કરી જાહેર, 17 વર્ષીય આ ખેલાડી મહેરબાન થઈ MI
Mumbai Indians Retained Players List 2026: મુંબઈ ઈન્ડિયન્સે હરાજી પહેલા કુલ પાંચ ખેલાડીઓને રીટેન કર્યા. મુંબઈએ આ પાંચ ખેલાડીઓ પર કુલ ₹9.25 કરોડ ખર્ચ્યા છે.
Mumbai Indians Retained Players List 2026: ગુરુવારે બધી ટીમોએ મહિલા પ્રીમિયર લીગ 2026 માટે તેમની રીટેન્શન યાદી જાહેર કરી. દરેક ટીમને વધુમાં વધુ પાંચ ખેલાડીઓને રીટેન કરવાની મંજૂરી આપવામાં આવી હતી. મુંબઈ ઇન્ડિયન્સે પાંચ ઉત્કૃષ્ટ ખેલાડીઓને રીટેન કરીને તમામ પાંચ સ્થાનો ભર્યા, જેમાં ભારતીય કેપ્ટન હરમનપ્રીત કૌરનો સમાવેશ થાય છે. મુંબઈએ હરમનપ્રીત કૌર, નેટ-સાયવર બ્રન્ટ, હેલી મેથ્યુઝ, અમનજોત કૌર અને જી. કમલિનીનો સમાવેશ થાય છે. WPL 2026 ની હરાજી 27 નવેમ્બરના રોજ યોજાશે.
Aali re Aali, Natalie Sciver-Brunt परत आली 🤩💙#AaliRe #MumbaiIndians #TATAWPL pic.twitter.com/FlHTDd2nZd
— Mumbai Indians (@mipaltan) November 6, 2025
BCCI એ બધી ટીમો માટે હરાજીની રકમ ₹15 કરોડ નક્કી કરી છે અને અલગ અલગ રીટેન્શન રકમ નક્કી કરી છે: પ્રથમ રીટેન્શન માટે ₹3.5 કરોડ બીજા માટે ₹2.5 કરોડ , ત્રીજા માટે ₹1 કરોડ અને ચોથા માટે ₹1 કરોડ . જો કોઈ ટીમ પાંચમી ખેલાડીને રીટેન કરે છે, તો ન્યૂનતમ કિંમત ₹50 લાખ નક્કી કરવામાં આવે છે.
MI ની રીટેન્શન યાદી
આશ્ચર્યજનક વાત છે કે મુંબઈ ઇન્ડિયન્સે હરમનપ્રીત કૌરને પોતાની પહેલી રીટેન્શન ન આપી. MI એ નેટ સાયવર બ્રન્ટને પોતાની પહેલી રીટેન્શન આપી, ₹3.5 કરોડ ચૂકવી. હરમનપ્રીત કૌરને ₹2.5 કરોડમાં રીટેન કરવામાં આવી. હેલી મેથ્યુઝને ₹1.75 કરોડમાં રીટેન કરવામાં આવી, અને મુંબઈએ ભારતની સ્ટાર ઓલરાઉન્ડર અમનજોત કૌરને ₹1 કરોડમાં રીટેન કરી. મુંબઈએ 17 વર્ષીય જી. કમલિની નામની એક અનકેપ્ડ ખેલાડીને પણ રીટેન કરી, જેને 60 લાખ રુપિયા મળશે.
Mumbai, पाहा आपले 𝐑𝐞𝐭𝐚𝐢𝐧𝐞𝐝 stars! 🤩#AaliRe #MumbaiIndians #TATAWPL pic.twitter.com/tXnmFD0L8m
— Mumbai Indians (@mipaltan) November 6, 2025
- નેટ સાયવર બ્રન્ટ - ₹3.50 કરોડ
- હરમનપ્રીત કૌર - ₹2.50 કરોડ
- હેલી મેથ્યુઝ - ₹1.75 કરોડ
- અમનજોત કૌર - ₹1 કરોડ
- જી. કમલિની - 60 લાખ રુપિયા
MI બે વખત ચેમ્પિયન બની ચૂકી છે
મુંબઈ ઈન્ડિયન્સ બે વાર WPL જીતી ચૂકી છે. તેઓએ 2023 અને 2025 માં મહિલા પ્રીમિયર લીગ જીતી હતી. 2025 WPL ફાઇનલમાં, મુંબઈ ઈન્ડિયન્સે દિલ્હી કેપિટલ્સને 8 રનથી હરાવીને બીજી વખત મહિલા પ્રીમિયર લીગ જીતી હતી.
ટોપ સ્ટોરી
ટ્રેન્ડિંગ સમાચાર
