NED vs BAN: વિશ્વ કપમાં ફરી થયો ઉલટફેર, નેધરલેન્ડે બાંગ્લાદેશને 87 રને હરાવ્યું

World Cup 2023: વન-ડે વર્લ્ડ કપમાં નેધરલેન્ડ્સે બીજી મેચ જીતી લીધી છે. ટીમે કોલકાતામાં બાંગ્લાદેશને 87 રનથી હરાવ્યું છે. આ પહેલા નેધરલેન્ડ્સે દક્ષિણ આફ્રિકાને પણ હરાવ્યું હતું.

(તસવીર-ટ્વિટર)

World Cup 2023: વન-ડે વર્લ્ડ કપમાં નેધરલેન્ડ્સે બીજી મેચ જીતી લીધી છે. ટીમે કોલકાતામાં બાંગ્લાદેશને 87 રનથી હરાવ્યું છે. આ પહેલા નેધરલેન્ડ્સે દક્ષિણ આફ્રિકાને પણ હરાવ્યું હતું.વર્લ્ડ કપ 2023ની 28મી મેચમાં નેધરલેન્ડે અપસેટ સર્જતા બાંગ્લાદેશને 87 રનથી હરાવ્યું. બાંગ્લાદેશ ક્રિકેટ ટીમ કોલકાતાના ઈડન ગાર્ડન્સમાં મોટા અપસેટનો શિકાર બની હતી. પ્રથમ બેટિંગ કરતા નેધરલેન્ડે 229 રન બનાવ્યા હતા. જવાબમાં બાંગ્લાદેશની ટીમ 142 રનના સ્કોર પર ઓલઆઉટ થઈ ગઈ હતી. નેધરલેન્ડ માટે સ્કોટ એડવર્ડ્સે 68 રનની મહત્વપૂર્ણ ઇનિંગ રમી હતી. જ્યારે પોલ વાન મીકેરેને 4 વિકેટ ઝડપી છે. આ જીત સાથે ટીમ પોઈન્ટ ટેબલમાં 8મા સ્થાને પહોંચી ગઈ છે. આ વર્લ્ડ કપમાં આ તેની બીજી જીત છે.

બાંગ્લાદેશનું ખૂબ જ ખરાબ પ્રદર્શન 

બાંગ્લાદેશની શરૂઆત ખૂબ જ ખરાબ રહી હતી અને આ પછી  ટીમ રિકવર કરી શકી નહોતી. ઓપનર લિટન દાસ માત્ર 3 રન બનાવીને આઉટ થયો હતો. તંજીદ હસન 16 બોલમાં 15 રન બનાવીને આઉટ થયો હતો. મેહદી હસન મિરાજે કેટલાક રન ઉમેરવાનો પ્રયાસ કર્યો હતો. પરંતુ તે પણ 35 રન બનાવીને આઉટ થયો હતો. નેધરલેન્ડના બોલરોએ વિરોધી ટીમ માટે એક પણ તક છોડી ન હતી. કેપ્ટન શાકિબ અલ હસનને 5 રનના અંગત સ્કોર પર પેવેલિયન પરત ફર્યો હતો. મુશ્ફિકુર રહીમ 1 રન બનાવીને આઉટ થયો હતો. મેહદી હસન 17 રન બનાવીને આઉટ થયો હતો. તેણે 38 બોલનો સામનો કર્યો અને એક ફોર ફટકારી હતી. અંતે મુસ્તફિઝુર રહેમાને 35 બોલમાં 20 રન બનાવ્યા હતા. તસ્કીન અહેમદે 11 રન બનાવ્યા હતા. આ રીતે સમગ્ર ટીમ 42.2 ઓવરમાં 142 રન બનાવીને ઓલઆઉટ થઈ ગઈ હતી.

 

Netherlands pulled off yet another stellar win in #CWC23 as they beat Bangladesh at Eden Gardens 🤩#NEDvBAN 📝: https://t.co/GrSfCMbzj2 pic.twitter.com/KExeIXi226

— ICC (@ICC) October 28, 2023

નેધરલેન્ડ માટે એડવર્ડ્સે મહત્વની ઇનિંગ રમી હતી

નેધરલેન્ડ માટે કેપ્ટન એડવર્ડ્સે મહત્વની ઇનિંગ રમી હતી. તેણે 89 બોલનો સામનો કરીને 68 રન બનાવ્યા હતા. આ દરમિયાન 6 ચોગ્ગા માર્યા હતા. ઓપનર વિક્રમજીત સિંહ 3 રન બનાવીને આઉટ થયો હતો. તો બીજી તરફ, મેક્સ  ખાતું પણ ખોલી શક્યો ન હતો. બારેસીએ 41 બોલમાં 41 રન બનાવ્યા હતા. તેણે 8 ચોગ્ગા ફટકાર્યા હતા. એન્ગલબ્રેચટે 61 બોલમાં 35 રન બનાવ્યા હતા. વેન બીક 16 બોલમાં 23 રન બનાવીને અણનમ રહ્યો હતો. તેણે 2 ફોર અને 1 સિક્સ ફટકારી હતી. આર્યન દત્ત 9 રન બનાવીને આઉટ થયો હતો. આ રીતે નેધરલેન્ડે 50 ઓવરમાં ઓલઆઉટ થતાં 229 રન બનાવ્યા હતા.

બાંગ્લાદેશ તરફથી મુસ્તાફિઝુર રહેમાને સારી બોલિંગ કરી હતી. તેણે 10 ઓવરમાં 36 રન આપીને 2 વિકેટ લીધી હતી. તેણે મેડન ઓવર ફેંકી. મેહદી હસને 7 ઓવરમાં 40 રન આપીને 2 વિકેટ લીધી હતી. ઇસ્લામે 10 ઓવરમાં 51 રન આપીને 2 વિકેટ લીધી હતી. તસ્કીન અહેમદે 9 ઓવરમાં 43 રન આપીને 2 વિકેટ ઝડપી હતી.