ENG vs NED: ઈંગ્લેન્ડે નેધરલેન્ડને આપ્યો 340 રનનો લક્ષ્યાંક,બેન સ્ટોક્સની શાનદાર સદી
ENG vs NED, Innings Highlights: ઈંગ્લેન્ડે નેધરલેન્ડને 340 રનનો લક્ષ્યાંક આપ્યો છે. પ્રથમ બેટિંગ કરવા આવેલી ઈંગ્લેન્ડે 50 ઓવરમાં 9 વિકેટે 339 રન બનાવ્યા હતા. ઈંગ્લેન્ડ તરફથી બેન સ્ટોક્સે શાનદાર સદી ફટકારી હતી.
ENG vs NED, Innings Highlights: ઈંગ્લેન્ડે નેધરલેન્ડને 340 રનનો લક્ષ્યાંક આપ્યો છે. પ્રથમ બેટિંગ કરવા આવેલી ઈંગ્લેન્ડે 50 ઓવરમાં 9 વિકેટે 339 રન બનાવ્યા હતા. ઈંગ્લેન્ડ તરફથી બેન સ્ટોક્સે શાનદાર સદી ફટકારી હતી. બેન સ્ટોક્સે 84 બોલમાં 108 રન બનાવ્યા હતા. તેણે પોતાની ઇનિંગમાં 6 ફોર અને 6 સિક્સર ફટકારી હતી.
A commanding maiden @cricketworldcup ton from Ben Stokes in Pune 👊@mastercardindia Milestones 🏏#CWC23 | #ENGvNED pic.twitter.com/V8SUH8t758
— ICC (@ICC) November 8, 2023
આ પહેલા ઓપનર ડેવિડ મલાને 74 બોલમાં 87 રનની ઇનિંગ રમી હતી. આ સિવાય ક્રિસ વોક્સે 45 બોલમાં 51 રનનું યોગદાન આપ્યું હતું. નેધરલેન્ડ તરફથી બાસ ડી લીડે સૌથી વધુ 3 વિકેટ લીધી હતી. આર્યન દત્ત અને લોગન વેન વિકને 2-2 સફળતા મળી. પોલ વોન મીકેરને 1 વિકેટ લીધી હતી.
વર્લ્ડ કપ 2023ની 40મી મેચ ઈંગ્લેન્ડ અને નેધરલેન્ડ વચ્ચે પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાઈ રહી છે. આજે ઈંગ્લેન્ડની બેટિંગ જોઈને એવું લાગી રહ્યું હતું કે તે ટૂર્નામેન્ટમાં બીજી જીત હાંસલ કરશે. આ મેચમાં ઈંગ્લેન્ડે ટોસ જીતીને પ્રથમ બેટિંગ કરવાનો નિર્ણય કર્યો હતો. સ્ટોક્સે 84 બોલમાં 6 ફોર અને 6 સિક્સરની મદદથી 108 રન બનાવ્યા હતા.
બેટિંગ કરવા ઉતરેલી ઈંગ્લેન્ડની શરૂઆત સારી થઈ રહી ન હતી ટીમે 7મી ઓવરમાં જોની બેરસ્ટોના રૂપમાં તેની પ્રથમ વિકેટ ગુમાવી હતી, જે 15 રન બનાવીને આયર્ન દત્તનો શિકાર બન્યો હતો. ત્યારબાદ બીજી વિકેટ માટે ઓપનર ડેવિડ મલાન અને જો રૂટે 85 રન (80 બોલ)ની ભાગીદારી કરી હતી. બીજી વિકેટ માટેની આ ભાગીદારી 21મી ઓવરમાં 28 રનના અંગત સ્કોર પર વાન બીકના હાથે બોલ્ડ થયેલા જો રૂટની વિકેટ સાથે સમાપ્ત થઈ હતી.
ત્યાર બાદ 22મી ઓવરમાં સદીની નજીક પહોંચેલા ડેવિડ મલને 74 બોલમાં 10 ચોગ્ગા અને છગ્ગાની મદદથી 87 રન બનાવ્યા હતા. મલાને રન આઉટ થઈને પોતાની વિકેટ ગુમાવી હતી. આના થોડા સમય બાદ એટલે કે 27મી ઓવરમાં પાંચમા નંબરે બેટિંગ કરવા આવેલા હેરી બ્રુક 11 રન પર બાસ ડી લીડેનો શિકાર બન્યો હતો. ત્યારપછી 31મી ઓવરમાં કેપ્ટન જોસ બટલર માત્ર 5 રન બનાવીને આઉટ થયો હતો, જે વાન મીકેરેનના હાથે કેચ આઉટ થયો હતો. આ રીતે ઈંગ્લેન્ડે 178ના સ્કોર પર પાંચ વિકેટ ગુમાવી દીધી હતી.
આ પછી સાતમા નંબરે આવેલ ઓલરાઉન્ડર મોઈન અલી કંઈ ખાસ કરી શક્યો ન હતો અને 36મી ઓવરમાં 04 રન બનાવીને આઉટ થઈ ગયો હતો. આ પછી બેન સ્ટોક્સ અને ક્રિસ વોક્સે સાતમી વિકેટ માટે 129 રન (81 બોલ)ની ભાગીદારી કરી હતી. આ દરમિયાન સ્ટોક્સે 48મી ઓવરમાં પોતાની સદી પૂરી કરી હતી. આ પછી, 49મી ઓવરમાં ક્રિસ વોક્સ 54 બોલમાં 5 ચોગ્ગા અને 1 છગ્ગાની મદદથી 51 રન બનાવીને પેવેલિયન પરત ફર્યો હતો, જેને બાસ ડી લીડેએ આઉટ કર્યો હતો. ડેવિડ વિલી એ જ ઓવરના છેલ્લા બોલ પર 6 રન બનાવીને આઉટ થયો હતો. ત્યારબાદ 50મી ઓવરમાં સ્ટોક્સની ઈનિંગ 108 રન પર સમાપ્ત થઈ ગઈ હતી. ગુસ એટકિન્સન 02 રને અને આદિલ રાશિદ 01 રને અણનમ રહ્યા હતા.
ટ્રેન્ડિંગ સમાચાર
ટોપ સ્ટોરી
