PAK vs SL Asia Cup Final: શ્રીલંકાએ પાકિસ્તાનને 23 રનથી હરાવી એશિયા કપ 2022નું ટાઈટલ જીત્યું
શ્રીલંકાની ટીમ છઠ્ઠી વખત ટાઈટલ જીતવા મેદાન પર ઉતરી રહી છે. જ્યારે પાકિસ્તાન ત્રીજી વખત ટ્રોફી જીતવાનો પ્રયાસ કરવા માટે રમશે.
Background
PAK vs SL Asia Cup Final દુબઇઃ આજે એશિયા કપ 2022ની ફાઈનલ મેચમાં શ્રીલંકાનો મુકાબલો પાકિસ્તાન સામે થશે. દુબઈ ઈન્ટરનેશનલ ક્રિકેટ સ્ટેડિયમમાં યોજાનારી આ મેચ પર વિશ્વભરના ક્રિકેટ ચાહકોની નજર રહેશે. શ્રીલંકાની ટીમ છઠ્ઠી વખત ટાઈટલ જીતવા મેદાન પર ઉતરશે જ્યારે પાકિસ્તાન ત્રીજી વખત ટ્રોફી જીતવાનો પ્રયાસ કરશે. શ્રીલંકાએ બે દિવસ પહેલા સુપર-ફોરની મેચમાં પાકિસ્તાનને હરાવ્યું હતું, જેના કારણે તેનો ઉત્સાહ ઘણો ઊંચો છે.
આ છે બંને ટીમોનો રેકોર્ડ
જો જોવામાં આવે તો શ્રીલંકા અને પાકિસ્તાન વચ્ચે અત્યાર સુધીમાં 22 T20 ઈન્ટરનેશનલ મેચ રમાઈ છે. આ દરમિયાન શ્રીલંકાએ 9 મેચ જીતી છે અને પાકિસ્તાને 13 મેચ જીતી છે. એશિયા કપની વાત કરીએ તો બંને ટીમો વચ્ચે અત્યાર સુધીમાં 16 મેચ રમાઈ છે. આ દરમિયાન શ્રીલંકાની ટીમ 11 વખત જીતી હતી. જ્યારે પાકિસ્તાન માત્ર પાંચ મેચ જીત્યું હતું.
બાબર આઝમ, મોહમ્મદ રિઝવાન, મોહમ્મદ નવાઝ અને નસીમ શાહ જેવા ખેલાડીઓ પોતાનું સર્વશ્રેષ્ઠ આપવાનો પ્રયાસ કરશે. પાકિસ્તાનની સામે શ્રીલંકાની એક એવી ટીમ હશે જે પોતાના ક્રિકેટને પુનર્જીવિત કરવાનો પ્રયાસ કરી રહી છે. તે એવા ફોર્મેટમાં છાપ બનાવવા માંગે છે જેમાં તે 2014માં વર્લ્ડ ચેમ્પિયન બની હતી.
શ્રીલંકાના બેટ્સમેન-બોલર ફોર્મમાં છે
શ્રીલંકા પાસે બે ઉત્તમ ઓપનર કુસલ મેન્ડિસ અને પથુમ નિસાંકા છે. બીજી તરફ દાનુષ્કા ગુણાતિલક, ભાનુકા રાજપક્ષે, શનાકા અને કરુણારત્નેએ પણ યોગદાન આપ્યું છે. અત્યાર સુધી એશિયા કપની પાંચ મેચોમાં શ્રીલંકાના બેટ્સમેનોએ 28 છગ્ગા અને 62 ચોગ્ગા ફટકાર્યા છે જે તેમના આક્રમક વલણને દર્શાવે છે. બોલિંગમાં મહિષ તિક્ષ્ણા અને વાનિન્દુ હસરંગા અને દિલશાન મદુશંકાએ પ્રશંસનીય પ્રદર્શન કર્યું છે.
પાકિસ્તાન તેના કેપ્ટન બાબર આઝમના ફોર્મને લઈને ચિંતિત છે, જેણે અત્યાર સુધી પાંચ મેચમાં માત્ર 63 રન બનાવ્યા છે. બોલિંગ અત્યારે પાકિસ્તાનનું મજબૂત પાસુ છે. નસીમ શાહની રમતમાં સતત સુધારો થઈ રહ્યો છે જ્યારે હરિસ રઉફ અને મોહમ્મદ હસનૈન પણ સારો દેખાવ કરી રહ્યા છે. દુબઈમાં ટોસની ભૂમિકા મહત્વની રહી છે અને આવી સ્થિતિમાં પ્રથમ બેટિંગ કરતી ટીમને નુકસાન વેઠવું પડે છે.
શ્રીલંકા 23 રનથી જીત્યું
શ્રીલંકાએ પાકિસ્તાનને 23 રનથી હરાવી એશિયા કપ 2022નું ટાઈટલ જીત્યું છે.
હસરંગાએ ફેંકેલી 17મી ઓવરમાં બાજી પલટાઈ
હસરંગાએ ફેંકેલી 17મી ઓવરમાં મેચની બાજી પલટાઈ ગઈ હતી. 17મી ઓવરમાં હસરંગાએ પાકિસ્તાનના ઓપનર બેટ્સમેન મોહમ્મદ રિઝવાનને 55 રન પર આઉટ કર્યો હતો. ત્યાર બાદ આસિફ અલીને 0 રન પર અને ખુશદીલ શાહને 2 રન પર આઉટ કર્યો હતો.
ટોપ સ્ટોરી
ટ્રેન્ડિંગ સમાચાર
