Video: ફરી મેદાનમાં સાથે જોવા મળ્યા પંત અને ધોની, ક્રિકેટ નહીં આ રમતમાં અજમાવ્યો હાથ
Dhoni & Pant: દુબઈમાં IPL 2024 માટે મંગળવારે યોજાયેલી હરાજી બાદ ભારતીય ક્રિકેટના બે દિગ્ગજ વિકેટકીપર બેટ્સમેન ટેનિસ કોર્ટમાં જોવા મળ્યા હતા.
Dhoni & Pant: દુબઈમાં IPL 2024 માટે મંગળવારે યોજાયેલી હરાજી બાદ ભારતીય ક્રિકેટના બે દિગ્ગજ વિકેટકીપર બેટ્સમેન ટેનિસ કોર્ટમાં જોવા મળ્યા હતા. અહીં એમએસ ધોની અને ઋષભ પંત હાથમાં ટેનિસ રેકેટ લઈને એકબીજા સામે મેદાનમાં ઉતરતા જોવા મળ્યા હતા. આ દ્રશ્યનો વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં એમએસ ધોની પણ ઋષભ પંતના પાવરફુલ શોટ પર આશ્ચર્યચકિત જોવા મળી રહ્યો છે. આ દરમિયાન ચાહકો પણ આ શોટ જોઈને ખુશ જોવા મળ્યા.
MS Dhoni and Rishabh Pant were playing tennis last night in Dubai after IPL auction. pic.twitter.com/LmLc2WFEGT
— ` (@WorshipDhoni) December 20, 2023
બંને દિગ્ગજો પોતપોતાની ફ્રેન્ચાઈઝી સાથે હરાજી માટે દુબઈ આવ્યા હતા. આ દરમિયાન ઋષભ પંત પણ ઓક્શન હોલમાં જોવા મળ્યો હતો. તે દિલ્હી કેપિટલ્સના ટેબલ પર બેસીને ખેલાડીઓ માટે બોલી લગાવી રહ્યો હતો. જોકે, એમએસ ધોની ઓક્શન હોલમાં જોવા મળ્યો ન હતો.
પંત દિલ્હી કેપિટલ્સની હરાજીની વ્યૂહરચના સાથે સંકળાયેલો હતો
ઋષભ પંત ભલે ક્રિકેટ ક્ષેત્રથી દૂર હોય પરંતુ તે દિલ્હી કેપિટલ્સની હરાજીની વ્યૂહરચનાનો મહત્વનો ભાગ હતો. તે ફ્રેન્ચાઈઝીની દરેક મીટીંગ અને આયોજનમાં હાજર રહેતો હતો. આવી સ્થિતિમાં, ફ્રેન્ચાઇઝીએ તેને હરાજી દરમિયાન પણ હાજર રહેવા કહ્યું હતું. દિલ્હીએ આ હરાજીમાં સૌથી મોટો દાવ ભારતીય અનકેપ્ડ ક્રિકેટર કુમાર કુશાગ્ર (7.20 કરોડ) પર લગાવ્યો હતો. આ ફ્રેન્ચાઈઝી રિચર્ડસન (5 કરોડ) અને હેરી બ્રૂક (4 કરોડ)ને પણ પોતાની ટીમમાં લેવામાં સફળ રહી.
ધોનીની ટીમે મજબૂત ખેલાડીઓની પસંદગી કરી હતી
ચેન્નાઈ સુપર કિંગ્સના દરેક નિર્ણયમાં એમએસ ધોનીની ભૂમિકા હોય છે, તેથી હરાજી સુધી તે પોતાની ફ્રેન્ચાઈઝી સાથે ખેલાડીઓને લઈને રણનીતિ બનાવતો રહ્યો. આ વખતે ચેન્નાઈએ હરાજીમાં ડેરીલ મિશેલ (14 કરોડ), સમીર રિઝવી (8.40 કરોડ) અને શાર્દુલ ઠાકુર (4 કરોડ) પર મોટો દાવ લગાવ્યો અને તેમને પોતાની ટીમનો ભાગ બનાવ્યા. આ ફ્રેન્ચાઈઝીએ માત્ર રૂ. 1.80 કરોડમાં રચિન રવિન્દ્રને ખરીદીને પોતાની ટીમ મજબૂત કરી છે.
આ પણ વાંચો
Join Our Official Telegram Channel: https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
