ઋષભ પંતની ઈજામાંથી વાપસી, ઈન્ડિયા-એ ટીમનો બન્યો કેપ્ટન, સાઈ સુદર્શનને મળી મોટી જવાબદારી

ઈન્ડિયા-એ ટીમ  દક્ષિણ આફ્રિકા-એ સામે બે ચાર દિવસીય મેચ રમશે

ઋષભ પંત

Source : BCCI/X

ઈન્ડિયા-એ ટીમ  દક્ષિણ આફ્રિકા-એ સામે બે ચાર દિવસીય મેચ રમશે. આ શ્રેણી માટે ઈન્ડિયા-એ ટીમની જાહેરાત કરવામાં આવી છે. ઋષભ પંતને કેપ્ટન બનાવવામાં આવ્યો છે, જ્યારે સાઈ સુદર્શનને વાઈસ કેપ્ટન બનાવવામાં આવ્યો છે. બંને મેચ માટે અલગ-અલગ ટીમો પસંદ કરવામાં આવી છે, પરંતુ ઋષભ પંત અને સાઈ સુદર્શનને અનુક્રમે કેપ્ટન અને વાઈસ કેપ્ટન તરીકે નિયુક્ત કરવામાં આવ્યા છે.

🚨 News 🚨

India A squad for four-day matches against South Africa A announced

Details 🔽

— BCCI (@BCCI) October 21, 2025

ભારતીય વિકેટકીપર-બેટ્સમેન ઋષભ પંત ઈજામાંથી પાછો ફર્યો છે. ઇંગ્લેન્ડ પ્રવાસ પર માન્ચેસ્ટર ટેસ્ટ મેચ દરમિયાન ઋષભને જમણા પગના અંગૂઠામાં ઈજા થઈ હતી. પંતે ક્રિસ વોક્સના બોલ પર રિવર્સ સ્વીપ કરવાનો પ્રયાસ કર્યો હતો, પરંતુ બોલ ચૂકી ગયો હતો, જેના કારણે ઈજા થઈ હતી. ઈજા એટલી ગંભીર હતી કે તે વિકેટકીપિંગ કરી શક્યો ન હતો અને ઓવલ ટેસ્ટમાંથી બહાર થઈ ગયો હતો.

દક્ષિણ આફ્રિકા-એ સામેની પ્રથમ ચાર દિવસીય મેચ માટે ઈન્ડિયા-એ ટીમ

ઋષભ પંત (કેપ્ટન/વિકેટકીપર), આયુષ મ્હાત્રે, એન. જગદીસન (વિકેટકીપર), સાઈ સુદર્શન (વાઈસ કેપ્ટન), દેવદત્ત પડિકલ, રજત પાટીદાર, હર્ષ દુબે, તનુષ કોટિયન, માનવ સુથાર, અંશુલ કંબોજ, યશ ઠાકુર, આયુષ બદોની, સારંશ જૈન.

દક્ષિણ આફ્રિકા A સામેની બીજી ચાર દિવસીય મેચ માટે ઈન્ડિયા-એ ટીમ

ઋષભ પંત (કેપ્ટન/વિકેટકીપર), કેએલ રાહુલ, ધ્રુવ જુરેલ (વિકેટકીપર), સાઈ સુદર્શન (વાઈસ કેપ્ટન), દેવદત્ત પડિક્કલ, ઋતુરાજ ગાયકવાડ, હર્ષ દુબે, તનુષ કોટિયન, માનવ સુથાર, ખલીલ અહમદ, ગુરનૂર બ્રાર, અભિમન્યુ ઈશ્વરન, પ્રસિદ્ધ કૃષ્ણા, મોહમ્મદ સિરાજ, આકાશ દીપ.

ઈજાને કારણે ઋષભ પંત એશિયા કપ 2025 ચૂકી ગયો હતો, જ્યાં ભારતીય ટીમે પાકિસ્તાનને હરાવીને ખિતાબ જીત્યો હતો. તે વેસ્ટ ઈન્ડિઝ સામેની બે મેચની ઘરઆંગણે ટેસ્ટ શ્રેણીમાંથી પણ બહાર થઈ ગયો હતો. તે વર્તમાન ઓસ્ટ્રેલિયા પ્રવાસનો પણ ભાગ નથી. ઋષભની વાપસી ચાહકો માટે સારા સમાચાર છે.

ઈન્ડિયા-એ અને દક્ષિણ આફ્રિકા A વચ્ચેની પહેલી ચાર દિવસીય મેચ 30 ઓક્ટોબરથી રમાશે. બંને ટીમો વચ્ચે બીજી ચાર દિવસીય મેચ 9 નવેમ્બરથી રમાશે. બંને મેચ બેંગલુરુમાં ભારતીય ક્રિકેટ કંટ્રોલ બોર્ડ (BCCI) ના સેન્ટર ઓફ એક્સેલન્સ (COE) ગ્રાઉન્ડ પર રમાશે. આ મેચો દક્ષિણ આફ્રિકા સામેની ટેસ્ટ શ્રેણી માટે મહત્વપૂર્ણ છે. દક્ષિણ આફ્રિકા 14 નવેમ્બરથી ભારત સામે બે મેચની ટેસ્ટ શ્રેણી રમશે. ત્રણ ODI અને પાંચ T20I પણ રમાશે.