WC 2023: રોહિત શર્મા આ વર્લ્ડકપમાં બનાવશે મોટો રેકોર્ડ, સચિનથી પણ નિકળી શકે છે આગળ
આ વનડે વર્લ્ડ કપમાં ભારતીય કેપ્ટન રોહિત શર્મા એક મોટું સ્થાન મેળવી શકે છે. ODI વર્લ્ડ કપમાં સૌથી વધુ સદી ફટકારવાના મામલે તે સચિન તેંડુલકરને પાછળ છોડી શકે છે.
World Cup Records: આ વનડે વર્લ્ડ કપમાં ભારતીય કેપ્ટન રોહિત શર્મા એક મોટું સ્થાન મેળવી શકે છે. ODI વર્લ્ડ કપમાં સૌથી વધુ સદી ફટકારવાના મામલે તે સચિન તેંડુલકરને પાછળ છોડી શકે છે. તે આ રેકોર્ડ હાંસલ કરવાથી માત્ર એક સદી દૂર છે.
રહિત શર્માએ વનડે વર્લ્ડ કપમાં અત્યાર સુધી 6 સદી ફટકારી છે. મહાન બેટ્સમેન સચિન તેંડુલકરના નામે પણ વર્લ્ડ કપમાં 6 સદી છે. આવી સ્થિતિમાં રોહિત શર્મા પાસે આ મામલે માસ્ટર બ્લાસ્ટરને પાછળ છોડવાની સારી તક છે.
રોહિત શર્મા અત્યાર સુધીમાં બે વનડે વર્લ્ડ કપ રમી ચૂક્યો છે. તે વર્લ્ડ કપ 2015 અને 2019માં ભારતીય ટીમનો ભાગ હતો. આ સમયગાળા દરમિયાન તેણે 17 મેચ રમી અને કુલ 978 રન બનાવ્યા. વર્લ્ડ કપમાં તેના મજબૂત પ્રદર્શનનો અંદાજ એ વાત પરથી લગાવી શકાય છે કે અહીં તેની બેટિંગ એવરેજ 65.20 અને સ્ટ્રાઈક રેટ 95.97 હતી. તેણે આ 17 મેચમાં 23 સિક્સર પણ ફટકારી છે. વર્લ્ડ કપમાં હિટમેનનો સર્વોચ્ચ સ્કોર 140 રહ્યો છે. અહીં ખાસ વાત એ છે કે વર્લ્ડ કપમાં 1000 રન બનાવનાર બેટ્સમેનોની યાદીમાં રોહિત શર્માનું નામ ચોક્કસ સામેલ છે.
હિટમેન શાનદાર ફોર્મમાં છે
જો આપણે રોહિત શર્માના વર્તમાન ફોર્મ પર નજર કરીએ તો તે ચોક્કસપણે વનડે વર્લ્ડ કપની સદીઓની આ રેસમાં આગળ જોવા મળે છે. હકીકતમાં તેણે છેલ્લી 8 ODI મેચોમાં ચાર અડધી સદી ફટકારી છે. ઓસ્ટ્રેલિયા સામે તાજેતરમાં સમાપ્ત થયેલ ત્રણ મેચની વનડે શ્રેણીની છેલ્લી મેચમાં તેણે ધમાકેદાર 81 રન બનાવ્યા હતા. જેનો અર્થ છે કે હિટમેન તેના જૂના ફોર્મમાં પાછો ફર્યો છે. એક પાસું એ પણ છે કે રોહિત શર્મા ઓપનિંગ બેટ્સમેન તરીકે આવે છે, તેથી તેની પાસે હંમેશા મોટો સ્કોર બનાવવા માટે પૂરતો સમય હોય છે.
વર્લ્ડ કપ 5 ઓક્ટોબરથી શરૂ થશે
2023 ODI વર્લ્ડ કપમાં ઘણા એવા ખેલાડીઓ છે જેમના પ્રદર્શન પર વિશ્વભરના ચાહકો અને ક્રિકેટ પંડિતો દ્વારા નજર રાખવામાં આવશે. વર્લ્ડ કપ 5 ઓક્ટોબરથી શરૂ થશે. ટૂર્નામેન્ટની પ્રથમ મેચ ડિફેન્ડિંગ ચેમ્પિયન ઈંગ્લેન્ડ અને રનર અપ ન્યૂઝીલેન્ડ વચ્ચે રમાશે.
Join Our Official Telegram Channel:
https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
