એરસ્ટ્રાઇક પર સચિનના 22 શબ્દો વાયરલ, માસ્ટર બ્લાસ્ટરે એક્સ પૉસ્ટ કરી પાકિસ્તાનને ઝાટક્યું...
Sachin Tendulkar Reaction On Operation Sindoor: પહેલગામ હુમલા બાદ ભારત સરકાર પાકિસ્તાન વિરુદ્ધ કડક કાર્યવાહી કરી રહી છે, કારણ કે આ હુમલો પાકિસ્તાન સાથે જોડાયેલો છે
Sachin Tendulkar Reaction On Operation Sindoor: પહેલગામ આતંકવાદી હુમલા પછી ભારતીય સેનાએ જે રીતે પાકિસ્તાનમાં આતંકવાદી છાવણીઓ પર હવાઈ હુમલા કર્યા તેનાથી સમગ્ર દેશ ગર્વથી ભરાઈ ગયો છે. હવે ક્રિકેટના ભગવાન તરીકે જાણીતા સચિન તેંદુલકરે પણ પાકિસ્તાનને કડક શબ્દોમાં ચેતવણી આપી છે. તેમણે માત્ર 22 શબ્દોમાં પાકિસ્તાનને સંદેશ આપ્યો છે.
ભારતીય સેનાએ મંગળવારે રાત્રે આ ઓપરેશન સફળતાપૂર્વક પૂર્ણ કર્યું. કુલ 9 સ્થળો ઓળખી કાઢવામાં આવ્યા હતા અને તેનો નાશ કરવામાં આવ્યો હતો, જ્યાંથી ભારત વિરુદ્ધ આતંકવાદી કાવતરાં ઘડવામાં આવી રહ્યા હતા.
ઓપરેશન સિંદૂર પછી સચિન તેંદુલકરે શું કહ્યું ?
સચિને ટ્વીટ કર્યું, "આપણે એક છીએ, નિર્ભય છીએ. શક્તિમાં અનંત છીએ. ભારતની ઢાલ તેના લોકો છે. આ દુનિયામાં આતંકવાદ માટે કોઈ સ્થાન નથી. આપણે એક ટીમ છીએ!"
Fearless in unity. Boundless in strength. India’s shield is her people. There’s no room for terrorism in this world. We’re ONE TEAM!
— Sachin Tendulkar (@sachin_rt) May 7, 2025
Jai Hind 🇮🇳#OperationSindoor
પહેલગામ હુમલા બાદ ભારત સરકાર પાકિસ્તાન વિરુદ્ધ કડક કાર્યવાહી કરી રહી છે, કારણ કે આ હુમલો પાકિસ્તાન સાથે જોડાયેલો છે. 22 એપ્રિલના રોજ, આતંકવાદીઓએ પહેલગામમાં 25 પ્રવાસીઓ સહિત 26 લોકોની માથામાં ગોળી મારીને હત્યા કરી હતી. આ પછી, દેશભરમાં ગુસ્સો ફાટી નીકળ્યો અને પાકિસ્તાનને પાઠ ભણાવવાની માંગ કરવામાં આવી.
તે હુમલા પછી પણ સચિન તેંદુલકરે ટ્વીટ કર્યું હતું કે, "પહેલગામમાં નિર્દોષ લોકો પર થયેલા દુ:ખદ હુમલાથી હું આઘાત પામ્યો છું અને ખૂબ જ દુઃખી છું. અસરગ્રસ્ત પરિવારો અકલ્પનીય પીડામાંથી પસાર થઈ રહ્યા હશે. ભારત અને દુનિયા આ સમયે તેમની સાથે ઉભા છે. અમે જાનમાલના નુકસાન પર શોક વ્યક્ત કરીએ છીએ અને ન્યાય માટે પ્રાર્થના કરીએ છીએ."
શિખર ધવને પણ ટ્વિટ કર્યું
પહેલગામ હુમલા બાદ ભૂતપૂર્વ ભારતીય ક્રિકેટર શિખર ધવન સોશિયલ મીડિયા પર શાહિદ આફ્રિદી સાથે ઝઘડો કર્યો હતો, તે ખૂબ ગુસ્સે પણ હતો. હવે ઓપરેશન સિંદૂર પછી, ધવને ટ્વીટ કર્યું, "ભારત આતંકવાદ સામે ઉભું છે. ભારત માતા કી જય."
India takes a stand against terrorism. भारत माता की जय! 🇮🇳
— Shikhar Dhawan (@SDhawan25) May 7, 2025
ગૌતમ ગંભીર, પ્રજ્ઞાન ઓઝા, સુરેશ રૈના વગેરે જેવા ભૂતપૂર્વ ક્રિકેટરોએ પણ ભારતીય સેનાની આ કાર્યવાહી પર ગર્વ અનુભવ્યો અને તેના વિશે ટ્વિટ કર્યું.
ટોપ સ્ટોરી
ટ્રેન્ડિંગ સમાચાર
