WPL 2024: ગુજરાત જાયન્ટ્સને લાગ્યો મોટો ઝટકો, આગામી સીઝનમાં નહી રમે આ ખેલાડી
વિમેન્સ પ્રીમિયર લીગ 2024 સીઝન પહેલા ગુજરાત જાયન્ટ્સની ટીમને મોટો ઝટકો લાગ્યો છે. વાસ્તવમાં, ઇંગ્લેન્ડની ક્રિકેટર સોફિયા ડંકલી વુમન્સ પ્રીમિયર લીગની આગામી સિઝનમાં નહીં રમે.
Sophia Dunkley: વિમેન્સ પ્રીમિયર લીગ 2024 સીઝન પહેલા ગુજરાત જાયન્ટ્સની ટીમને મોટો ઝટકો લાગ્યો છે. વાસ્તવમાં, ઇંગ્લેન્ડની ક્રિકેટર સોફિયા ડંકલી વુમન્સ પ્રીમિયર લીગની આગામી સિઝનમાં નહીં રમે. સોફિયા ડંકલી વુમન્સ પ્રીમિયર લીગમાં ગુજરાત જાયન્ટ્સ તરફથી રમે છે. જો કે સોફિયા ડંકલીનું ના રમવું એ ગુજરાત જાયન્ટ્સ માટે મોટો ફટકો માનવામાં આવી રહ્યો છે. ઉપરાંત, સોફિયા ડંકલીએ જણાવ્યું કે તે વુમન્સ પ્રીમિયર લીગ 2024ની સિઝનમાં કેમ નહીં રમે ?
શા માટે સોફિયા ડંકલી મહિલા પ્રીમિયર લીગ 2024 સીઝનમાં નહીં રમે ?
મીડિયા રિપોર્ટ્સ અનુસાર, ઇંગ્લેન્ડની ક્રિકેટર સોફિયા ડંકલેએ આંતરરાષ્ટ્રીય ક્રિકેટ પર ધ્યાન કેન્દ્રિત કરવા માટે વુમન્સ પ્રીમિયર લીગ 2024 સીઝનમાં નહીં રમવાનો નિર્ણય કર્યો છે. ગયા વર્ષની શરૂઆતમાં વિમેન્સ પ્રીમિયર લીગની પ્રથમ સિઝન રમાઈ હતી. સોફિયા ડંકલી આ સિઝનમાં ગુજરાત જાયન્ટ્સ તરફથી રમી હતી.
Sophia Dunkley has decided to skip the WPL in order to prepare for international matches. (Espncricinfo). pic.twitter.com/oNAgzB0GxB
— Mufaddal Vohra (@mufaddal_vohra) December 5, 2023
સોફિયા ડંકલી આ ટીમો માટે રમી છે...
તમને જણાવી દઈએ કે સોફિયા ડંકલી ઈંગ્લેન્ડ તરફથી ઈન્ટરનેશનલ ક્રિકેટ રમે છે. આ સિવાય તેણે ગયા વર્ષે વિમેન્સ પ્રીમિયર લીગમાં ગુજરાત જાયન્ટ્સનું પ્રતિનિધિત્વ કર્યું હતું. સોફિયા ડંકલી સરે સ્ટાર્સ, લેન્કેશાયર થંડર, સધર્ન બ્રધરન અને વેલ્સ ફાયર વિમેન્સ ટીમ તરફથી પણ રમી ચૂકી છે.
નોંધનીય છે કે ગયા વર્ષે વિમેન્સ પ્રીમિયર લીગની પ્રથમ સિઝન રમાઈ હતી. હરમનપ્રીત કૌરની આગેવાનીમાં મુંબઈ ઈન્ડિયન્સે ફાઈનલ જીતીને ટાઈટલ જીત્યું હતું. જોકે, આ વખતે વુમન્સ પ્રીમિયર લીગ 2024ની સિઝનમાં મુંબઈ ઈન્ડિયન્સની ટીમ પોતાના ટાઈટલનો બચાવ કરવા જશે. આ પહેલા 9 ડિસેમ્બરે હરાજીનું આયોજન કરવામાં આવ્યું છે.
19 ડિસેમ્બરે દુબઈમાં IPL 2024 માટે ખેલાડીઓની હરાજી
ઈન્ડિયન પ્રીમિયર લીગની તમામ 10 ટીમોએ તેમના રિલીઝ કરાયેલા અને રિટેન કરાયેલા ખેલાડીઓની યાદી જાહેર કરી છે. હવે 19 ડિસેમ્બરે દુબઈમાં IPL 2024 માટે ખેલાડીઓની હરાજી થશે, જ્યાં 10 ફ્રેન્ચાઈઝી તેમની ટીમને મજબૂત કરવા પૈસા ખર્ચશે. હાલ તો ક્રિકેટ ચાહકો આ હરાજીને લઈ ખૂબ જ ઉત્સુક છે. હરાજી બાદ તમામ ટીમોના ખેલાડીઓ વિશે વિગતવાર જાણી શકાશે.
Join Our Official Telegram Channel:
https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
