Suryakumar Yadav: સૂર્યકુમાર યાદવને ન મળ્યું ટીમમાં સ્થાન, પૃથ્વી શૉની વાપસી, આ ટીમની જાહેરાત

ટીમની કેપ્ટનશીપ શ્રેયસ ઐય્યરને સોંપવામાં આવી છે. રણજી ટ્રોફીમાં મુંબઈની કેપ્ટનશીપ કરનાર અજિંક્ય રહાણેની પણ આ ટીમમાં સ્થાન મળ્યું છે

શ્રેયસ ઐય્યર

Source : Social Media

Suryakumar Yadav:  તાજેતરમાં જ પૃથ્વી શૉ ખૂબ ચર્ચામાં રહ્યો હતો. લાંબા સમયથી ટીમ ઈન્ડિયાની બહાર રહેલા પૃથ્વી શૉને પણ ખરાબ ફોર્મના કારણે મુંબઈની રણજી ટ્રોફી ટીમમાંથી બહાર કરવામાં આવ્યો હતો. પરંતુ હવે શૉ માટે સારા સમાચાર આવ્યા છે. તે મુંબઈની ટીમમાં પાછો ફર્યો છે. મુંબઈએ સૈયદ મુશ્તાક અલી ટ્રોફી માટે ટીમની જાહેરાત કરી છે જેમાં શૉને સ્થાન મળ્યું છે.

ટીમની કેપ્ટનશીપ શ્રેયસ ઐય્યરને સોંપવામાં આવી છે. રણજી ટ્રોફીમાં મુંબઈની કેપ્ટનશીપ કરનાર અજિંક્ય રહાણેની પણ આ ટીમમાં સ્થાન મળ્યું છે. રણજી ટ્રોફીમાં સારી બેટિંગ કરનાર સિદ્ધેશ લાડને પણ ટીમમાં સ્થાન મળ્યું છે.

ઐય્યર શાનદાર ફોર્મમાં છે

ઐય્યર અત્યારે શાનદાર ફોર્મમાં છે. તેણે રણજી ટ્રોફીમાં એક સદી અને એક બેવડી સદી ફટકારી છે. તેણે 90.40ની એવરેજથી 452 રન બનાવ્યા છે. તે દુલીપ ટ્રોફીમાં પણ ફોર્મમાં જોવા મળ્યો હતો. આ વખતે ઐય્યરે ડોમેસ્ટિક સીઝનમાં જેટલી સદી ફટકારી છે તે તમામ મોટી ઇનિંગ્સ છે. પરંતુ ટીમમાં સૌથી મોટું નામ શૉનું છે. ફોર્મની સાથે ફિટનેસના કારણે ટીમની બહાર હતો. તાજેતરમાં ઓસ્ટ્રેલિયા પ્રવાસ પર ભારત-એ ટીમનો ભાગ બનેલા તનુષ કોટિયનને પણ ટીમમાં પસંદ કરવામાં આવ્યો છે. શાર્દુલ ઠાકુર ઓસ્ટ્રેલિયા પ્રવાસ માટે ટેસ્ટ ટીમમાં સ્થાન મેળવી શક્યો ન હતો. તેને મુંબઈની ટીમમાં સ્થાન મળ્યું છે.

ભારતીય T20 ટીમના કેપ્ટન સૂર્યકુમાર યાદવને ટીમમાં સ્થાન મળ્યું નથી. તેની કેપ્ટનશીપ હેઠળ ભારતે તાજેતરમાં જ ઘરઆંગણે ચાર મેચોની શ્રેણીમાં દક્ષિણ આફ્રિકાને 3-1થી હરાવ્યું હતું.

મુંબઈએ વર્ષ 2022-23માં સૈયદ મુશ્તાક અલી ટ્રોફીનું ટાઇટલ જીત્યું હતું. મુંબઈએ માત્ર એક જ વાર આ ટાઈટલ જીત્યું છે. રહાણેની કેપ્ટનશીપમાં જ ટીમે આ ટાઇટલ જીત્યું હતું. ફરી એકવાર ટીમ આ ટ્રોફી ઉપાડવા માંગે છે. મુંબઈની ટીમે ગયા વર્ષે શાનદાર રમત બતાવી હતી. એવી અપેક્ષા રાખવામાં આવે છે કે આ વખતે પણ ટીમ આ ફોર્મને ચાલુ રાખે અને બીજી વખત આ ટ્રોફી જીતશે.

સૈયદ મુશ્તાક અલી ટ્રોફી માટે મુંબઈની ટીમ

શ્રેયસ ઐય્યર (કેપ્ટન), પૃથ્વી શૉ, અંગકૃષ રઘુવંશી, જય બિષ્ટા, અજિંક્ય રહાણે, સિદ્ધેશ લાડ, સૂર્યાંશ શેડગે, સાઈરાજ પાટિલ, હાર્દિક તામોર (વિકેટકીપર), આકાશ આનંદ (વિકેટકીપર), શમ્સ મુલાની, હિમાંશુ સિંહ, તનુષ કોટિયન, શાર્દુલ ઠાકુર, મોહિત અવસ્થી, રોયસ્ટન ડિયાસ, જુનૈદ ખાન.