IND vs ENG 2022: બીજી સેમીફાઇનલ મેચ અગાઉ ભારત માટે સારા સમાચાર, ઇગ્લેન્ડના બોલર માર્ક વુડના રમવા પર શંકા

ભારતીય ટીમ ગુરુવારે સેમીફાઇનલમાં ઇંગ્લેન્ડ સામે ટકરાશે. બંને ટીમો વચ્ચેની આ મેચ એડિલેડ ઓવલ ગ્રાઉન્ડ પર રમાશે

ફોટોઃ ટ્વિટર

T20 World Cup 2022: ભારતીય ટીમ ગુરુવારે સેમીફાઇનલમાં ઇંગ્લેન્ડ સામે ટકરાશે. બંને ટીમો વચ્ચેની આ મેચ એડિલેડ ઓવલ ગ્રાઉન્ડ પર રમાશે. આ મેચ ભારતીય સમય અનુસાર બપોરે 1.30 વાગ્યે શરૂ થશે. પરંતુ આ મહત્વપૂર્ણ મેચ પહેલા ઇંગ્લેન્ડ માટે ખરાબ સમાચાર આવ્યા છે. વાસ્તવમાં ઈંગ્લેન્ડનો ફાસ્ટ બોલર માર્ક વુડ ટીમ ઈન્ડિયા સામેની મેચમાં રમશે કે કેમ તે હજુ સુધી નક્કી નથી. માર્ક વુડ ઇજાગ્રસ્ત થયો છે.

T20 WC: India eye summit clash with Pakistan, England aim to deliver their best

Read @ANI Story | https://t.co/7chbJ4Tsc7#T20WorldCup #INDvsENG #cricket pic.twitter.com/iv40RT6uQ7

— ANI Digital (@ani_digital) November 9, 2022

માર્ક વુડના બદલે ક્રિસ જોર્ડનને મળી શકે છે તક

જો ઈંગ્લેન્ડનો ફાસ્ટ બોલર માર્ક વુડ ભારત સામેની મેચમાં નહીં રમે તો ઓલરાઉન્ડર ક્રિસ જોર્ડનને તક મળી શકે છે.  ઉલ્લેખનીય છે કે, માર્ક વુડ ઈજાની સમસ્યા સામે ઝઝૂમી રહ્યો છે. ભારત સામે આ બોલરનું રમવું શંકાસ્પદ માનવામાં આવે છે. માનવામાં આવે છે કે ભારત સામેની આ મહત્વપૂર્ણ મેચમાં ક્રિસ જોર્ડનને પ્લેઈંગ ઈલેવનમાં સામેલ કરવામાં આવી શકે છે.

નોંધનીય છે કે ભારત અને ઈંગ્લેન્ડની મેચની વિજેતા ટીમ ફાઇનલમાં પાકિસ્તાન સામે રમશે. આ ટુર્નામેન્ટની ફાઇનલ મેચ 13 નવેમ્બરે મેલબોર્ન ક્રિકેટ ગ્રાઉન્ડ પર રમાશે. આ પહેલા પાકિસ્તાને પ્રથમ સેમીફાઇનલ મેચમાં ન્યૂઝીલેન્ડને 7 વિકેટે હરાવ્યું હતું. આ મેચમાં ટોસ જીતીને પ્રથમ બેટિંગ કરતા ન્યૂઝીલેન્ડની ટીમે 20 ઓવરમાં 4 વિકેટે 152 રન ફટકાર્યા હતા. જેના જવાબમાં પાકિસ્તાને 19.1 ઓવરમાં ત્રણ વિકેટ ગુમાવી 153 રન ફટકારી મેચ જીતી લીધી હતી.

Different ground dimensions a challenge in Australia: Rohit Sharma ahead of SF clash

Read @ANI Story | https://t.co/BjR43uWtp8#RohitSharma #T20WorldCup #SemiFinals #adelaideoval #crickettwitter #T20Iworldcup2022 pic.twitter.com/XuDkdAFEFS

— ANI Digital (@ani_digital) November 9, 2022

ઇંગ્લેન્ડ સામેની સેમીફાઇનલ મેચ પહેલા ભારતીય ટીમના કેપ્ટન રોહિત શર્માએ એક મોટું નિવેદન આપ્યું છે. રોહિત શર્માએ કહ્યું કે અમે જાણીએ છીએ કે T20 ક્રિકેટ કેવી રીતે રમાય છે. તેણે કહ્યું કે આ ફોર્મેટમાં તે ખૂબ જ મહત્વપૂર્ણ છે કે તમે મેચના દિવસે કેવી રીતે રમો છો. આ ફોર્મેટમાં મેચ જીતવા માટે તમારે વધુ સારું ક્રિકેટ રમવું પડશે. જો તમે આમ કરવામાં નિષ્ફળ રહેશો તો પરિણામ તમારી વિરુદ્ધ જઈ શકે છે.