IND vs BAN: ફ્રીમાં લાઈવ મેચ જોવાનો આ છે સૌથી સરળ રસ્તો, જાણો કેટલા વાગ્યે શરુ થશે મેચ

IND vs BAN: આજે ચેમ્પિયન્સ ટ્રોફીમાં ભારત અને બાંગ્લાદેશની ટીમો ટકરાશે. ચેમ્પિયન્સ ટ્રોફી 2025 ની આ મેચ દુબઈ ઇન્ટરનેશનલ સ્ટેડિયમમાં રમાશે.

ચેમ્પિયન્સ ટ્રોફી 2025

Source : PTI

IND vs BAN: ટીમ ઈન્ડિયા આજથી ચેમ્પિયન્સ ટ્રોફી 2025 માં પોતાની સફર શરૂ કરવા જઈ રહી છે. આજે આ ICC ટુર્નામેન્ટનો બીજો મુકાબલો છે, જેમાં ભારત અને બાંગ્લાદેશની ટીમો એકબીજા સામે ટકરાશે. આ મેચ બંને ટીમો માટે ખૂબ જ મહત્વપૂર્ણ રહેશે, કારણ કે અહીં હારનો અર્થ ટુર્નામેન્ટમાંથી બહાર થવાનો છે. કેપ્ટન રોહિત શર્મા ચોક્કસપણે આ વાત ધ્યાનમાં લેશે. આ દરમિયાન, જાણો કે તમે તમારા ટીવી અને મોબાઇલ પર આ ડેનાઈટ મેચ કેવી રીતે જોઈ શકો છો. મેચ કયા સમયે શરૂ થશે અને ટોસનો સમય શું છે તે પણ જાણો.

ટીમ ઈન્ડિયા તેની મેચ દુબઈમાં રમશે, મેચ બપોરે 2.30 વાગ્યે શરૂ થશે
ચેમ્પિયન્સ ટ્રોફી 2025માં, ટીમ ઈન્ડિયા તેની બધી મેચ દુબઈમાં રમશે. આ જ કારણ છે કે ભારત અને બાંગ્લાદેશની ટીમો હાલમાં દુબઈમાં છે. છેલ્લા બે દિવસથી, ફોટા અને વીડિયો સતત આવી રહ્યા છે જેમાં ટીમ ઈન્ડિયા તેની તૈયારીઓને અંતિમ ટચ આપી રહી છે. ટીમના કેપ્ટન રોહિત શર્મા બધા ખેલાડીઓ સાથે વ્યક્તિગત રીતે વાત કરી રહ્યા છે અને રણનીતિ પર ચર્ચા ચાલી રહી છે. આજે રોહિત અને સમગ્ર ભારતીય ટીમની કસોટી થશે. મેચના સમયની વાત કરીએ તો, આ મેચ બપોરે 2.30 વાગ્યે રમાશે. ટોસ આના અડધા કલાક પહેલા એટલે કે 2 વાગ્યે થશે. હવે એ જોવું રહ્યું કે,  કઈ ટીમ ટોસ જીતે છે. ટોસ સમયે, બંને ટીમો આજની મેચ માટે તેમની પ્લેઇંગ ઇલેવન જાહેર કરશે.

આ રીતે તમે ભારત વિરુદ્ધ બાંગ્લાદેશ મેચ લાઈવ જોઈ શકો છો
ભારત વિરુદ્ધ બાંગ્લાદેશ મેચ લાઈવ જોવાની વાત કરીએ તો, જો તમે ટીવી પર મેચ જુઓ છો તો તમે સ્ટાર સ્પોર્ટ્સ 1 પર મેચ જોઈ શકો છો. આ ઉપરાંત તમે સ્પોર્ટ્સ 18 પર પણ મેચ જોઈ શકો છો. આ મેચનું લાઈવ પ્રસારણ બંને ચેનલો પર જોઈ શકાશે. ઉપરાંત, જો તમે તમારા મોબાઇલ પર મેચ જુઓ છો અથવા તમારી પાસે સ્માર્ટ ટીવી છે, તો તેના માટે તમારે Jio Hot Star પર જવું પડશે. જે એપ પહેલા ડિઝની પ્લસ હોટ સ્ટાર હતી તે હવે જિયો હોટ સ્ટાર બની ગઈ છે. તેથી બહુ સમસ્યા નથી. ડિઝની પ્લસ હોટ સ્ટાર હવે સમાપ્ત થઈ ગયું છે. તમે Jio સિનેમા પર મેચ જોઈ શકશો નહીં. મેચ દરમિયાન કોમેન્ટ્રી સાંભળવા માટે તમે કોઈપણ ભાષા પસંદ કરી શકો છો. તેની કોમેન્ટ્રી ઘણી ભાષાઓમાં થઈ રહી છે.

ભારતીય ટીમ: રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), હાર્દિક પંડ્યા, અક્ષર પટેલ, રવિન્દ્ર જાડેજા, હર્ષિત રાણા, કુલદીપ યાદવ, મોહમ્મદ શમી, વરુણ ચક્રવર્તી, અર્શદીપ સિંહ, ઋષભ પંત, વોશિંગ્ટન સુંદર.

બાંગ્લાદેશ ટીમ: સૌમ્ય સરકાર, તંજીદ હસન, નઝમુલ હુસૈન શાંતો (કેપ્ટન), ઝકાર અલી (વિકેટકીપર), મુશફિકુર રહીમ, મહમુદુલ્લાહ, મેહદી હસન મિરાઝ, તસ્કિન અહેમદ, તંઝીમ હસન સાકિબ, નાહિદ રાણા, મુસ્તફિઝુર રહેમાન, તૌહીદ હૃદયોય, રિશાદ હુસૈન, પરવેઝ હુસૈન ઇમોન, નસુમ અહેમદ.

આ પણ વાંચો....