5 ચોગ્ગા, 3 છગ્ગા..., ઇંગ્લેન્ડમાં વૈભવ સૂર્યવંશીનો તરખાટ, ચાર દિવસમાં બીજી વખત England ના બોલરોને ધોયા
ભારતે પ્રથમ વનડે મેચમાં પણ ઇંગ્લેન્ડને કારમી હાર આપી હતી, જેમાં વૈભવ સૂર્યવંશીનું પ્રદર્શન શાનદાર રહ્યું હતું.
- વૈભવ સૂર્યવંશીનું સતત શાનદાર પ્રદર્શન, જ્યાં તેણે 34 બોલમાં 45 રન ફટકારી, જેમાં 5 ચોગ્ગા અને 3 છગ્ગાનો સમાવેશ થયો.
- કેપ્ટનના પ્રારંભિક આઉટ પછી પણ, વૈભવએ મોરચો સંભાળીને ટીમને મજબૂત શરૂઆત આપી.
- ભારતના સ્ટ્રૉંગ મિડલ ઓર્ડર, વિહાન મલ્હોત્રા અને મૌલ્યરાજ છાબડાએ સ્કોરને આગળ વધાર્યો.
- પ્રથમ વનડેમાં પણ વૈભવનું વિસ્ફોટક પ્રદર્શન, જેમાં તેણે 19 બોલમાં 48 રન બનાવ્યા હતા અને ભારતે જીતી લીધું.
- વૈભવનું સતત પ્રભાવશાળી ફોર્મ, ભવિષ્યમાં ભારતીય ટીમ માટે એક મહત્વપૂર્ણ સિગ્નલ બની રહ્યું છે.
Vaibhav Suryavanshi U-19: ભારતીય અંડર-19 ક્રિકેટ ટીમના 14 વર્ષીય યુવા સેન્સેશન વૈભવ સૂર્યવંશીનું બેટ ઇંગ્લેન્ડની ધરતી પર ફરી એકવાર ગર્જ્યું છે. ઇંગ્લેન્ડની અંડર-19 ટીમ સામે ચાલી રહેલી બીજી વનડે મેચમાં વૈભવે માત્ર 34 બોલમાં 45 રનની તોફાની ઇનિંગ રમીને બધાનું દિલ જીતી લીધું છે. આ પ્રદર્શન સાથે તેણે ઇંગ્લેન્ડના બોલરોને તેમના જ ઘરમાં બેકફૂટ પર ધકેલી દીધા છે.
કેપ્ટન આઉટ થયા છતાં વૈભવે મોરચો સંભાળ્યો
આ મેચમાં ઇંગ્લેન્ડે ટોસ જીતીને પ્રથમ બોલિંગ કરવાનો નિર્ણય લીધો હતો. ભારતીય ટીમ જ્યારે પ્રથમ બેટિંગ કરવા ઉતરી ત્યારે કેપ્ટન આયુષ મ્હાત્રે ખાતું ખોલ્યા વિના પહેલા જ બોલ પર આઉટ થઈ જતા ટીમને શરૂઆતી ઝટકો લાગ્યો હતો. જોકે, બીજા છેડે બેટિંગ કરવા આવેલા વૈભવ સૂર્યવંશીએ સ્થિતિને સંભાળી લીધી હતી. તેણે પોતાની 45 રનની ઇનિંગમાં પાંચ ચોગ્ગા અને ત્રણ છગ્ગા ફટકારીને દબાણ હળવું કર્યું. જોકે, દુર્ભાગ્યે તે છેલ્લી મેચની જેમ આ મેચમાં પણ અડધી સદી ફટકારવામાં ચૂકી ગયો હતો.
Vaibhav Suryavanshi missed his half-century by 5 runs.
— Mayank (@mayankcdp) June 30, 2025
45 runs
34 balls
5 fours
3 sixes
India U19 vs England U19 2nd ODI. pic.twitter.com/J8oukfHhxU
ભારતનો મજબૂત સ્કોર
વૈભવ સૂર્યવંશી 45 રન બનાવીને આઉટ થયા બાદ, વિહાન મલ્હોત્રા અને મૌલ્યરાજ સિંહ છાબડાએ ભારતીય ઇનિંગની કમાન સંભાળી છે. આ ODI મેચમાં 20 ઓવરના અંતે, ભારતનો સ્કોર 2 વિકેટ ગુમાવીને 116 રન થઈ ગયો છે. વિહાન 49 બોલમાં 39 રન અને છાબડા 39 બોલમાં 21 રન બનાવીને ક્રિઝ પર અડીખમ રહ્યા છે.
પ્રથમ વનડેમાં પણ વૈભવનો જાદુ
નોંધનીય છે કે ભારતે પ્રથમ વનડે મેચમાં પણ ઇંગ્લેન્ડને કારમી હાર આપી હતી, જેમાં વૈભવ સૂર્યવંશીનું પ્રદર્શન શાનદાર રહ્યું હતું. તે મેચમાં તેણે માત્ર 19 બોલમાં 5 છગ્ગાની મદદથી 48 રન બનાવ્યા હતા, અને ભારતે તે મેચ 6 વિકેટથી જીતી લીધી હતી. આ જીત સાથે ભારત આ શ્રેણીમાં 1-0 થી આગળ છે. વૈભવનું આ સતત ધમાકેદાર પ્રદર્શન ભવિષ્યના ભારતીય ક્રિકેટ માટે ઉજ્જવળ સંકેત આપે છે.
ટોપ સ્ટોરી
ટ્રેન્ડિંગ સમાચાર
