IND vs WI: અમદાવાદમાં સિરાજ અને બુમરાહનો તરખાટ, વેસ્ટ ઈન્ડિઝ 162 રનમાં ઓલ આઉટ

IND vs WI 1st Test: ભારત અને વેસ્ટ ઈન્ડિઝ વચ્ચેની પહેલી ટેસ્ટ આજથી નરેન્દ્ર મોદી ક્રિકેટ સ્ટેડિયમ ખાતે રમાઈ રહી છે. વેસ્ટ ઈન્ડિઝે પહેલા બેટિંગ કરતા પ્રથમ ઇનિંગમાં 162 રન બનાવ્યા.

ટીમ ઈન્ડિયા

Source : bcci

IND vs WI 1st Test: વેસ્ટ ઈન્ડિઝે ટોસ જીતીને પહેલા બેટિંગ કરવાનો નિર્ણય લીધો. પહેલું સત્ર સિરાજના નામે રહ્યું હતું, જેમણે વેસ્ટ ઈન્ડિઝની પાંચમાંથી ત્રણ વિકેટ લીધી હતી. તેણે બીજા સત્રમાં એક વિકેટ ઉમેરી, જોકે તે પોતાની પાંચ વિકેટ પૂર્ણ કરી શક્યો નહીં. સિરાજે તેજનારાયણ ચંદ્રપોલ (0), એલિક એથાનાસે (12), બ્રાન્ડન કિંગ (13) અને રોસ્ટન ચેઝ (24) ને આઉટ કર્યા. સિરાજે તેના 14 ઓવરના સ્પેલમાં 40 રન આપ્યા.

 

Innings Break and that's Tea on Day 1 of the 1st Test.

Kuldeep Yadav picks up the final wicket as West Indies is all out for 162 runs.

Scorecard - https://t.co/Dhl7RtjvWY #INDvWI #1stTEST #TeamIndia @IDFCfirstbank pic.twitter.com/n8WmaUC1OJ

— BCCI (@BCCI) October 2, 2025

જસપ્રીત બુમરાહએ તેના 14 ઓવરના સ્પેલમાં 42 રન આપીને ત્રણ વિકેટ લીધી, જેમાંથી બે (જસ્ટિન ગ્રીવ્સ અને જોહાન લાઈન) શાનદાર યોર્કર સાથે. કુલદીપ યાદવે બે વિકેટ લીધી, અને વોશિંગ્ટન સુંદરે એક વિકેટ લીધી.

વેસ્ટ ઈન્ડિઝ માટે જસ્ટિન ગ્રીવ્સ સૌથી વધુ રન બનાવનાર ખેલાડી હતો, તેમણે 48 બોલમાં 32 રન બનાવ્યા. કેપ્ટન રોસ્ટન ચેઝે 24 અને શાઈ હોપે 26 રન બનાવ્યા. વેસ્ટ ઈન્ડિઝનો પ્રથમ દાવ 44.1 ઓવરમાં 162 રનમાં સમાપ્ત થયો.

બુમરાહ ઘરઆંગણે સૌથી ઝડપી 50 વિકેટ લેનાર ભારતીય ફાસ્ટ બોલર બની ગયો છે.

 

Congratulations to @Jaspritbumrah93, who has picked his 50th Test wicket in India in 24 innnings, the joint-fastest with Javagal Srinath among Indian fast bowlers.#TeamIndia pic.twitter.com/SdtBTRptxo

— BCCI (@BCCI) October 2, 2025

ભારત વિરુદ્ધ વેસ્ટ ઈન્ડિઝ હેડ ટૂ હેડ રેકોર્ડ

 

ભારત અને વેસ્ટ ઈન્ડિઝ વચ્ચે 100 ટેસ્ટ રમાઈ છે, જેમાં વેસ્ટ ઈન્ડિઝનો હાથ ઉપર છે. આ 100 ટેસ્ટમાંથી ભારત 23 વખત જીત્યું છે, જ્યારે વેસ્ટ ઈન્ડિઝે 30 વખત જીત મેળવી છે. બંને વચ્ચેની 47 મેચ ડ્રો રહી છે. જોકે, વેસ્ટ ઈન્ડિઝે છેલ્લા 31 વર્ષથી ભારતમાં એક પણ ટેસ્ટ મેચ જીતી નથી. ટીમે છેલ્લે 1994માં ભારતમાં ટેસ્ટ મેચ જીતી હતી.

 

બન્ને ટીમની પ્લેઇંગ-11

ભારત: શુભમન ગિલ (કેપ્ટન), યશસ્વી જયસ્વાલ, કેએલ રાહુલ, સાઈ સુદર્શન, ધ્રુવ જુરેલ (વિકેટકીપર), રવીન્દ્ર જાડેજા, વોશિંગ્ટન સુંદર, નીતિશ કુમાર રેડ્ડી, કુલદીપ યાદવ, જસપ્રીત બુમરાહ અને મોહમ્મદ સિરાજ.

વેસ્ટ ઈન્ડિઝ: રોસ્ટન ચેઝ (કેપ્ટન), તેજનરીન ચંદ્રપોલ, જ્હોન કેમ્પબેલ, એલીક એથેનાઝ, બ્રેન્ડન કિંગ, શાઈ હોપ (વિકેટકીપર),જસ્ટિન ગ્રીવ્સ, જોમેલ વોરિકન, ખૈરી પિયરી, જોહાન લેન અને જેડન સીલ્સ.