AFG vs NED: અફઘાનિસ્તાન સામે નેધરલેન્ડનો ધબડકો, 179 રનમાં પુરી ટીમ ઓલ આઉટ

AFG vs NED Innings Highlights:  ODI વર્લ્ડ કપ 2023માં મોટો અપસેટ સર્જનાર નેધરલેન્ડની ટીમ અફઘાનિસ્તાન સામે ઘણી નબળી દેખાઈ.

( Image Source : PTI )

AFG vs NED Innings Highlights:  ODI વર્લ્ડ કપ 2023માં મોટો અપસેટ સર્જનાર નેધરલેન્ડની ટીમ અફઘાનિસ્તાન સામે ઘણી નબળી દેખાઈ. લખનૌના એકાના ક્રિકેટ સ્ટેડિયમમાં અફઘાનિસ્તાને નેધરલેન્ડને 46.3 ઓવરમાં 179 રનમાં ઓલઆઉટ કરી દીધું. મેચમાં નેધરલેન્ડે ટોસ જીતીને પ્રથમ બેટિંગ કરવાનો નિર્ણય લીધો હતો, જે લખનૌની પિચ પર તેમના માટે બિલકુલ અનુકૂળ સાબિત ન થયો. ટીમ તરફથી સિબ્રાન્ડ એન્જેલબ્રેચટે સૌથી વધુ 58 રન બનાવ્યા હતા. અફઘાનિસ્તાન તરફથી નબીએ 3 અને નૂરે 2 વિકેટ ઝડપી હતી.

 

Netherlands won the toss and elected to bat first 🏏

Who will come out on top in Lucknow's final #CWC23 fixture?#NEDvAFG 📝: https://t.co/3UEOjTcI9G pic.twitter.com/4KUbTxBVuQ

— ICC (@ICC) November 3, 2023

નેધરલેન્ડ્સની શરૂઆત ખૂબ જ ખરાબ રહી હતી

ટોસ જીતીને બેટિંગ કરવા આવેલી નેધરલેન્ડ્સની શરૂઆત ખૂબ જ ખરાબ રહી હતી. ટીમે પ્રથમ ઓવરના પાંચમા બોલ પર વેસ્લી બેરેસી (01)ના રૂપમાં પ્રથમ વિકેટ ગુમાવી હતી. ત્યારબાદ બીજી વિકેટ માટે મેક્સ ઓ ડાઉડ અને કોલિન એકરમેને 69 રન (63 બોલ)ની ભાગીદારી કરી, જે ટીમની ઇનિંગ્સની સૌથી મોટી ભાગીદારી હતી. આ ભાગીદારી 12મી ઓવરના ત્રીજા બોલ પર 40 બોલમાં 9 ચોગ્ગાની મદદથી 42 રન બનાવીને આઉટ થયેલા મેક્સ ઓ'ડાઉડની વિકેટ દ્વારા તૂટી હતી.

ત્યારબાદ 19મી ઓવરમાં કોલિન એકરમેન 29 રન બનાવીને આઉટ થયો હતો. આ પછી બીજા જ બોલ પર કેપ્ટન સ્કોટ એડવર્ડ્સ (0) પેવેલિયન પરત ફર્યો હતો. ઓપનર અને કેપ્ટન એડવર્ડ્સ બંને રન આઉટ થઈને પેવેલિયન પરત ફર્યા હતા. ટીમના કુલ ચાર બેટ્સમેનોએ રન આઉટ થતા પોતાની વિકેટ ગુમાવી હતી. કેપ્ટનના થોડા સમય બાદ મોહમ્મદ નબી 21મી ઓવરમાં બાસ ડી લીડે (3) તેનો શિકાર બન્યો હતો. આ રીતે ટીમે 97 રનમાં 5 વિકેટ ગુમાવી દીધી હતી.

ત્યારબાદ 26મી ઓવરમાં સાકિબ ઝુલ્ફીકાર 03 રન બનાવીને નૂર અહેમદની જાળમાં ફસાઈ ગયો હતો. આ પછી, 31મી ઓવરમાં લોગાન વાન બીક 02 રન બનાવીને આઉટ થયો હતો, સારી ઇનિંગ રમી રહેલો સાયબ્રાન્ડ એન્જલબ્રેચ 6 ચોગ્ગાની મદદથી 58 રન બનાવીને આઉટ થયો હતો, 42મી ઓવરમાં રોલોફ વાન ડેર મર્વે આઉટ થયો હતો. 11 રનમાં અને પોલ વાન મીકરેન 04 રન બનાવીને 10મી વિકેટ માટે આઉટ થયો હતો.

Join Our Official Telegram Channel: https://t.me/abpasmitaofficial