World Cup Points Table: ઓસ્ટ્રેલિયાને હરાવતા સાઉથ આફ્રિકાને થયો ફાયદો, પોઇન્ટ્સ ટેબલમાં નંબર વન ટીમ બની

World Cup Points Table: જ્યારે ન્યૂઝીલેન્ડની ટીમ પોઈન્ટ ટેબલમાં બીજા સ્થાને સરકી ગઈ છે

ફોટોઃ ટ્વિટર

World Cup 2023: દક્ષિણ આફ્રિકાએ ઓસ્ટ્રેલિયાને 134 રનના વિશાળ માર્જિનથી હરાવ્યું હતું. આ રીતે દક્ષિણ આફ્રિકાની ટીમને સતત બીજી જીત મળી છે. ઓસ્ટ્રેલિયન ટીમને સતત બીજી મેચમાં હારનો સામનો કરવો પડ્યો હતો. જો કે આ જીત બાદ દક્ષિણ આફ્રિકાની ટીમ પોઈન્ટ ટેબલમાં ટોપ પર પહોંચી ગઈ છે. જ્યારે ન્યૂઝીલેન્ડની ટીમ પોઈન્ટ ટેબલમાં બીજા સ્થાને સરકી ગઈ છે. જો કે સાઉથ આફ્રિકા અને ન્યૂઝીલેન્ડના 4-4 પોઈન્ટ છે પરંતુ સારા નેટ રન રેટના કારણે દક્ષિણ આફ્રિકાની ટીમ ટોપ પર છે.

ભારતીય ટીમ પોઈન્ટ ટેબલમાં ત્રીજા સ્થાને છે

આ પછી ભારતીય ટીમ ત્રીજા સ્થાને છે. જ્યારે પાકિસ્તાનની ટીમ પોઈન્ટ ટેબલમાં ચોથા સ્થાને છે. ભારત અને પાકિસ્તાનના પણ 4-4 પોઈન્ટ છે. આ રીતે પોઈન્ટ ટેબલમાં તમામ ટોપ-4 ટીમોના 4-4 પોઈન્ટ્સ છે. આ પછી ઈંગ્લેન્ડ પાંચમા સ્થાને છે. જ્યારે બાંગ્લાદેશની ટીમ પોઈન્ટ ટેબલમાં છઠ્ઠા સ્થાને છે. ઈંગ્લેન્ડ અને બાંગ્લાદેશના 2-2 પોઈન્ટ છે.

આ ટીમો પછી શ્રીલંકા, નેધરલેન્ડ, ઓસ્ટ્રેલિયા અને અફઘાનિસ્તાન છે. શ્રીલંકા, નેધરલેન્ડ, ઓસ્ટ્રેલિયા અને અફઘાનિસ્તાન પોઈન્ટ ટેબલમાં અનુક્રમે સાતમા, આઠમા, નવમા અને દસમા ક્રમે છે. આ ટીમો ટૂર્નામેન્ટની તેમની પ્રથમ જીતની રાહ જોઈ રહી છે. દક્ષિણ આફ્રિકાએ પ્રથમ મેચમાં શ્રીલંકાને હરાવ્યું હતું. ન્યૂઝીલેન્ડે ઈંગ્લેન્ડ અને નેધરલેન્ડને હરાવ્યું છે. ભારતીય ટીમે ઓસ્ટ્રેલિયા અને અફઘાનિસ્તાનને હરાવ્યું છે. જો કે, દક્ષિણ આફ્રિકા ઉપરાંત, ન્યૂઝીલેન્ડ, ભારત, પાકિસ્તાન અને ઈંગ્લેન્ડ પોઈન્ટ ટેબલમાં ટોપ-5 ટીમોમાં સામેલ છે.

દક્ષિણ આફ્રિકાએ ઓસ્ટ્રેલિયા સામે ગુરુવારે આઈસીસી ક્રિકેટ વર્લ્ડ કપ મેચમાં સાત વિકેટે 311 રન બનાવ્યા છે. સાઉથ આફ્રિકા તરફથી ક્વિન્ટન ડી કોકે 109 રન બનાવ્યા જ્યારે કેપ્ટન એડન માર્કરામે 56 રન બનાવ્યા હતા.. ઓસ્ટ્રેલિયા તરફથી ગ્લેન મેક્સવેલ અને મિશેલ સ્ટાર્કે બે-બે વિકેટ લીધી હતી. આ પહેલા ઓસ્ટ્રેલિયાએ દક્ષિણ આફ્રિકા સામે ટોસ જીતીને બોલિંગ કરવાનો નિર્ણય લીધો હતો. દક્ષિણ આફ્રિકાએ ટૂર્નામેન્ટની પ્રથમ મેચ શ્રીલંકા સામે રમી હતી અને તે મેચમાં ટીમે શ્રીલંકાને 102 રનથી હરાવ્યું હતું. તે મેચમાં ટીમે 400થી વધુ સ્કોર કરીને ઈતિહાસ રચ્યો હતો. રબાડાના બોલ પર આઉટ થયા બાદ માર્કસ સ્ટોઇનિસ ખૂબ જ નાખુશ દેખાતો હતો. માર્કસ સ્ટોઇનિસ અમ્પાયર સાથે વાત કરતો રહ્યો, પરંતુ થર્ડ અમ્પાયરે માન્યું કે બોલ ઓસ્ટ્રેલિયન ઓલરાઉન્ડરના ગ્લોવ્ઝમાં વાગીને ગયો હતો. આ રીતે માર્કસ સ્ટોઈનિસને પેવેલિયન પરત ફરવું પડ્યું હતું.