મહેન્દ્ર સિંહ ધોનીની નવી હેરસ્ટાઈલ પર ફિદા થઈ આ મહિલા ક્રિકેટર

ઉલ્લેખનિય છે કે, હાલમાં જ ઇંગ્લેન્ડની મહિલા ક્રિકેટ ટીમે ભારતનો પ્રવાસ કર્યો હતો. આ પ્રવાસમાં ડેનેલી વૉટ પણ ઇંગ્લેન્ડ ટીમમા શામેલ હતી. ઇંગ્લેન્ડની મહિલા ટીમે ભારતીય ટીમને ખુબ જ ખરાબ રીતે હરાવી હતી.

તમને જણાવી દઇએ કે, ડેનેલી આ પહેલા ભારતીય કેપ્ટન વિરાટ કોહલી પ્રત્યે પોતાના પ્રેમને લઇ ચર્ચામાં રહી ચૂકી છે. વર્ષ 2014મા તો ડેનેલીએ વિરાટ કોહલીને લગ્નનો પ્રસ્તાવ પણ મોકલ્યો હતો. હવે ધોનીની બેટિંગ જોયા બાદ તેની પણ ફેન બની ગઇ છે.

ડેનેલીએ ટ્વીટ કરીને એમએસ ધોનીની હેર સ્ટાઇલના વખાણ કર્યા છે. આ સાથે જ ધોનીના હેલિકોપ્ટર શોટનાં વખાણ કરતા ડેનેલીએ ટ્વીટ કરતા લખ્યું કે મને ખબર નથી કે, મારો હેલિકોપ્ટર શોટ કેટલો દૂર સુધી જશે.

નવી દિલ્હીઃ ભારતના ધૂરંધર ક્રિકેટર અને આઈપીએલમાં ચેન્નઇ સુપરકિંગ્સના કેપ્ટન મહેન્દ્ર સિંહ ધોનીના પ્રશંશક લાખો-કરોડોની સંખ્યામાં છે. હવે ધોનીના પ્રશંસકોની યાદીમાં ઇંગ્લેન્ડની મહિલા ક્રિકેટર ડેનેલી વોટનું નામ પણ જોડાઈ ગયું છે. હાલમાં જ ધોનીએ આરસીબી વિરૂદ્ધ રમાયેલ મેચમાં તાબડતોડ 70 રનની ઇનિંગ રમીને પોતાની ટીમને જીત અપાવી હતી. આ મેચ બાદ ડેનેલી વોટ ધોની પર ફિદા થઈ ગઈ છે.