Fifa World Cup 2022: ક્રોએશિયાએ કેનેડા સામે 4-1થી શાનદાર જીત મેળવી

ક્રોએશિયા પર બીજી મિનિટે 1-0ની લીડ મેળવ્યા પછી, કેનેડા રવિવારે તેમની ફિફા વર્લ્ડ કપ ગ્રુપ એફ મેચમાં અંતિમ વ્હિસલ સુધી લીડ જાળવી રાખવામાં નિષ્ફળ ગયું.

( Image Source : Getty Images )

Fifa World Cup 2022: ક્રોએશિયા પર બીજી મિનિટે 1-0ની લીડ મેળવ્યા પછી, કેનેડા રવિવારે તેમની ફિફા વર્લ્ડ કપ ગ્રુપ એફ મેચમાં અંતિમ વ્હિસલ સુધી લીડ જાળવી રાખવામાં નિષ્ફળ ગયું. ક્રોએશિયાએ કેનેડા સામે 4-1થી શાનદાર જીત મેળવી. આ હાર સાથે  કેનેડાને ગ્રુપ એફ ટેબલમાં  એક પણ પોઈન્ટ વગર વર્લ્ડ કપમાંથી બહાર થયું છે.

🇭🇷 Croatia pick up their first win of #Qatar2022 @adidasfootball | #FIFAWorldCup

— FIFA World Cup (@FIFAWorldCup) November 27, 2022

કેનેડાનો ઐતિહાસિક ગોલ બીજી જ મિનિટમાં આવ્યો જ્યારે અલ્ફોન્સો ડેવિસે ક્રોએશિયન ગોલકીપર ડોમિનિક લિવાકોવિકને પાછળ રાખીને તાજોન બુકાનનના એરિયલ પાસમાં હેડ કર્યો. વર્લ્ડ કપમાં કેનેડાનો આ પહેલો ગોલ હતો.

Here's how Group F looks after two matches 👀#FIFAWorldCup | #Qatar2022

— FIFA World Cup (@FIFAWorldCup) November 27, 2022

ક્રોએશિયા સામેની આ હાર બાદ ફિફા વર્લ્ડ કપ 2022માં કેનેડાની સફર ખતમ થઈ ગઈ છે. જો કે, ક્રોએશિયા સામેની આ મેચમાં કેનેડાએ મેચનો પ્રથમ ગોલ કર્યો હતો, પરંતુ તેની લીડ જાળવી શકી નહોતી.

આલ્ફોન્સો ડેવિસે મેચનો પ્રથમ ગોલ કર્યો હતો

ક્રોએશિયા સામે કેનેડાના અલ્ફોન્સો ડેવિસે બીજી મિનિટે ગોલ કર્યો હતો. આલ્ફોન્સો ડેવિસ કેનેડા માટે ગોલ કરનાર વર્લ્ડ કપના ઇતિહાસમાં પ્રથમ ખેલાડી બન્યો. હકીકતમાં, અગાઉ કેનેડાની ટીમ 1986ના વર્લ્ડ કપમાં ત્રણ મેચ રમી હતી, પરંતુ એક પણ ગોલ કરી શકી ન હતી. તે જ સમયે, આ ટીમ બેલ્જિયમ સામેની છેલ્લી મેચમાં પણ ગોલ કરી શકી ન હતી. હાફ ટાઈમ પહેલા 36મી મિનિટે ક્રોએશિયાએ પહેલો ગોલ કર્યો હતો. ક્રોએશિયા તરફથી પ્રથમ ગોલ આન્દ્રે ક્રેમેરિચે કર્યો હતો. પ્રથમ ગોલ કર્યાની આઠ મિનિટ બાદ જ ક્રોએશિયાએ બીજો ગોલ કર્યો હતો. આ રીતે ક્રોએશિયા મેચમાં 2-1થી આગળ હતું.