સગાઈ પછી હાર્દિક પંડ્યાએ કોફિ વિથ કરણ મુદ્દે તોડ્યું મૌન, કહ્યું- તે ખૂબ જ.......

કોફી વિથ કરણ મુદ્દે બોલતા જણાવ્યું, “એપિસોડ ટેલિકાસ્ટ થયા બાદ અમારા હાથમાં કંઇ જ નહોતું. ક્રિકેટર તરીકે અમે જાણતા નહોતા કે શું થવાનું છે. બોલ મારી કોર્ટમાં નહોતો, તે બીજા પાસે હતો અને તેણે શોટ ફટકારવાનો હતો. તે ખૂબ જ સંવેદનશીલ જગ્યા હતી.”

નવી દિલ્હીઃ ટીમ ઈન્ડિયાના ઓલ રાઉન્ડર હાર્દિક પંડ્યાએ 1 જાન્યુઆરી, 2020ના રોજ ગર્લફ્રેન્ડ નતાશા સાથે સગાઇની જાહેરાત કરીને સૌને ચોંકાવી દીધા હતા. સગાઇ બાદ હાર્દિક પંડ્યાએ કોફી વિથ કરણ શોમાં થયેલા વિવાદ મુદ્દે સૌપ્રથમ વખત મૌન તોડ્યું હતું. ગત વર્ષે હાર્દિક તેના ટીમ ઈન્ડિયાના સાથી લોકેશ રાહુલ સાથે શોમાં ગયો હતો અને ત્યાં શૉ દરમિયાન મહિલાઓ પર વિવાદાસ્પદ ટિપ્પણી કરી હતી. જેના કારણે આ બંનેને ટીમ ઈન્ડિયાના ઓસ્ટ્રેલિયા પ્રવાસમાંથી પરત બોલાવવામાં આવ્યા હતા અને બાદમાં 20 લાક રૂપિયાનો દંડ પણ કરવામાં આવ્યો હતો. હાર્દિક પંડ્યાએ ઈન્ડિયા ટુડેને આપેલા ઈન્ટરવ્યૂમાં કોફી વિથ કરણ મુદ્દે બોલતા જણાવ્યું, “એપિસોડ ટેલિકાસ્ટ થયા બાદ અમારા હાથમાં કંઇ જ નહોતું. ક્રિકેટર તરીકે અમે જાણતા નહોતા કે શું થવાનું છે. બોલ મારી કોર્ટમાં નહોતો, તે બીજા પાસે હતો અને તેણે શોટ ફટકારવાનો હતો. તે ખૂબ જ સંવેદનશીલ જગ્યા હતી.” હાર્દિક પંડ્યા હાલ બેક ઈન્જરીમાંથી મુક્ત થઈ રહ્યો છે, ઓકટોબર 2019માં તેણે સર્જરી કરાવી હતી. તે આગામી મહિને ન્યૂઝીલેન્ડ પ્રવાસ વખતે ટીમ ઈન્ડિયામાં સામેલ થઈ શકે છે. હાર્દિક ન્યૂઝીલેન્ડ પ્રવાસ પર ભારતની એ ટીમ સાથે જોડાશે. જો ત્યાં તે સારો દેખાવ કરશે તો ટી-20માં સામેલ કરવામાં આવી શકે છે. દીપિકાની JNU મુલાકાતના વિવાદ બાદ DMK સાંસદ કનીમોઝીએ કહ્યુ, હિન્દી ફિલ્મો ન જુઓ પરંતુ..... દીપડાને લઈ વનમંત્રી ગણપત વસાવાએ આપ્યું મોટું નિવેદન, કહ્યું- દીપડા માત્ર ગુજરાતની સમસ્યા નથી, જાણો વિગતે અમદાવાદ RTO એ આ કારને ફટકાર્યો ભારતનો સૌથી મોટો દંડ, રકમ જાણીને આંખો થઈ જશે પહોળી