દીપડાને લઈ વનમંત્રી ગણપત વસાવાએ આપ્યું મોટું નિવેદન, કહ્યું- દીપડા માત્ર ગુજરાતની સમસ્યા નથી, જાણો વિગતે

ગણતપત વસવાએ કહ્યું, દીપડા માત્ર ગુજરાતની સમસ્યા નથી. દેશભરમાં દીપડાઓની સંખ્યા વધી રહી છે. દીપડાને પકડીને તેમને રાખવા માટે દક્ષિણ ગુજરાતમાં બે રેસ્ક્યુ સેન્ટરો બનાવવામાં આવ્યા છે.

ગાંધીનગરઃ  અમરેલીના બગસરામાં માનવભક્ષી દીપડાને ઠાર મારવામાં આવ્યો હોવા છતાં સૌરાષ્ટ્ર અને દક્ષિણ ગુજરાતમાં દીપડાનો ભય લોકોને સતાવી રહ્યો છે. આજે વહેલી સવારે અમરેલીના જાફરાબાદ તાલુકાના નાગેશ્રી ગામના જુના પાદર વિસ્તારમાં દીપડો પાંજરે પુરાયો હતો. આ વિસ્તારમાં દીપડાના સતત આંટાફેરાથી લોકોમાં ભયનો માહોલ હતો. રાજ્યમાં દીપડાની વસતિને લઈ વનમંત્રી ગણપત વસાવાએ આજે મોટું નિવેદન આપ્યું હતું. શું કહ્યું ગણપત વસાવાએ ? ગણતપત વસવાએ કહ્યું, દીપડા માત્ર ગુજરાતની સમસ્યા નથી. દેશભરમાં દીપડાઓની સંખ્યા વધી રહી છે. દીપડાને પકડીને તેમને રાખવા માટે દક્ષિણ ગુજરાતમાં બે રેસ્ક્યુ સેન્ટરો બનાવવામાં આવ્યા છે. દીપડાની વધતી સંખ્યાને રોકવા માટે રાજ્ય સરકારે પ્રયાસ કર્યા છે. દીપડાના ખસીકરણ માટે કેન્દ્ર સરકાર પાસે મંજૂરી માંગવામાં આવી છે, પરંતુ હજુ સુધી મળી નથી. હાલ રાજ્યમાં દીપડાની અંદાજિત વસતી 1500 થોડા દિવસો પહેલા જાહેર થયેલા આકંડા પ્રમાણે, વર્ષ 2006માં થયેલી વસતિ ગણતરી મુજબ રાજ્યમાં દીપડાઓની સંખ્યા 1070 હતી. જે 2016મં વધીને 1395 થઈ હતી.  હાલ દીપડાની વસતિ અંદાજે 1500 પહોંચી ગઈ છે. જ્યારે દીપડાઓના હુમલાથી મૃત્યુ પામેલા લોકોની સંખ્યામાં પણ વધારો થયો હતો. 10 વર્ષમાં દીપડાની વસતીમાં થયો 30 ટકા વધારો

ગુજરાતમાં છેલ્લા 10 વર્ષમાં દીપડાની સંખ્યામાં 20 ટકા વધારો થયો છે. વર્ષ 2006માં થયેલી વસતિ ગણતરી મુજબ 1070 દીપડાઓ હતા, જે વર્ષ 2011માં 1160 થયા હતા. ત્યાર બાદ 2016માં દીપડાઓની સંખ્યા 20.25 ટકા વધીને 1395એ પહોંચી હતી. આમ એક દાયકામાં દીપડાઓની સંખ્યામાં 30 ટકાનો વધારો થયો હતો. કુલ દીપડાઓમાં 34 ટકા દીપડાઓ એટલે કે આશરે 470થી વધુ માનવ વસતિની આસપાસ વસવાટ કરે છે. દીપડો હિંસક પ્રાણી હોવાથી દીપડાનો વસતિ વધારો હાલ ખેડૂતો, રાજ્ય સરકાર અને વન વિભાગ માટે ચિંતાજનક સાબિત થઈ રહ્યો છે. રાશિદ ખાને T-20 ક્રિકેટમાં લીધી વધુ એક હેટ્રિક, વર્લ્ડકપ પહેલા ઓસ્ટ્રેલિયામાં મચાવી સનસની અમદાવાદ RTO એ આ કારને ફટકાર્યો ભારતનો સૌથી મોટો દંડ, રકમ જાણીને આંખો થઈ જશે પહોળી Axis બેંકના 15,000 કર્મચારીએ છોડી નોકરી! જાણો શું છે કારણ