ઓસ્ટ્રેલિયાના બોલરોને તેમની ઊંચાઈનો ફાયદો મળશે, અમે પણ છીએ તૈયારઃ રોહિત શર્માનો હુંકાર

સિડનીઃ ભારત-ઓસ્ટ્રેલિયા વચ્ચે ત્રણ T20 મેચની શ્રેણી શરૂ થવામાં હવે માત્ર બે દિવસ જ બાકી રહ્યા છે. ભારતીય ક્રિકેટ ટીમના વાઇસ કેપ્ટન રોહિત શર્માએ કહ્યું કે, ઓસ્ટ્રેલિયાને તેના બોલરોને હાઈટનો ફાયદો મળશે પરંતુ અમારી ટીમ પણ વખતે નવો રેકોર્ડ રચવા તૈયાર છે. ફાસ્ટ પિચો પર રમવું આટલું સરળ નહીં હોય. ભારત હંમેશા પર્થ કે બ્રિસ્બેનમાં રમ્યું છે. આ બંને મેદાન પર સ્થિતિ પડકારજનક હોય છે અને ઓસ્ટ્રેલિયાના લાંબા કદના બોલરો સ્થિતિનો પૂરો લાભ ઉઠાવે છે.

ગાબામાં પ્રેક્ટિસ સેશન બાદ કહ્યું કે, ભારતની બહાર રમવાનો અલગ અનુભવ હોય છે. ઓસ્ટ્રેલિયામાં અમે સારું પ્રદર્શન કરવા માંગીએ છીએ. ગત પ્રવાસમાં અમે અહીંયા કેટલીક નજીકની મેચો રમ્યા હતા. આ વખતે અમે સીરિઝમાં શ્રેષ્ઠ પ્રદર્શન કરીને જીતવા માંગીએ છીએ. ઓસ્ટ્રેલિયામાં સારા પ્રદર્શનથી મનોબળ વધે છે અને વિશ્વ કપ પહેલા જીતથી અમારો આત્મવિશ્વાસ ઘણો વધશે.