MS ધોની પણ ના કરી શક્યો તે રિષભ પંતે ડેબ્યૂ મેચમાં કરી બતાવ્યું? જાણો ક્યો નવો રેકોર્ડ બનાવ્યો

રિષભ પંતે વિકેટ કીપિંગની સાથે બેટિંગમાં પણ એક રેકોર્ડ બનાવ્યો હતો. પંતે પોતાની ટેસ્ટ કરિયરમાં રન બનાવવાની શરૂઆત સિક્સર સાથે કરી હતી. તેને ટેસ્ટ કરિયરના બીજા બોલ પર જ સિક્સર ફટકારી પોતાની ટેસ્ટ કારકિર્દીનો પ્રારંભ કર્યો હતો. રિષભ પંત ટેસ્ટના ઈતિહાસમાં સિક્સર ફટકારી પોતાનો પ્રથમ રન બનાવનાર વિશ્વનો 12મો ખેલાડી અને ભારતનો પ્રથમ ખેલાડી બની ગયો છે.

રિષભ પંતે પ્રથમ ઇનિંગમાં વિકેટ પાછળ પાંચ કેચ પકડ્યા હતા. રિષભ પંતે વિકેટ પાછળ સૌથી પ્રથમ કેચ એલિસ્ટર કુકનો પકડ્યો હતો. ત્યાર બાદ બીજો કેચ જેનિંગ્સનો પકડ્યો હતો. પંતે ત્રીજો કેચ ઓલી પોપનો ઇશાંત શર્માના બોલ પર પકડ્યો હતો. હાર્દિક પંડ્યાના બોલ પર ક્રિસ વોક્સનો કેચ પકડીને પંતે પોતાનો ચોથો કેચ પુરો કર્યો હતો. પંતે હાર્દિક પંડ્યાની ઓવરમાં આદિલ રાશિદનો કેચ પકડીને પાંચમો કેચ પૂર્ણ કર્યો હતો.

રિષભ પંત Vs ઇંગ્લેન્ડ, નોટિંઘમ, 2018, 6 કેચ. તમ્હાને Vs પાકિસ્તાન, ઢાકા, 1955, 5 કેચ. કિરણ મોરે Vs ઇંગ્લેન્ડ, લોર્ડ્સ, 1986, 5 કેચ. નમન ઓઝા Vs શ્રીલંકા, કોલંબો, 2015, 5 કેચ

આ સાથે જ રિષભ પોતાની ડેબ્યૂ મેચમાં વિકેટ પાછળ છ કેચ પકડનારો પ્રથમ ભારતીય ખેલાડી બની ગયો હતો. પંત પહેલા પોતાની ડેબ્યૂ મેચમાં પાંચ કેચ ભારતના ત્રણ વિકેટકીપરે પકડ્યા હતા પરંતુ પંતે જેનિંગ્સનો કેચ પકડી આ બધાંને પાછળ છોડી દીધા હતા.

પોતાની ડેબ્યૂ ટેસ્ટ મેચમાં જ રિષભ પંતે તે કામ કરી બતાવ્યું છે જે ભારતના સર્વશ્રેષ્ઠ વિકેટકીપરમાં સામેલ મહેન્દ્રસિંહ ધોની પણ કરી શક્યો નથી. નોટિંઘમ ટેસ્ટના ચોથા દિવસે ઈશાંત શર્માના બોલ પર રિષભ પંતે કિટન જેનિંગ્સનો કેચ પકડીને તેને પેવેલિયન ભેગો કરી દીધો હતો.

નોટિંઘમ: ઈંગ્લેન્ડ વિરૂદ્ધ ત્રીજી ટેસ્ટમાં 20 વર્ષના રિષભ પંતે ટેસ્ટમાં ડેબ્યૂ કર્યુ હતું. પોતાની પ્રથમ મેચમાં જ રિષભ પંતે રેકોર્ડ બનાવ્યા છે. આ ટેસ્ટ મેચના ચોથા દિવસે રિષભ પંતે એક એવું કામ કર્યું જે ભારતીય ક્રિકેટના ઈતિહાસમાં કોઈ પણ વિકેટકીપર કરી શક્યું નથી.