ભારતને મળ્યો ખતરનાક બોલર, માત્ર 11 રનમાં ઝડપી 10 વિકેટ, અપાવી કુંબલેની યાદ

આ બોલરે ગત મહિને જ સિક્કિમ વિરુદ્ધ રણજી મેચમાં ફર્સ્ટ ક્લાસ ડેબ્યૂ કર્યું હતું. ઉલ્લેખનીય છે કે ભારત તરફથી એર મેચમાં 10 વિકેટ લેવાનો રેકોર્ડ અનિલ કુંબલેના નામે છે. આ પહેલા આ રેકોર્ડ ઇંગ્લેન્ડના ઓફ સ્પિનર જીમ લેકરે કર્યો હતો.

નવી દિલ્હીઃ મણિપુરના એક યુવા બોલરે એક ઇનિંગમાં તમામ 10 વિકેટ લઈને દિગ્ગજ બોલર અનિલ કુંબલેની યાદ અપાવી દીધી છે. આ યુવા ક્રિકેટરનું નામ રેક્સ રાજકુમાર સિંહ છે. તેણે આ ઉપલબ્ધિ અંડર-19 ખેલાડીઓ માટે રમાઈ રહેલ કૂચ બિહાર ટ્રોફીના એક મેચમાં મેળવી છે. મણિપુર તરફથી રમતા રાજકુમારે અરૂણાચલ પ્રદેશની સમગ્ર ટીમને માત્ર 11 રન આપીને 10 વિકેટ મેળવી ઓલ આઉટ કરી હતી.