IPL 2026 પ્રથમ મેચમાં ભુવનેશ્વર પાસે ઈતિહાસ રચવાની તક, બનાવી શકે છે આ મોટો રેકોર્ડ
ટીમ ઈન્ડિયાનો ફાસ્ટ બોલર ભુવનેશ્વર કુમાર આઈપીએલના ઇતિહાસમાં સૌથી સફળ બોલરોમાંનો એક છે.
Bhuvneshwar Kumar Record : ટીમ ઈન્ડિયાનો ફાસ્ટ બોલર ભુવનેશ્વર કુમાર આઈપીએલના ઇતિહાસમાં સૌથી સફળ બોલરોમાંનો એક છે. તે ટુર્નામેન્ટના ઇતિહાસમાં બીજા ક્રમે સૌથી વધુ વિકેટ લેનાર બોલર છે. તેની પાસે આઈપીએલ 2026 ની પહેલી જ મેચમાં ઈતિહાસ રચવાની તક હશે. તે ટુર્નામેન્ટના ઇતિહાસમાં 200 વિકેટ લેનાર પ્રથમ બોલર બની શકે છે. તેને આમ કરવા માટે બે વિકેટની જરૂર છે.
ભુવનેશ્વર કુમાર આઈપીએલમાં 200 વિકેટ પૂર્ણ કરી શકે છે
IPL 2026 ની શરૂઆતની મેચમાં બધાની નજર અનુભવી ફાસ્ટ બોલર ભુવનેશ્વર કુમાર પર રહેશે. તે આઈપીએલમાં એક એવો રેકોર્ડ બનાવવા માટે તૈયાર છે જે અન્ય કોઈ ફાસ્ટ બોલરે ક્યારેય હાંસલ કર્યો નથી. સનરાઈઝર્સ હૈદરાબાદ સામેની મેચમાં માત્ર બે વિકેટ લઈને, તે આઈપીએલના ઇતિહાસમાં 200 વિકેટ લેનાર પ્રથમ ફાસ્ટ બોલર બનશે. ભુવનેશ્વર કુમારે અત્યાર સુધી 190 આઈપીએલ મેચમાં 198 વિકેટ લીધી છે. આ સમયગાળા દરમિયાન, તેણે બે વખથ પાંચ વિકેટ અને બે વખત ચાર વિકેટ લીધી છે.
IPLમાં સૌથી વધુ વિકેટ લેવાનો રેકોર્ડ કયા બોલરના નામે છે?
IPLમાં સૌથી વધુ વિકેટ લેવાનો રેકોર્ડ લેગ સ્પિનર યુઝવેન્દ્ર ચહલના નામે છે. ચહલે અત્યાર સુધી 174 IPL મેચોમાં 221 વિકેટ લીધી છે. તે 200 કે તેથી વધુ વિકેટ લેનાર એકમાત્ર બોલર છે. ભુવી આગામી મેચમાં આ યાદીમાં જોડાઈ શકે છે. તેને આ યાદીમાં સામેલ થવા માટે ફક્ત બે વિકેટની જરૂર છે. સુનીલ નારાયણ સૌથી વધુ વિકેટ લેનારા બોલરોની યાદીમાં ત્રીજા ક્રમે છે. તેણે 189 મેચોમાં 192 વિકેટ લીધી છે. પીયૂષ ચાવલાએ પણ 192 મેચોમાં 192 વિકેટ લીધી છે.
IPLમાં સૌથી વધુ વિકેટ લેનાર બોલર
- યુઝવેન્દ્ર ચહલ: 174 મેચ: 221 વિકેટ
- ભુવનેશ્વર કુમાર: 190 મેચ: 198 વિકેટ
- સુનીલ નારાયણ: 189 મેચ: 192 વિકેટ
- પીયુષ ચાવલા: 192 મેચ: 192વિકેટ
- આર. અશ્વિન: 221 મેચ: 187 વિકેટ
IPL 2025માં ભુવનેશ્વરનું શાનદાર પ્રદર્શન રહ્યું હતું
IPL 2025 માં ભુવનેશ્વર કુમારે ટીમ માટે શાનદાર પ્રદર્શન કર્યું હતું અને RCBની ટાઇટલ જીતમાં મુખ્ય ભૂમિકા ભજવી હતી. આ ફાસ્ટ બોલરે ગયા સિઝનમાં 14 મેચમાં 17 વિકેટ લીધી હતી. તેણે IPL ફાઇનલમાં પણ સારું પ્રદર્શન કર્યું હતું, જેમાં તેણે બે વિકેટ લીધી હતી. ભુવી હવે આ IPL સિઝનમાં બોલ સાથે પોતાનું પ્રભાવશાળી પ્રદર્શન ચાલુ રાખવાનો પ્રયાસ કરશે. તે જોવાનું બાકી છે કે તે તેની પહેલી મેચમાં આ સિદ્ધિ હાંસલ કરી શકશે કે નહીં.
ટોપ સ્ટોરી
ટ્રેન્ડિંગ સમાચાર
