DC-W vs MI-W Live: મુંબઇની વધુ એક શાનદાર જીત, દિલ્હીને 8 વિકેટે હરાવ્યુ
DC-W vs MI-W, WPL 2023 LIVE Score: બીસીસીઆઇ મહિલા પ્રીમિયર લીગની પહેલી સિઝનમાં આજે એક મહત્વની મેચ રમાઇ રહી છે,
Background
DC-W vs MI-W, WPL 2023 LIVE Score: બીસીસીઆઇ મહિલા પ્રીમિયર લીગની પહેલી સિઝનમાં આજે એક મહત્વની મેચ રમાઇ રહી છે, વૂમન્સ પ્રીમિયર લીગની બન્ને ઇન ફૉર્મ ટીમો દિલ્હી કેપિટલ્સ અને મુંબઇ ઇન્ડિયન્સ વચ્ચે જંગ જમશે, બન્ને હાલમાં પૉઇન્ટ ટેબલમાં એકપણ હાર વિના જગ્યા બનાવીને સામેલ થઇ છે, જોકે, હરમનપ્રીત કૌરની મુંબઇ ઇન્ડિયન્સ હાલમાં સારી નેટ રનરેટના કારણે પૉઇન્ટ ટેબલમાં ટૉપ પર છે, જ્યારે મેગ લેનિંગની દિલ્હી કેપિટલ્સ પણ શાનદાર ફોર્મમાં છે, પરંતુ મુંબઇ કરતા નેટ રનરેટ ઓછો છે, જેના કારણે પૉઇન્ટ ટેબલમાં બીજા નંબર પર યથાવત છે.
યાસ્તિકા ભાટિયાની આક્રમક બેટિંગ
મુંબઇ ઇન્ડિયન્સની વાત કરીએ...
ટાર્ગેટનો પીછો કરવા ઉતરેલી મુંબઇ ઇન્ડિયન્સની ટીમે શાનદાર બેટિંગ કરતાં ઓપનિંગમાં સારી શરૂઆત અપાવી હતી. ટીમની ઓપનર વિકેટકીપર બેટ્સમેન યાસ્તિકા ભાટિયાએ શાનદાર આક્રમક બેટિંગ કરતાં 32 બૉલમાં 8 ચોગ્ગાની મદદથી 41 રનની ઇનિંગ રમી હતી. આ સાથે હીલી મેથ્યૂઝે પણ શાનદાર બેટિંગ કરતાં 31 બૉલમાં 6 ચોગ્ગાની મદદથી 32 રન બનાવ્યા હતા. આ પછી નેટ સીવર બ્રન્ટ 23 રન અને કેપ્ટન હરમનપ્રીતે 11 રનની રમત રમીને ટીમને જીત સુધી પહોંચાડી દીધી હતી. જ્યારે ભારતીય ટીમની બૉલિંગમાં દમ જોવા ન હતુ મળ્યુ, ટીમ તરફથી માત્ર એલિસ કેપ્સી અને તારા નૉરિસને 1-1 વિકેટો મેળવવામાં સફળતા મળી હતી.
મુંબઇ ઇન્ડિયન્સની વધુ એક શાનદાર જીત
ભારતમાં રમાઇ રહેલી ટી20 લીગ ટૂર્નામેન્ટ વૂમન્સ પ્રીમિયર લીગમાં આજે મુંબઇ ઇન્ડિયન્સનો સામનો દિલ્હી કેપિટલ્સ સામે થયો હતો, જેમાં ફરી એકવાર મુંબઇની ટીમને શાનદાર જીત હાંસલ થઇ હતી. હરમનપ્રીત કૌરની આગેવાની વાળી મુંબઇ ઇન્ડિયન્સે મેગ લેનિંગની કેપ્ટનશીપ વાળી દિલ્હી કેપિટલ્સને 8 વિકેટથી હરાવી દીધુ છે. મેચમાં મેગ લેનિંગે ટૉસ જીતીને પહેલા બેટિંગ કરવાનો નિર્ણય કર્યો હતો, જેમાં તેમની ટીમ માત્ર 18 ઓવરની રમત રમીને ઓલઆઉટ થઇ ગઇ હતી. મેગ લેનિંગની ટીમે મુંબઇ ઇન્ડિયન્સને જીતવા માટે 106 રનોનો નજીવો ટાર્ગેટ આપ્યો હતો, જેને મુંબઇની ટીમે પાંચ ઓવર બાકી રહેતા 15 ઓવરમાં જ હાંસલ કરી લીધો હતો. મુંબઇની ટીમે 18 ઓવરમાં 2 વિકેટના નુકશાને 109 રન બનાવીને જીત હાસંલ કરી લીધી હતી.
ટોપ સ્ટોરી
ટ્રેન્ડિંગ સમાચાર
