![ABP Premium](https://cdn.abplive.com/imagebank/Premium-ad-Icon.png)
IPL 2022: ફરી એકવાર જોવા મળશે વિરાટ કોહલી અને પ્લેસિસનો જલવો, કોલકત્તા સામે આ પ્લેઇંગ ઇલેવન સાથે ઉતરી શકે છે RCB
ઈન્ડિયન પ્રીમિયર લીગ (IPL)માં રોયલ ચેલેન્જર્સ બેંગ્લોર (RCB) બુધવારે કોલકાતા નાઈટ રાઈડર્સ (KKR) સામે ટકરાશે. આ મેચ નવી મુંબઈમાં સાંજે 7.30 કલાકે શરૂ થશે.
![IPL 2022: ફરી એકવાર જોવા મળશે વિરાટ કોહલી અને પ્લેસિસનો જલવો, કોલકત્તા સામે આ પ્લેઇંગ ઇલેવન સાથે ઉતરી શકે છે RCB IPL 2022, RCB vs KKR Predicted Playing XI IPL 2022: ફરી એકવાર જોવા મળશે વિરાટ કોહલી અને પ્લેસિસનો જલવો, કોલકત્તા સામે આ પ્લેઇંગ ઇલેવન સાથે ઉતરી શકે છે RCB](https://feeds.abplive.com/onecms/images/uploaded-images/2022/03/30/63e17ab3e8603b5330021c18d56277fe_original.jpg?impolicy=abp_cdn&imwidth=1200&height=675)
ઈન્ડિયન પ્રીમિયર લીગ (IPL)માં રોયલ ચેલેન્જર્સ બેંગ્લોર (RCB) બુધવારે કોલકાતા નાઈટ રાઈડર્સ (KKR) સામે ટકરાશે. આ મેચ નવી મુંબઈમાં સાંજે 7.30 કલાકે શરૂ થશે. શ્રેયસ ઐય્યરની આગેવાની હેઠળની KKR એ તેની પ્રથમ મેચમાં ચેન્નઈ સુપર કિંગ્સને છ વિકેટથી હરાવ્યું હતું, જ્યારે RCBને 200 થી વધુ રન બનાવવા છતાં પંજાબ કિંગ્સ સામે પાંચ વિકેટથી હારનો સામનો કરવો પડ્યો હતો.
આરસીબીની બેટિંગમાં પાવર છે
આરસીબીનો કેપ્ટન ફાફ ડુ પ્લેસિસ શાનદાર ફોર્મમાં છે. તેણે પ્રથમ મેચમાં 57 બોલમાં 88 રન બનાવ્યા હતા અને તે પોતાનું ફોર્મ જાળવી રાખવાનો પ્રયાસ કરશે. ઓપનર અનુજ રાવત સારી શરૂઆતનો ફાયદો ઉઠાવી શક્યો નહોતો. વિરાટ કોહલીએ ફોર્મમાં પરત ફરવાના સંકેત આપ્યા હતા. તેણે પંજાબ સામે સારી બેટિંગ કરી હતી.
RCBની બેટિંગ તેમની મજબૂત કડી છે, આવી સ્થિતિમાં તેમના ટોપ ઓર્ડર સિવાય, RCB ટીમને નીચલા ક્રમમાં દિનેશ કાર્તિક જેવા બેટ્સમેન પાસેથી પણ શાનદાર પ્રદર્શનની અપેક્ષા રહેશે. પ્રથમ મેચમાં દિનેશ કાર્તિકે 32 રનની ઇનિંગ રમીને RCBનો સ્કોર 200 રનથી આગળ કર્યો હતો. કોલકાતાના સ્પિનરો પર આરસીબીના બેટ્સમેન પર લગામ લગાવવાની જવાબદારી રહેશે.
RCB માટે બોલિંગ ચિંતા
RCBની બોલિંગ ચોક્કસપણે ચિંતાનો વિષય છે. મોહમ્મદ સિરાજે છેલ્લી મેચમાં 59 રન આપ્યા હતા. તેઓએ જલ્દી જ પોતાની રમતમાં સુધારો કરવો પડશે. કોલકાતા સામેની મેચમાં હર્ષલ પટેલની ભૂમિકા ઘણી મહત્વની રહેશે. તે ડેથ ઓવર્સમાં RCB માટે મહત્વનો સાબિત થઇ શકે છે. લેગ સ્પિનર વાનિન્દુ હસરંગાની ભૂમિકા પણ ઘણી મહત્વની રહેવાની છે. તેણે પ્રથમ મેચમાં 4 ઓવરમાં 40 રન આપ્યા હતા.
કોલકાતાએ પ્રથમ મેચમાં શાનદાર પ્રદર્શન કરીને ચેન્નઈને હરાવ્યું હતું. KKR માટે સૌથી સકારાત્મક અજિંક્ય રહાણેનું ફોર્મમાં પરત ફરવું હતું. જોકે ઓલરાઉન્ડર વેંકટેશ ઐય્યર પ્રથમ મેચમાં માત્ર 16 રન જ બનાવી શક્યો હતો, પરંતુ તે સારો દેખાવ કરવાનો પ્રયાસ કરશે. આરસીબીના ઝડપી બોલરોએ તેની સામે વધુ સારી રણનીતિ બનાવવી પડશે. કેપ્ટન શ્રેયસ ઐય્યર, સેમ બિલિંગ્સ અને શેલ્ડન જેક્સન મિડલ ઓર્ડરની જવાબદારી સંભાળશે.
કોલકાતા પાસે સારા બોલરો છે
બોલિંગમાં ઉમેશ યાદવે છેલ્લી મેચમાં શાનદાર પ્રદર્શન કર્યું હતું પરંતુ શિવમ માવી, સ્પિનરો વરુણ ચક્રવર્તી અને સુનીલ નારાયણે વધુ સારું પ્રદર્શન કરવું પડશે. ઓલરાઉન્ડર આન્દ્રે રસેલનો દેખાવ મહત્વનો સાબિત થશે.
રોયલ ચેલેન્જર્સ બેંગ્લોરની સંભવિત પ્લેઇંગ ઇલેવન
અનુજ રાવત, ફાફ ડુ પ્લેસિસ (કેપ્ટન), વિરાટ કોહલી, દિનેશ કાર્તિક (વિકેટકીપર), શેરફેન રધરફોર્ડ, શાહબાઝ અહેમદ, વાનિન્દુ હસરંગા, હર્ષલ પટેલ, ડેવિડ વિલી, મોહમ્મદ સિરાજ, સિદ્ધાર્થ કૌલ.
કોલકાતા નાઈટ રાઈડર્સ સંભવિત ઇલેવન
અજિંક્ય રહાણે, વેંકટેશ ઐયર, શ્રેયસ ઐયર, નીતિશ રાણા, સેમ બિલિંગ્સ, શેલ્ડન જેક્સન (વિકેટકીપર), આન્દ્રે રસેલ, સુનીલ નારાયણ, ઉમેશ યાદવ, શિવમ માવી, વરુણ ચક્રવર્તી
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)