ફાઈનલમાં આવી હોઈ શકે છે પંજાબ અને બેંગ્લુરુની પ્લેઈંગ ઈલેવન, જાણો પિચ રિપોર્ટ અને મેચ પ્રિડિક્શન

IPL 2025 ની ફાઇનલની ટીમો તારીખ અને સ્થળ સહિત બધું જ નક્કી થઈ ગયું છે. 3 જૂને, અમદાવાદના નરેન્દ્ર મોદી સ્ટેડિયમમાં રોયલ ચેલેન્જર્સ બેંગ્લોર અને પંજાબ કિંગ્સ વચ્ચે ટાઇટલ ટક્કર યોજાવાની છે.

IPL 2025 ફાઈનલ

Source : Social Media

RCB vs PBKS Final: IPL 2025 ની ફાઇનલની ટીમો તારીખ અને સ્થળ સહિત બધું જ નક્કી થઈ ગયું છે. 3 જૂને, અમદાવાદના નરેન્દ્ર મોદી સ્ટેડિયમમાં રોયલ ચેલેન્જર્સ બેંગ્લોર અને પંજાબ કિંગ્સ વચ્ચે ટાઇટલ ટક્કર યોજાવાની છે. આ બંને ટીમો અત્યાર સુધી IPL ટ્રોફી જીતી શકી નથી તેથી 18 વર્ષના ઇતિહાસમાં લીગનો તેની આઠમી ચેમ્પિયન ટીમ મેળવાનું નક્કી  છે. અહીં ચાલો જાણીએ કે ફાઇનલ મેચ માટે પ્લેઇંગ ઇલેવનમાંથી પિચની સ્થિતિ શું હશે.

પિચ રિપોર્ટ 

નરેન્દ્ર મોદી સ્ટેડિયમની પિચ બેટ્સમેન માટે મદદરૂપ સાબિત થઈ છે. ક્વોલિફાયર-2 મેચ આ મેદાન પર રમાઈ હતી, જેમાં કુલ 410 રન બન્યા હતા. IPL 2025 માં આ મેદાન પર પહેલા બેટિંગ કરનારી ટીમ ફાયદામાં રહી છે, કારણ કે વર્તમાન સિઝનમાં અહીં રમાયેલી 8 મેચમાંથી પહેલા બેટિંગ કરનારી ટીમ 6 વખત વિજયી રહી છે. તમને જણાવી દઈએ કે આ મેદાન પર સૌથી વધુ સ્કોર કરનારી ટીમ પંજાબ કિંગ્સ છે, તેણે આ વર્ષે ગુજરાત ટાઇટન્સ સામે 243 રન બનાવ્યા હતા.

હેડ-ટુ-હેડ રેકોર્ડ 

પંજાબ કિંગ્સ અને રોયલ ચેલેન્જર્સ બેંગ્લોરે IPLમાં અત્યાર સુધીમાં 36 મેચ રમી છે, જેમાં બંને ટીમોએ 18-18 મેચ જીતી છે. IPL 2025 માં તેમની વચ્ચે ત્રણ મેચ રમાઈ છે, જેમાંથી બેંગ્લોરની ટીમે 2 વાર જીત મેળવી છે. છેલ્લી 6 મેચની વાત કરીએ તો પંજાબ તેમાં ફક્ત 1 જીત નોંધાવી શક્યું છે. જો આપણે આ આંકડાઓ પર નજર કરીએ તો RCB પહેલીવાર ચેમ્પિયન બનતું દેખાય છે.

ફાઈનલ મેચમાં વરસાદ વિલન બની શકે 

IPL ફાઈનલ મેચમાં વરસાદ વિલન બની શકે છે. હવામાન વિભાગે અમદાવાદમાં આવતીકાલે વરસાદની આગાહી કરી છે. અમદાવાદના નરેંદ્ર મોદી સ્ટેડિયમમાં આવતીકાલે IPL 2025ની ફાઈનલ મેચ રમાવાની છે.  અમદાવાદમાં હળવાથી મધ્યમ વરસાદની આગાહી કરવામાં આવી છે. 

ફાઇનલ મેચ માટે રિઝર્વ ડે

IPL 2025 ની ફાઇનલ 3 જૂને નરેન્દ્ર મોદી સ્ટેડિયમ ખાતે રમાશે. જો વરસાદ અથવા કોઈપણ કારણોસર મેચ રદ જાહેર કરવામાં આવે છે તો ફાઇનલ મેચ 4 જૂને યોજાશે. કારણ કે નિયમો મુજબ, 4 જૂનને ફાઇનલ મેચ માટે રિઝર્વ ડે તરીકે રાખવામાં આવ્યો છે. વરસાદને કારણે જો આઈપીએલ 2025ની ફાઈનલ મેચ ન રમાય તો બીજા દિવસે એટલે કે 4 જૂનના રોજ ફાઈનલ મેચ રમાશે. 

RCB ની સંભવિત પ્લેઇંગ ઈલેવન: વિરાટ કોહલી, ફિલિપ સોલ્ટ, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા, રોમારિયો શેફર્ડ, કૃણાલ પંડ્યા, ભુવનેશ્વર કુમાર, યશ દયાલ, જોશ હેઝલવુડ, સુયશ શર્મા

પંજાબ કિંગ્સ ની સંભવિત પ્લેઇંગ ઈલેવન: પ્રિયાંશ આર્ય, જોશ ઇંગ્લિસ, શ્રેયસ ઐયર (કેપ્ટન), નેહલ વઢેરા, માર્કસ સ્ટોઇનિસ, શશાંક સિંહ, અઝમતુલ્લાહ ઉમરઝઈ, કાઈલ જેમીસન, વિજયકુમાર વિશક, અર્શદીપ સિંહ, યુઝવેન્દ્ર ચહલ