LSG vs DC: દિલ્હીને મોટા માર્જિનથી હરાવ્યા બાદ લખનૌના કેપ્ટન કેએલ રાહુલે શું કહ્યું?
IPL 2023 ત્રીજી મેચમાં લખનૌ સુપર જાયન્ટ્સ અને દિલ્હી કેપિટલ્સ વચ્ચે મુકાબલો થયો હતો. અહીં લખનૌએ એકતરફી ગેમ જીતી હતી.
KL Rahul on LSG Win: ત્રીજી મેચમાં લખનૌ સુપર જાયન્ટ્સ અને દિલ્હી કેપિટલ્સ વચ્ચે મુકાબલો થયો હતો. અહીં લખનૌએ એકતરફી ગેમ જીતી હતી.
શનિવારે (1 એપ્રિલ) રાત્રે રમાયેલી IPL 2023 મેચમાં, લખનૌ સુપર જાયન્ટ્સ (LSG) એ મોટા માર્જિનથી જીત મેળવી હતી. લખનૌની ટીમે દિલ્હી કેપિટલ્સને 50 રનથી હરાવ્યું હતું. પ્રથમ બેટિંગ કરતા લખનૌએ વિન્ડીઝના બેટ્સમેન કાયલ મેયર્સ દ્વારા 73 રનની ધમાકેદાર ઇનિંગને કારણે 193 રનનો વિશાળ સ્કોર બનાવ્યો હતો અને બાદમાં માર્ક વુડની શાનદાર બોલિંગ (14/5)ની મદદથી દિલ્હીને માત્ર 143 રનમાં રોકી દીધું હતું. આ જોરદાર જીત બાદ એલએસજીના કેપ્ટન કેએલ રાહુલે પોતાના બંને ખેલાડીઓના વખાણ કર્યા હતા.
'અમે 25થી 30 રન વધુ બનાવ્યા'
મેચ બાદ કેએલ રાહુલે પહેલા પોતાના બેટ્સમેનોના વખાણ કર્યા અને કહ્યું, 'અમને પિચ વિશે વધારે ખબર નહોતી. મને લાગે છે કે અમે આ પિચ પર જેટલા રન બનાવ્યા હતા તેના કરતા અમે 25-30 રન વધુ બનાવ્યા છે. કાયલ મેયર્સે જે રીતે બેટિંગ કરી અને પછી જે અભિગમ સાથે બાકીના બેટ્સમેનોએ સ્પિનરો પર હુમલો કર્યો, તેના કારણે આ સારા સ્કોર સુધી પહોંચી શકાયું.
A 𝐂𝐚𝐩𝐢𝐭𝐚𝐥𝐢𝐳𝐢𝐧𝐠 victory indeed 🤘😌#LSGvDC | #IPL2023 | #LucknowSuperGiants | #LSG | #GazabAndaz pic.twitter.com/YB4yTyxJfR
— Lucknow Super Giants (@LucknowIPL) April 1, 2023
'પછી વિચાર્યું કે બેટ્સમેનોને મદદ મળશે પણ...'
આ પછી કેએલ રાહુલે પણ પોતાની ટીમની બોલિંગની પ્રશંસા કરી હતી. તેણે કહ્યું, 'ગ્રાઉન્ડ એવરેજ હતું અને મને લાગ્યું કે પીચ બેટ્સમેનો માટે સારી બનશે પરંતુ અમારા બોલરોએ શાનદાર પ્રદર્શન કર્યું. તે માર્ક વૂડનો દિવસ હતો. તેને જે રીતે બોલિગ કરી તેવી રીતે કરવાનું દરેક ફાસ્ટ બોલરનું સપનું હોય છે.. જ્યારે કોઈ ખેલાડી ફોર્મમાં હોય અને આવું પ્રદર્શન આપે તો ટીમ માટે સારા પરિણામો આવે જ છે.
કેએલ રાહુલે પણ કહ્યું કે, આ એક મહત્વપૂર્ણ જીત છે. અમે અહીંથી આત્મવિશ્વાસ સાથે આગળ વધીશું. T20 ક્રિકેટ એવી મેચ છે કે જેમાં દરરોજ તમારે શરૂઆતથી શરૂઆત કરવી પડે છે.
SRH vs RR :હૈદરાબાદ અને રાજસ્થાન વચ્ચે આજે મુકાબલો
IPL 2023: સનરાઇઝર્સ હૈદરાબાદ અને રાજસ્થાન રોયલ્સ વચ્ચે આજે (2 એપ્રિલ) મેચ રમાશે. આ મેચ હૈદરાબાદમાં રમાશે.
IPL 2023 ની ચોથી મેચ સનરાઇઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે છે. હૈદરાબાદના રાજીવ ગાંધી ઇન્ટરનેશનલ સ્ટેડિયમમાં આજે બંને ટીમો આમને-સામને થશે. સંજુ સેમસન રાજસ્થાનની ટીમની કમાન સંભાળી રહ્યો છે, જ્યારે હૈદરાબાદની કમાન ભુવનેશ્વર કુમારના હાથમાં છે. હૈદરાબાદનો કેપ્ટન એડન માર્કરામ આ મેચ નહિ રમે.
રાજસ્થાન રોયલ્સ છેલ્લી IPL સિઝનની ફાઇનલિસ્ટ રહી છે. આ ટીમ બોલિંગ અને બેટિંગમાં સારું બેલેન્સ ધરાવે છે. બીજી તરફ સનરાઇઝર્સ હૈદરાબાદની ટીમ ગત સિઝનમાં પ્લેઓફમાં પણ ક્વોલિફાય કરી શકી ન હતી. જોકે આ ટીમમાં પણ દિગ્ગજની કમી નથી. સનરાઇઝર્સ પાસે જબરદસ્ત ઝડપી બોલિંગ આક્રમણ છે અને બેટિંગમાં પણ ઘણા મોટા નામ છે.
ટોપ સ્ટોરી
ટ્રેન્ડિંગ સમાચાર
