IPL: 7 વર્ષ બાદ ક્વોલીફાયર 2 રમશે RCB, 2015 માં CSK ની સામે આવુ રહ્યું હતું પ્રદર્શન 

ઇન્ડિયન પ્રીમિયર લીગની 15મી સિઝનની બીજી ક્વોલિફાયર મેચ આજે અમદાવાદના નરેન્દ્ર મોદી સ્ટેડિયમમાં રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે રમાશે.

રોયલ ચેલેન્જર્સ બેંગ્લોર ફાઈલ તસવીર

IPL 2022 RR vs RCB Qualifier 2: ઇન્ડિયન પ્રીમિયર લીગની 15મી સિઝનની બીજી ક્વોલિફાયર મેચ આજે અમદાવાદના નરેન્દ્ર મોદી સ્ટેડિયમમાં રાજસ્થાન રોયલ્સ અને રોયલ ચેલેન્જર્સ બેંગ્લોર વચ્ચે રમાશે. આ મેચ સાંજે 7.30 કલાકે શરૂ થશે. બંને ટીમોની નજર આ મેચ જીતીને ફાઇનલમાં પ્રવેશવા પર રહેશે.

આ મેચ જીતનારી ટીમ ફાઇનલમાં ક્વોલિફાયર 1 ના વિજેતા સાથે ટકરાશે. હારેલી ટીમની સફરનો અંત આવશે. જો RCB આ મેચ જીતે છે, તો તે ચોથી વખત હશે કે તેઓ IPLની ફાઈનલ રમશે. આ પહેલા પણ ટીમ ત્રણ વખત નિર્ણાયક મેચ રમી ચુકી છે, પરંતુ દરેક વખતે તેને હારનો સામનો કરવો પડ્યો છે.

RCB 7 વર્ષ પછી ક્વોલિફાયર 2 રમશે

તમારી જાણકારી માટે તમને જણાવી દઈએ કે રોયલ ચેલેન્જર્સ બેંગ્લોર IPLના ઈતિહાસમાં ત્રણ વખત ફાઈનલ રમી ચુકી છે. જોકે તે હજુ સુધી ટાઈટલ જીતી શક્યા નથી. બીજી તરફ ક્વોલિફાયર 2 ની વાત કરીએ તો સાત વર્ષ પછી RCBની ટીમ આ નોકઆઉટ મેચ રમવા જઈ રહી છે.

અગાઉ IPL 2015માં રોયલ ચેલેન્જર્સ બેંગ્લોર ક્વોલિફાયર 2 રમી હતી. ત્યારબાદ તેનો સામનો એમએસ ધોનીની આગેવાની હેઠળની ચેન્નાઈ સુપર કિંગ્સ સામે થયો હતો. આ મેચમાં ચેન્નાઈએ છેલ્લી ઓવરમાં RCBને ત્રણ વિકેટે હરાવ્યું હતું.

મેચ ખૂબ જ રોમાંચક રહી હતી

IPL 2015માં રાંચીમાં ક્વોલિફાયર 2 ચેન્નાઈ અને બેંગ્લોર વચ્ચે રમાઈ હતી. આ મેચમાં બેંગ્લોરે પ્રથમ બેટિંગ કરતા 20 ઓવરમાં 8 વિકેટે 139 રન બનાવ્યા હતા. RCB તરફથી ક્રિસ ગેલે 41 રન બનાવ્યા હતા. જવાબમાં ચેન્નાઈએ 19.4 ઓવરમાં 7 વિકેટના નુકસાને લક્ષ્યનો પીછો કરી લીધો હતો. માઈકલ હસીએ ચેન્નાઈ માટે 56 રનની મેચ વિનિંગ ઇનિંગ્સ રમી હતી. જ્યારે ધોનીએ મહત્વપૂર્ણ 26 રન બનાવ્યા હતા.