KKR vs RCB LIVE Score: રોમાંચક મુકાબલામાં કોલકત્તાએ બેંગલુરુને એક રનથી હરાવ્યું, રસેલની ત્રણ વિકેટ
IPL 2024 KKR vs RCB: આઇપીએલ 2024ની 36મી મેચ કોલકાતા નાઈટ રાઈડર્સ અને રૉયલ ચેલેન્જર્સ બેંગ્લોર વચ્ચે રમાશે.
Background
IPL 2024 KKR vs RCB: આઇપીએલ 2024ની 36મી મેચ કોલકાતા નાઈટ રાઈડર્સ અને રૉયલ ચેલેન્જર્સ બેંગલુરુ વચ્ચે રમાશે. આ મેચ ઈડન ગાર્ડન્સમાં રમાશે. કેકેઆરએ ગઇ વખતે આરસીબીને હરાવ્યું હતું. હવે ફાફ ડુ પ્લેસિસની કેપ્ટનશીપ વાળી ટીમ બદલો લેવાની રાહ જોઈ રહી છે. ટીમ આ મેચ માટે પ્લેઈંગ ઈલેવનમાં ફેરફાર કરી શકે છે. આરસીબીનું આ સીઝનમાં નિરાશાજનક પ્રદર્શન રહ્યું છે. તે અત્યાર સુધી માત્ર એક જ મેચ જીતવામાં સફળ રહી છે.
નીતિશ રાણા અને રિન્કુ સિંહને KKR તરફથી રમવા પર શંકા છે. નીતીશ ઈજાના કારણે બહાર છે. રિંકુને પણ સામાન્ય ઈજાઓ થઈ હતી. જોકે, આ બંનેની ફિટનેસને લઈને કોઈ લેટેસ્ટ અપડેટ પ્રાપ્ત થયું નથી. સુનીલ નારાયણ આ મેચમાં KKR માટે મહત્વની ભૂમિકા ભજવી શકે છે. તેણે અત્યાર સુધી શાનદાર પ્રદર્શન કર્યું છે. નરેન ટીમ માટે ઓપનિંગ કરે છે અને પોતાની જવાબદારી સારી રીતે નિભાવી રહ્યો છે.
RCB ખરાબ તબક્કામાંથી પસાર થઈ રહ્યું છે. તેણે અત્યાર સુધીમાં 7 મેચ રમી છે અને આ સમયગાળા દરમિયાન માત્ર એક જ મેચ જીતી શકી છે. RCB પૉઈન્ટ ટેબલમાં સૌથી નીચેના સ્થાને છે. છેલ્લી મેચમાં પણ કોલકાતાએ તેને હરાવ્યો હતો. આ મેચમાં આરસીબીને 7 વિકેટે હારનો સામનો કરવો પડ્યો હતો. જો કે આ વખતે ફાફ ડુ પ્લેસિસની કેપ્ટનશીપ હેઠળની ટીમ જીતના ઈરાદા સાથે મેદાનમાં ઉતરશે. પરંતુ તેના માટે ઈડન ગાર્ડન્સનો રસ્તો આસાન નહીં હોય.
કોલકત્તા-બેંગ્લૉરની મેચ માટે સંભવિત ખેલાડી
કોલકાતા નાઈટ રાઈડર્સ ટીમ-
ફિલ સૉલ્ટ, સુનીલ નારાયણ, અંગકૃશ રઘુવંશી, શ્રેયસ ઐયર, વેંકટેશ ઐયર/નીતીશ રાણા, રિંકુ સિંહ, આન્દ્રે રસેલ, રમનદીપ સિંહ, મિચેલ સ્ટાર્ક, હર્ષિત રાણા, વરુણ ચક્રવર્તી.
રૉયલ ચેલેન્જર્સ બેંગલુરુની ટીમ-
ફાફ ડુ પ્લેસિસ, વિરાટ કોહલી, વિલ જેક્સ, રજત પાટીદાર, કેમેરોન ગ્રીન, દિનેશ કાર્તિક, અનુજ રાવત, મહિપાલ લોમરોર, અલઝારી જોસેફ, વિજયકુમાર વિશાક, મોહમ્મદ સિરાજ.
કોલકત્તાનો એક રનથી વિજય
કોલકાતાના ઈડન ગાર્ડન્સ ખાતે રમાયેલી આરસીબી અને કેકેઆર વચ્ચેની મેચ રોમાંચક રહી હતી. કોલકાતાએ પ્રથમ બેટિંગ કરતા 20 ઓવરમાં 222 રન બનાવ્યા હતા. જવાબમાં કોહલી અને ફાફ સસ્તામાં આઉટ થઈ ગયા હતા, પરંતુ ત્યારબાદ વિલ જેક્સ અને રજત પાટીદારે અડધી સદી ફટકારીને મેચની બાજી પલટી હતી. એવું લાગતું હતું કે આરસીબી આસાનીથી જીતી જશે, પરંતુ પછી આન્દ્રે રસેલ અને સુનીલ નરેને પોતપોતાની ઓવરમાં બે-બે વિકેટ લઈને મેચને બદલી નાખી હતી. 19મી ઓવરના છેલ્લા બોલ પર કાર્તિક આઉટ થયો ત્યારે કેકેઆરની જીત નિશ્ચિત હતી. જો કે, ત્યાર બાદ કર્ણ શર્માએ છેલ્લી ઓવરમાં ત્રણ સિક્સ ફટકારીને મેચને રોમાંચક બનાવી હતી. હવે આરસીબીને બે બોલમાં ત્રણ રનની જરૂર હતી. પરંતુ ત્યારબાદ KKR એ મેચ એક રનથી જીતી લીધી હતી.
રસેલે રજત અને જેક્સને કર્યા આઉટ
આંન્દ્રે રસેલ અને રજત પાટીદારે વિલ જેક્સને આઉટ કરી મેચમાં કેકેઆરની વાપસી કરાવી છે. જેક્સ 32 બોલમાં 55 અને રજત પાટીદાર 23 બોલમાં 52 રન કરી આઉટ થયો હતો.
ટોપ સ્ટોરી
ટ્રેન્ડિંગ સમાચાર
