Watch: રોહિત શર્મા સાથે રમવાને સંદર્ભે વિરાટ કોહલીએ આપ્યું મહત્વનું નિવેદન, જાણો શું કહ્યું?
MI vs RCB IPL 2025: સોમવારે મુંબઈ ઈન્ડિયન્સ વિરુદ્ધ રોયલ ચેલેન્જર્સ બેંગ્લોરની મેચ પહેલા વિરાટ કોહલીએ રોહિત શર્મા સાથે તેની ક્રિકેટ સફર વિશે વાત કરી હતી
Virat Kohli on Rohit Sharma: વિરાટ કોહલી અને રોહિત શર્મા છેલ્લા એક દાયકાથી વધુ સમયથી ટીમ ઈન્ડિયા માટે રમી રહ્યા છે. બંને દિગ્ગજોએ T20 વર્લ્ડ કપ 2024નો ખિતાબ જીત્યા બાદ T20 ફોર્મેટમાંથી નિવૃત્તિ લીધી હતી. બંનેએ ચેમ્પિયન્સ ટ્રોફી પણ જીતી હતી અને આ પહેલા પણ ટીમ ઈન્ડિયા માટે ઘણી યાદગાર મેચોમાં સાથે રમ્યા હતા. બંને ખેલાડીઓ સોમવારે IPL 2025માં એક બીજાનો સામનો કરશે જ્યારે વાનખેડે ખાતે મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે મેચ રમાશે. આ પહેલા વિરાટ કોહલીએ રોહિત સાથેના તેના સંબંધો વિશે વાત કરી હતી, જેને સાંભળીને રો-કોના ચાહકો ખુશ થઈ જશે.
રોહિત શર્મા સાથેના બોન્ડ પર વિરાટ કોહલીએ કહ્યું, "અમે ચોક્કસપણે લાંબા સમય સુધી ભારત માટે સાથે રમવાનો આનંદ માણ્યો છે. અમે શેર કરેલી બધી યાદો માટે ખૂબ જ ખુશ અને આભારી છીએ અને અમે આમ કરવાનું ચાલુ રાખીશું. અમે ટીમ માટે નેતૃત્વના દ્રષ્ટિકોણથી ખૂબ નજીકથી કામ કર્યું છે. હંમેશા વિચારોની ચર્ચા થતી હતી."
વિરાટ કોહલી અને રોહિત શર્માએ લગભગ એક સાથે આંતરરાષ્ટ્રીય ક્રિકેટમાં પદાર્પણ કર્યું હતું. રોહિતે પોતાની પ્રથમ આંતરરાષ્ટ્રીય મેચ 2007માં અને વિરાટ કોહલીએ 2008માં રમી હતી. લગભગ 17 વર્ષની આ સફરમાં બંને ક્રિકેટરોએ ઘણા રેકોર્ડ બનાવ્યા અને તોડ્યા.
IPL 2025 માં MI vs RCB મેચ ક્યારે છે?
IPLની સીઝન 18માં મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે 7મી એપ્રિલે મેચ રમાશે. આ મેચ મુંબઈના વાનખેડે ક્રિકેટ સ્ટેડિયમમાં રમાશે, જે સાંજે 7:30 વાગ્યે શરૂ થશે.
વિરાટ અને રોહિત IPLની પ્રથમ આવૃત્તિથી જ રમી રહ્યા છે.
વિરાટ કોહલી અને રોહિત શર્મા IPLની પ્રથમ આવૃત્તિ (2008) થી રમી રહ્યા છે. રોહિત શર્મા પહેલા ડેક્કન ચાર્જર્સ તરફથી રમ્યા અને પછી મુંબઈ ઈન્ડિયન્સમાં આવ્યા. વિરાટ કોહલી પ્રથમ સિઝનથી જ રોયલ ચેલેન્જર્સ બેંગ્લોર તરફથી રમી રહ્યો છે.
ટોપ સ્ટોરી
ટ્રેન્ડિંગ સમાચાર
