રવિંદ્ર જાડેજા પાસે નંબર-1 બનવાની તક, માત્ર 3 વિકેટ ઝડપતા બનાવશે આ રેકોર્ડ
ચેન્નાઈ સુપર કિંગ્સની ટીમ આઈપીએલ 2025માં અત્યાર સુધી સારું પ્રદર્શન કરી શકી નથી. ટીમ અત્યાર સુધીમાં કુલ 6 મેચ હારી છે.
Ravindra jadeja : ચેન્નાઈ સુપર કિંગ્સની ટીમ આઈપીએલ 2025માં અત્યાર સુધી સારું પ્રદર્શન કરી શકી નથી. ટીમ અત્યાર સુધીમાં કુલ 6 મેચ હારી છે. તેના માટે પ્લેઓફમાં પહોંચવું મુશ્કેલ લાગે છે. આજે CSKની ટીમ સનરાઇઝર્સ હૈદરાબાદ સામે ટકરાશે. આ મેચમાં સ્ટાર ઓલરાઉન્ડર રવિન્દ્ર જાડેજા પાસે ગોલ્ડન રેકોર્ડ બનાવવાની તક છે. મેચમાં ત્રણ વિકેટ લેતાની સાથે જ તે IPLમાં ચેન્નાઈ સુપર કિંગ્સ માટે સૌથી વધુ વિકેટ લેનાર બોલર બની જશે. અત્યાર સુધીની તમામ આઈપીએલ મેચમાં રવિંદ્ર જાડેજાનું પ્રદર્શન શાનદાર રહ્યું છે.
ડ્વેન બ્રાવોને પાછળ છોડવાની શાનદાર તક
રવિન્દ્ર જાડેજાએ અત્યાર સુધી ચેન્નાઈ સુપર કિંગ્સ ટીમ માટે 180 IPL મેચમાં કુલ 138 વિકેટ ઝડપી છે. તે IPLમાં CSK માટે બીજા સૌથી વધુ વિકેટ લેનાર બોલર છે. ડ્વેન બ્રાવોએ CSK માટે અત્યાર સુધીમાં સૌથી વધુ IPL વિકેટ લીધી છે. તેના નામે 140 વિકેટ છે. હવે જો જાડેજા આજની મેચમાં વધુ ત્રણ વિકેટ લેશે તો તે ડ્વેન બ્રાવોને પાછળ છોડીને ચેન્નાઈ સુપર કિંગ્સ માટે સૌથી વધુ આઈપીએલ વિકેટ લેનાર બોલર બની જશે.
આઈપીએલમાં 3000 થી વધુ રન બનાવ્યા છે
રવીન્દ્ર જાડેજા 2008થી IPLમાં ભાગ લઈ રહ્યો છે. અત્યાર સુધીમાં તેણે 248 IPL મેચમાં કુલ 3108 રન બનાવ્યા છે. આ સિવાય તેણે 165 વિકેટ પણ લીધી છે. તે શાનદાર બેટિંગમાં નિષ્ણાત છે અને તેની સ્પિનના જાદુથી બચવું સરળ નથી. તે કોઈપણ બેટિંગ આક્રમણને નષ્ટ કરવાની ક્ષમતા ધરાવે છે.
CSKની ટીમ છેલ્લા સ્થાને છે
ચેન્નાઈ સુપર કિંગ્સની ટીમે આઈપીએલ 2025માં અત્યાર સુધીમાં કુલ 8 મેચ રમી છે, જેમાંથી ટીમ માત્ર બે જ જીતવામાં સફળ રહી છે. ટીમને 6 મેચમાં હારનો સામનો કરવો પડ્યો છે. ચાર પોઈન્ટ સાથે તેનો નેટ રન રેટ માઈનસ 1.392 છે. CSK ટીમ પોઈન્ટ ટેબલમાં છેલ્લા સ્થાને છે.
ચેન્નાઈ સુપર કિંગ્સ અને સનરાઈઝર્સ હૈદરાબાદ વચ્ચે મુકાબલો
IPL 2025 ની 43મી મેચ આજે એમએસ ધોનીની આગેવાની હેઠળની ચેન્નાઈ સુપર કિંગ્સ અને પેટ કમિન્સની આગેવાની હેઠળની સનરાઈઝર્સ હૈદરાબાદ વચ્ચે રમાશે. ચેપોક સ્ટેડિયમમાં યોજાનારી આ મેચ મહત્વપૂર્ણ છે કારણ કે જે ટીમ હારશે તેની પ્લેઓફમાં પહોંચવાની શક્યતા લગભગ ગુમાવી દેશે.
ટોપ સ્ટોરી
ટ્રેન્ડિંગ સમાચાર
